🇺🇿#Qor_tozalash
#Obodonlashtirish_ishlari_davom_etmoqda

"Aholi xavfsizligi uchun: tuman bo‘ylab yo‘laklar va ijtimoiy obyektlar tozalandi!"

Tumanda qish mavsumiga tayyorgarlik ishlari jadal sur'atlarda olib borilmoqda. Ijtimoiy obyektlar – maktablar, poliklinikalar, maktabgacha ta'lim muassasalari (MTM) kirish-chiqish yo'laklari qordan tozalandi va xavfsiz holatga keltirildi. Shuningdek, yo'llarni qor va muzdan tozalash ishlari ham izchil tashkil etilmoqda.

Ushbu jarayonlarda o‘z mehnati bilan ishtirok etayotgan barcha xizmat ko‘rsatuvchi tashkilot xodimlariga alohida minnatdorchilik bildiramiz. Ularning fidokorona mehnati tufayli tumanimiz aholisi uchun xavfsiz va qulay muhit yaratilmoqda.

Qish mavsumida fuqarolarning xavfsizligini ta'minlash maqsadida barcha zarur choralar ko‘rilmoqda!

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Qor_tozalash
#Obodonlashtirish_ishlari_davom_etmoqda

"Tumanda qishki xavfsizlik choralari o‘z vaqtida amalga oshirilmoqda!"

Boshqaruv servis kompaniyalari tomonidan qish mavsumining qiyin sharoitlariga qarshi faol chora-tadbirlar ko‘rilmoqda. Sovuq va qorli kunlarda o‘z hududlarini muz va qor qoplamidan tozalash ishlari jadallik bilan olib borilmoqda. Ko‘chalarga qum va tuz sepish kabi profilaktik choralar muntazam ravishda amalga oshirilayotgani piyodalar hamda transport harakati uchun xavfsizlikni ta’minlashga xizmat qilmoqda.

Bunday samarali va tezkor harakatlar hududlarni xavfsiz va tartibli saqlash bilan birga, qishki ob-havoning kutilmagan qiyinchiliklarini yengishda katta ahamiyat kasb etmoqda.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar

Yangi yil yarmarkalari: Sifat nazorati va xavfsizlik kafolati

Yangi yil bayrami arafasida savdo yarmarkalari xaridorlar bilan gavjum. Bayram dasturxoni uchun savdoga qo‘yilgan oziq-ovqat mahsulotlarining xilma-xilligi va savdo rastalarining bayramona bezaklari har qanday xaridorning e’tiborini o‘ziga tortadi. Shu bilan birga, mahsulotlarni xarid qilishda ularning sifat kafolatlariga alohida e’tibor qaratish zarur.

Sergeli tumanida yangi yil bayrami arafasida tashkil etilgan oziq-ovqat mahsulotlari savdo yarmarkalarida mahsulotlarning yorliqlari, saqlanish muddatlari va sifat kafolatlari sinchiklab nazorat qilinmoqda. Bayram kunlarini betalofat va osoyishta o‘tishini ta’minlash, aholi orasida ovqatdan zaharlanish va botulizm kasalliklarini oldini olish maqsadida savdolardagi oziq-ovqat mahsulotlarining iste’molga yaroqliligi bo‘yicha nazorat kuchaytirildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website