#JARAYON

Samarqand viloyati hududiy qurilish va uy-joy kommunal xo‘jaligi sohasida nazorat qilish inspeksiyasi boshlig’i o‘rinbosari Farhod Musurmonov ishtirokida "Samarqand suv ta’minoti" AJ Samarqand shahar filiali ishchi-xodimlar bilan yig’ilish o‘tkazildi.

Unda ichimlik suvi tarmog‘iga o‘zboshimchalik bilan ulanish holatlarini aniqlash va bartaraf etish, xodimlar tomonidan kamomadlarga yo‘l qo‘ymaslik va boshqa bir qator masalalar tanqidiy-tahliliy ruhda muhokama qilindi.

Ayniqsa, korrupsion holatlarga yo‘l qo‘ymaslik, uni oldini olish masalasi, xizmat vazifasi davomida xato va kamchiliklarga yo‘l qo‘ygan xodimlarga nisbatan qat’iy chora ko‘rilishi to‘g’risida ham to‘xtaldi.

https://t.iss.one/SamTvr

#Xalqaro_konferensiya #Jarayon #Tashrif

✅ O‘zbekiston Respublikasi Veterinariya va chorvachilikni rivojlantirish qo‘mitasi raisi Bahrom Norqobilov hamrohligida Butunjahon hayvonlar sog‘ligini himoya qilish tashkiloti rahbari Emmanuyel Subeyran boshchiligida Yevropa mintaqaviy komissiyasining 31-sessiyasi ishtirokchilari SamDVMCHBUga tashrif buyurdi.

Mehmonlarni universitet rektori, professor Xudaynazar Yunusov boshchiligidagi jamoa o‘zbekona an’ana – non, tuz va gullar bilan kutib olishdi.

Rektor mehmonlarga Universitet kirish darvozasi, bosh bino oldida o‘rnatilgan birinchi veterinar shifokori siymosi aks etgan monumentga ta’rif berib, universitet hayoti va faoliyatiga qisqacha to‘xtaldi.

Shuningdek, mehmonlar talabalar tomonidan tayyorlangan an’ana va qadriyatlar, milliy liboslar bilan tanishishdi.

🏛SamDVMCHBU Axborot xizmati

https://t.iss.one/SamTvr

#JARAYON
#REYD

Sifatsiz qurilish ishlarini oldini olish, noqonuniy obyektlarni aniqlash hamda ularni bartaraf qilish maqsadida Samarqand viloyati bo‘ylab reyd tadbirlari yanada kuchaytirilmoqda.

Bugun erta tongdan Samarqand viloyati hududiy Qurilish va uy-joy kommunal xo‘jaligi sohasida nazorat qilish inspeksiyasi boshlig'i Umar Mirzayev inspeksiyaning barcha xodimlari bilan ushbu masala yuzasidan muhokama o'tkazilib, xodimlar hududlar bo'ylab yo'naltirildi.

https://t.iss.one/SamTvr

#Jarayon
   ✅Kattaqo‘rg‘on shahar drama teatrining 2024-yil repertuar rejasiga asosan sahnalashtirilishi belgilangan Iftixar Piriyev qalamiga mansub "Buyuk turon" asari, rejissyor Asqar Xolmo'minov tomonidan sahnalashtirilib, O‘zbekiston Respublikasi Madaniyat vazirining birinchi o‘rinbosari A.Tajixanov boshchiligidagi Badiiy Kengash a'zolariga muvaffaqiyatli topshirildi...
Mazkur spektakl teatr direktori B.Tugalovning g’oyasi asosida dramaturg I.Piriyev tomonidan yozilgan bo’lib, asarni sahnalashtirish jarayonida “TURKSOY” ko’magi bilan oltita mustaqil turkiy davlatlardan taklif etilgan ijodkorlar birdamlikda faoliyat yuritdilar. Spektakl premeralari yaqin kunlarda O’zbekiston Respublikasi Madaniyat vazirligi hamda Turksoy rahbarligida oltita mustaqil turkiy davlatlar poytaxtlarida namoyish etilishi belgilangan.

Kattaqoʻrgʻon shahar drama teatri Matbuot xizmati.


https://t.iss.one/SamTvr

#Jarayon

YAXSHIDAN BOG‘ QOLADI

🏖Daraxtlar - insonlar yashashi va salomatligi uchun zarur bo‘lgan kislorod manbai sanaladi.

✅Ular nafaqat tabiat uchun ko‘rk balki, atrof-muhit musaffoligi uchun chang yutuvchi manba va kislorod ta‘minot zanjirining ajralmas qismi hamdir.

🌱Tumanimizda "Yashil makon" umummilliy loyihasi doirasida har yili minglab ko‘chatlar o‘tqazilib, parvarishlanmoqda.

🎥Ayni paytda ham Pastdarg’om tumanida ushbu loyihaning bu yilgi mavsumiga start berilib, “Darg‘om” kanali yoqasidagi bo‘sh turgan yer maydoniga sektor rahbarlari tumandagi barcha tashkilot va korxonalarning ko‘ngilli vakillari va faol fuqarolar tomonidan 1000 tupga yaqin qayrag‘och, katalpa hamda safura navlariga mansub daraxt ko‘chatlari o‘tqazilyapti.

✅Uyushqoqlik bilan olib borilayotgan bu xayrli ishlar tabiatni asrash, yashil maydonlarni kengaytirish hamda ekologik soflikni taʼminlash maqsadida amalga oshirilmoqda.

#JARAYON

Samarqand viloyati hududiy qurilish va uy-joy kommunal xo‘jaligi sohasida nazorat qilish inspeksiyasi xodimlari ishtirokida "Samarqand suv ta’minoti" AJ Samarqand tumani filiali ishchi-xodimlar bilan yig’ilish o‘tkazildi.

Unda ichimlik suvi tarmog‘iga o‘zboshimchalik bilan ulanish holatlarini aniqlash va bartaraf etish, xodimlar tomonidan kamomadlarga yo‘l qo‘ymaslik va boshqa bir qator masalalar tanqidiy-tahliliy ruhda muhokama qilindi.

Ayniqsa, korrupsion holatlarga yo‘l qo‘ymaslik, uni oldini olish masalasi, xizmat vazifasi davomida xato va kamchiliklarga yo‘l qo‘ygan xodimlarga nisbatan qat’iy chora ko‘rilishi to‘g’risida ham to‘xtaldi.

https://t.iss.one/SamTvr

#JARAYON

Bugungi kunda Samarqand viloyatining qator hududlarida aholi turmush tarzini yaxshilash va 2024-2025-yillar kuz-qish mavsumiga tayyorgarlik ko‘rish maqsadida keng ko‘lamli ishlar amalga oshirilib kelinmoqda.

Birgina Samarqand tumanida faoliyat yurituvchi “Abdurahmon Qilich” boshqaruv servis kompaniyasiga qarashli Parrandachilik mahallasi hududidagi ko‘p qavatli uylar tuman qurilish va uy-joy kommunal xo‘jaligi bo‘limi tashabbusi bilan qayta ta’mirlanmoqda. Xususan, ushbu uylarning fasad qismlari, yerto‘lalarida ta’mirlash, obodonlashtirish ishlari olib borilmoqda. Bu esa aholining sohaga oid muammolariga yechim topishga xizmat qiladi.

@SamTvr

#JARAYON

Bugun viloyat Qurilish va uy-joy kommunal xoʻjaligi bosh boshqarmasida viloyat hokimining o‘rinbosari A.Shukurov rahbarligida tuman va shahar hokimliklari, tegishli tashkilot hamda korxonalar mas’ullari ishtirokida yig’ilish o‘tkazildi.

Yig‘ilish kun tartibida viloyat hududidagi avtomobil yo‘llarida xavfsizlikni ta’minlash, kuz-qish mavsumida aholiga energiya resurslarini uzluksiz yetkazib berish, yashil makon loyihasi doirasidagi ishlar, investitsiya dasturi hamda kun tartibidagi boshqa masalalar muhokama qilindi.

Yig’ilish davomida kun tartibiga aloqador barcha korxona va tashkilotlar mutasaddilarining hisoboti tinglanib, kelgusida amalga oshiriladigan vazifalar belgilab olindi.