📢 31 январь, сешанба куни АОКАда ўтказилиши режалаштирилган тадбирлар:

〰️〰️〰️
✅ Брифинг

🔘 Мавзу: Жамоат хавфсизлиги университетига 2023/2024 ўқув йили учун ўқишга кириш истагини билдирган номзодларнинг ҳужжатларини расмийлаштириш жараёнлари
🔘 Вақти: 12:00
🔘 Иштирок этади: Давронбек Жуманазаров, Миллий гвардия ахборот хизмати раҳбари

〰️〰️〰️
✅ Матбуот анжумани

🔘 Мавзу: 2022 йилда қурилиш материаллари саноатида амалга оширилган ишлар таҳлили, энергия тежамкор маҳсулотлар ишлаб чиқариш фаолияти
🔘 Вақти: 16:00
🔘 Иштирок этади: «Ўзсаноатқурилишматериаллари» уюшмаси раҳбарияти ва мутасаддилари

〰️〰️〰️
➡️ Саволларни @Rasmiy_aloqabot га жўнатинг. ОАВ ходимлари таклиф этилади.

Telegram | Youtube | Facebook | Instagram | Медиабанк | Сайт

Бугун бир гуруҳ давлат хизматчилари БААда хизмат сафарида

Давлат хизматини ривожлантириш агентлиги маълум қилишича, агентлик директорининг биринчи ўринбосари Отабек Хасанов бошчилигидаги делегация Инсон ресурслари федерал идораси (FAHR) раҳбарияти ва масъуллари билан мулоқот қилишди. Учрашув аввалида икки ташкилот фаолияти юзасидан тақдимотлар қилинди.

Шундан сўнг, давлат хизмати самарадорлигини ошириш бўйича ўзаро ҳамкорликнинг устувор йўналишлари ва 2023 йилда амалга ошириладиган тадбирлар режаси муҳокама қилинди.

Хусусан, давлат хизматида кадр таркибини таҳлил қилиш, мониторинг ва прогнозлаш, Human Resources Maturity Index, давлат хизматчилари фаолияти самарадорлигини баҳолаш методикалари, давлат хизматчиларининг компетенцияларини белгилаш ва Government Competency Framework бўйича БАА тажрибасини ўрганиш, амалиётга татбиқ қилиш юзасидан аниқ келишувларга эришилди.

Telegram | Facebook | Instagram | Youtube | Медиабанк

Жорий йилда 7 та электр станция ишга туширилади

Энергетика вазирлиги ахборот хизматининг маълум қилишича, жорий йил якунига қадар юртимизда умумий қуввати 2910,6 МВт бўлган 7 та электр станция (1 та ИЭС, 1 та шамол, 3 та қуёш ва 2 та ГЭС) ишга туширилиши (ягона электр тармоғига уланиши) режалаштирилган. Хусусан:

➖Сирдарё вилоятининг Ширин шаҳри ва Боёвут туманлари ҳудудида қуввати 1500 МВт бўлган замонавий иссиқлик электр станцияси;

➖Навоий вилоятининг Томди туманида қуввати 500 МВт бўлган шамол электр станцияси;

➖Сурхондарё вилоятининг Шеробод туманида қуввати 457 МВт бўлган қуёш фотоэлектр станцияси;

➖Самарқанд вилоятининг Каттақўрғон туманида қуввати 220 МВт бўлган қуёш фотоэлектр станцияси;

➖Жиззах вилоятининг Ғаллаорол туманида қуввати 220 МВт бўлган қуёш фотоэлектр станциялари ишга туширилиши режалаштирилган.

Аҳамиятлиси, ушбу электр станциялар хорижий компаниялар томонидан 100 фоиз тўғридан-тўғри инвестициялар ҳисобига амалга оширилмоқда.

➖Самарқанд вилоятида умумий қуввати 13,6 МВт бўлган 2 та гидроэлектр станция ишга туширилади. Шунингдек, Тўпаланг ГЭС модернизация қилинади ва унинг қуввати амалдаги 30 МВтдан 175 (+145) МВтга оширилади.

Маълумот учун: 2022 йилда умумий қуввати 1 474 МВт бўлган 7 та янги электр станция ишга туширилди.

Telegram | Facebook | Instagram | Youtube | Медиабанк