📱 Япония университетининг профессорлари томонидан 150 нафар фаол тадбиркорлар билан ўқув курслари ташкил этилди

АОКАда “Бизнесни ривожлантириш банки” раҳбарияти иштирокида ўтказилган матбуот анжуманида “Бизнесни ривожлантириш банки”нинг тадбиркорликка ўқитиш лойиҳалари ҳақида маълумот берилди:

⏺Ўзбекистон Республикаси Президентининг Сурхондарё вилоятига ташрифида берилган топшириқлар бўйича тузилган йиғилиш баённомасида 2024 йилда вилоятда кичик бизнесни ривожлантириш ва қўллаб қувватлаш “менторлик” тизимини йўлга қўйиш ҳамда бу борада Япония тажрибасини жорий этилишини ташкил этиш вазифаси юклатилган эди.

⏺Топшириқлар ижросини таъминлаш мақсадида банк, жамғарма ҳамда Ямагата Университети ўқув маркази томонидан шартномалар тузилган.

⚡️ Шартнома 3 босқичда амалга оширилиши белгиланган. Бунда,

1️⃣-босқич: Инновацион безнесни бошлаш дастурини ишлаб чиқиш;

2️⃣-босқич: Тадбиркорларни онлайн, офлайн тарзда ўқитиш менторларни саралаш ва тайёрлаш дастури;

3️⃣-босқич: Банк ходимларини ўқитиш.

⏺Шартномага кўра, Ямагата Унивеситети профессорлари томонидан 17 турдаги видео материаллар, 16 та презентация ва 50 та саволдан таркиб топган тест саволлари дастури ишлаб чиқилди.

⏺Ўқув курслари Япониянинг “u-hope” дастурини ўз ичига олган. Бунда, Япониянинг Ямагата университетининг профессорлари томонидан тайёрланган 10 турдаги видеоролик шаклида дарслик ҳамда 6 та турдаги “кейс амалиёт” ларини ўз ичига олган.

⏺Бугунги кунда, ушбу ўқув дастурига тадбиркорлар томонидан қизиқишлар ортиб бормоқда. Ҳозирда дастурга 11,0 минг нафардан ортиқ тадбиркорлар қизиқиш билдирганлиги, 2,0 минг нафардан ортиқ ўқиш жараёнлари бошланганлигини, 500 нафарга яқин тадбиркорлар сертификат эгалари бўлган.

⏺Япония томонининг мутахасислари ўқув дастурлари жараёнида мувафақиятли қатнашган тингловчилардан 24 нафар менторларни саралаб олишди.

📌 Батафсил

Telegram | Facebook | Instagram | Youtube | Медиабанк

❓ Келаси йилда тадбиркорлар учун қандай янгилик ва имтиёзлар белгиланмоқда?

АОКАда Бизнес-омбудсман девони раҳбарияти иштирокида ўтказилган матбуот анжуманида Ўзбекистонда тадбиркорликни қўллаб-қувватлаш ва ҳуқуқларини ҳимоя қилиш борасидаги қонунчиликдаги ўзгаришлар ва амалга оширилаётган ишлар ҳақида маълумот берилди:

⚫️Ўзбекистон Республикаси Президенти томонидан қабул қилинган "Тадбиркорлар ҳуқуқлари ва қонуний манфаатларини ишончли ҳимоя қилиш чора-тадбирлари тўғрисида"ги ПФ-184-сон Фармони тадбиркорларнинг ишончли фаолият юритиши учун янада кенг имкониятлар яратмоқда.

⚡️Фармон билан қуйидаги муҳим ўзгаришлар киритилмоқда:
2025 йил 1 январдан:

✅ Жисмоний шахс томонидан тадбиркорлик фаолиятини якка тартибдаги тадбиркор сифатида давлат рўйхатидан ўтмасдан амалга оширганлик учун молиявий жарима бекор қилинади;

✅ Фискал белгиларни акс эттириш тартибини бузиш, мажбурий рақамли маркировкалаш қоидаларини бузиш ва ходимлар сонини яшириш каби ҳуқуқбузарликлар учун маъмурий жавобгарлик бекор қилинади.

⚡️ 2025 йил 1 мартдан:

✅ Судда иш юритиш тарафлар келишув битими тузганлиги сабабли тугатилганда, тадбиркорлик субъектлари ва фуқароларга давлат божининг бир қисми қайтариб берилади.

⚫️Назорат қилувчи органлар фаолияти такомиллаштирилади:

✅ Тадбиркорлик субъектлари фаолиятини назорат қилишга ваколатли органлар ва уларнинг назорат соҳалари рўйхати тасдиқланди;

✅ "Хавфни таҳлил қилиш" электрон тизими жорий этилади ва текширувлар хавф даражасига қараб ўтказилади;

✅ Барча текширувлар "Ягона давлат назорати" ахборот тизимида рўйхатга олиш орқали Бизнес-омбудсманни хабардор этиш тартибида амалга оширилади.

⚫️ Назорат қилувчи органлар ходимларининг малакаси оширилади:

✅ Текшириш ҳуқуқини берувчи махсус гувоҳномага эга ходимлар ҳар икки йилда Бизнес-омбудсман томонидан ташкил этиладиган ўқув курсларида малакасини оширади.

⚫️ Назорат қилувчи органлар фаолияти баҳоланади:

✅ Бизнес-омбудсман ҳар йили назорат қилувчи органлар фаолиятини баҳолаб, уларнинг рейтингини эълон қилиб боради.

✍️ Батафсил

Telegram | Facebook | Instagram | Youtube | Медиабанк