​​ZAMONAVIY OSHIQ IZHORI

Dilu jonim ila, jono, senga migratsiya qilsam,
Ko‘chib bu na’v hama ushshoq aro sensatsiya qilsam.

Manim sensatsiyadan bir tamannoim erur vasling,
O‘zidan ham so‘rorim shu samoni ratsiya qilsam.

Senga qimmatbaho ashyo yoqar derlar, olursanmu -
Muhabbat marketi ichra yurakni aksiya qilsam?

Talosh aylar seni jon, dil - iki dushman xaloyiqdek,
Izn ber, yakqalam aylab barin bir natsiya qilsam.

Tokay g‘ayri visolingdan ko‘z oldimda olur bahra,
Ne tong, isyon etib hozir falakka sanksiya qilsam?!

Bu foniy dunyadin dorul baqoga o‘tmayin bir kun,
Qabul et, Rustaming birla senga migratsiya qilsam.

22.01.22 y.

©Rustam Mirvohid

@Rustam_MIRVOKHID

Янги китоб

ҒАЗАЛ ҒИЗОЛИ

Ушбу тўпламда замондош шоирларимизнинг ғазалиётидан намуналар жамланган. Минг йиллик тарихга эга бўлган ғазал бугунги айёмда ҳам инсоннинг қувончу қайғуси, ташвиш ва изтироблари, умид ва шодликлари, армон ва орзуларини ифодалаш учун муҳим бадиий восита сифатида миллий адабиётимизда ўзига хос ўринга эга. Устоз шоирларимиз ва умидли ёш қаламкашларимизнинг ғазалларини ўқиганда бунга ўзингиз ҳам амин бўласиз.
Китоб Ўзбекистон Ёзувчилар уюшмаси ҳомийлигида чоп этилди.

Ғоя муаллифи – Рустам Мирвоҳид
Масъул муҳаррир – Олимжон Давлатов
Тўпловчи – Шоира Шамс
Муҳаррир – Дилрабо Мингбоева
Бадиий муҳаррир – Фаррух Эрматов
Мусаҳҳиҳ – Дилфуза Маҳмудова
Саҳифаловчи - Ғиёсиддин Ўнаров
Нашриёт – “Адабиёт”
Адади – 1000 нусха

Ўзбекистон Ёзувчилар уюшмаси Ахборот хизмати

Web-site | Telegram | Facebook | YouTube

#Ғазал_ғизоли

SHEʼRIYAT CHORLOVI

Xalqimiz gʻazal oʻqishni yaxshi koʻradi. Bizda qadimdan gʻazalxonlik kechalari gʻoyat fayzli tarzda oʻtganiyam chin.
Turkiy tilda gʻazal yozishni mumtoz shoirlarimiz boshlab bergan boʻlsa, anʼanani bugunning shoirlari davom ettiryapti.
“Gʻazal gʻizoli” kitobiga ana shunday zamondosh ijodkorlarning asarlari jamlandi. Bu toʻplamni targʻib qilish maqsadida gʻazalnavis ijodkorlar oʻrtasida chorlov oʻtkazishni niyat qildik. Uning tartibi shunday: mazkur bayozga asari kirgan ijodkor oʻz gʻazalini oʻqiydi va navbatni ushbu toʻplamga taalluqli boshqa shoirga uzatadi.

Chorlovning ilk qatnashchisi Oʻzbekiston Yozuvchilar uyushmasi raisi, Oʻzbekiston xalq shoiri Sirojiddin Sayyid boʻldi. Ustoz ijodkor oʻzining “To Navoiy bor...”, “Chamandirsan” gʻazallarini ifodali oʻqib, yoddan aytib berdi hamda navbatni Oʻzbekistonda xizmat koʻrsatgan yoshlar murabbiysi, sevimli shoirimiz Mirzo Kenjabekka uzatdi.
Chorlov 9-fevral – turkiy gʻazal ochuni sultoni Alisher Navoiy tugʻilgan kun arafasida oʻtkazilayotganidayam ramziy maʼno bor.

Fozil Farhod

Manba: O‘zbekiston Yozuvchilar uyushmasi


Bizning manzil:
Veb-sahifa | Telegram | Facebook

#Ғазал_ғизоли

ШЕЪРИЯТ ЧОРЛОВИ ДАВОМ ЭТЯПТИ

Хабарингиз бор, “Ғазал ғизоли” тўпламни тарғиб қилиш мақсадида ғазалнавис ижодкорлар ўртасида чорлов ўтказиляпти. Мазкур баёзга асари кирган ижодкор ўз ғазалини ўқийяпти ва навбатни ушбу тўпламга тааллуқли бошқа шоирга узатмоқда.
Чорловнинг илк қатнашчиси Ўзбекистон Ёзувчилар уюшмаси раиси, Ўзбекистон халқ шоири Сирожиддин Саййид бўлди. Устоз ижодкор ўзининг “То Навоий бор...”, “Чамандирсан” ғазалларини ифодали ўқиб, ёддан айтиб бериб, навбатни Ўзбекистонда хизмат кўрсатган ёшлар мураббийси, севимли шоиримиз Мирзо Кенжабекка узатган эди.
Ушбу видеода шоир Мирзо Кенжабек тўпламга кирган ўз ғазалларини ўқиб берди ва навбатни Ўзбекистон Ёзувчилар уюшмаси аъзоси Рустам Мирвоҳидга узатди.

Фозил Фарҳод

#Ғазал_ғизоли

“АЙНИ ДАМ”, “ШОМУ ШАМЪ” КИМНИНГ ҒАЗАЛЛАРИ?

“Ғазал ғизоли” тўпламида ёзганлари чоп этилган ижодкорлар ўртасида ўтказилаётган чорлов ҳақида эшитгандирсиз. У қизғин паллага кирди. Ўзбекистонда хизмат кўрсатган ёшлар мураббийси, севимли шоиримиз Мирзо Кенжабек навбатни Ўзбекистон Ёзувчилар уюшмаси аъзоси Рустам Мирвоҳидга узатган эди. Ушбу видеони томоша қилиб, шоир ўқиган ғазалларни тинглайсиз ва у навбатни кимга берганини билиб оласиз.

Фозил Фарҳод

Web-site | Telegram | Facebook | YouTube

"VORISIYLIK SILSILASIDA MUNOSIB HALQA..."

Kuni kecha Vazirlar Mahkamasining Ma'naviyat va davlat tilini rivojlantirish masalalari departamenti tashabbusi bilan O'zbekiston yozuvchilar uyushmasida vanihoyat uzoq kutganimiz - "G'azal g'izoli" bayozimizning taqdimot marosimi bo'lib o'tdi.
Taqdimotda dasturga muvofiq Departament va Uyushma hodimlari, taniqli olimlar, g'azalnavislar, san'atkorlar, turli vazirlik va idoralar rahbarlarining davlat tili bo'yicha maslahatchilari va OAV vakillari ishtirok etdi.
Tadbir davomida olimlar tomonidan "ma'naviy qizil kitob"imizga kirgan milliy qadriyatlarimizdan biri - ko'hna g'azal janriga mazkur bayoz misolida munosib murojaat qilingani va g'azalnavislik shu tahlit zamonaviy ruh bilan sug'orilib, adabiy jamoatchilik o'rtasida yaqin kelajakda urfga kirsa mumtoz ijodkorlar yaratgan "vorisiylik silsilasiga munosib halqa bo'lib qo'shilishi"ga umid bildirildi. Shu bilan birga, mualliflar bayozga kiritilgan g'azallaridan ifodali qilib o'qib berishdi, orada bayozning ayrim g'azallariga mashhur bastakor hamda hofizlar tomonidan bastalangan qo'shiqlar ijro etildi. Navoiy ta'biri bilan aytganda, mazkur "nafis majlis" juda samimiy va qizg'in ruhda kechgani uchun qariyb 3 soat davom etgani ham sezilmadi.
Fursatdan foydalanib, mazkur bayozning yaralishi, targ'iboti hamda taqdimotining yuqori saviyada o'tkazilishida o'zining amaliy yordamini bergan O'zbekiston yozuvchilar uyushmasiga, O'zbekiston bastakorlar uyushmasiga, xususan, O'zbekiston va Qoraqalpog'iston xalq artisti Abduhoshim Ismoilov boshchiligidagi maqomchilar ansabliga, O'zbekison xalq hofizi Erkin Ro'zimatovga, mas'ul muharrir Olimjon Davlatovga, to'plovchi Shoira Shamsga, xullas, barcha xissasi qo'shilgan va qo'shilmaganlarga ham (😉)chuqur minnatdorchigimizni bildiramiz.
Bayozning keyingi nashriga nafaqat O'zbekistondagi, balki chet eldagi g'azalnavis vatandoshlarning g'azallaridan kiritshni reja qildik.
To'g'ri, tanlagan yo'limiz og'ir, lekin sharafli. O'zi qo'llasin!

@Rustam_MIRVOKHID