#Студент_күнделиги
#Кеўли_аш_адамлар

Биз жасап атырған дүньяда ҳәр түрли адам бар. Булардыӊ ишинде тойымлығы жоқ, ҳеш нәрседен қанаатланбайтуғын, өзине қылынған жақсылықларды қәдирлемейтуғын категориядағы адамларға реҳмим келеди. Бундай адамлар тек ғана сизден көп нәрсе күтеди, өмирден көп нәрсени талап етеди бирақ не рахмет айтыўды биледи не шүкиршилик етиўди. Керсинше оларға жақсылық исленген сайын көбирек нәрсе талап етиўди баслайды. Өмирден талаплары жоқары бирақ алды менен өзи буған жуўап бермейди. Булар-кеўли аш адамлар. Олардыӊ руўхый дүньясы дым көримсиз, қәлби болса бослықтан ибарат. Олардыӊ кеўли ҳәм материаллық ҳәм руўхый байлыққа ҳеш қашан тоймайды. Усындай адамлар қатарында болып қалыўдан илажы барынша аўлақ болыӊ. Кеўли тоқ адамлар менен досласыўға ҳәрекет қылыӊ.

📚Студент күнделигинен