Ҳеризал Хазри, Малайзия стратегик ва халқаро тадқиқотлар институти директори:

«Икки стратегик муҳим минтақа учун зарур ечимларни ҳал этиш учун Ўзбекистон томонининг бу анжуманни ўтказиш ташаббусини тўла қўллаб-қувватлайман.

Айниқса, Марказий ва Жанубий Осиё ўртасидаги минтақавий ўзаро боғлиқликни таъминлаш, мавжуд муаммоларни ҳал этишда Ўзбекистон ҳукумати томонидан ташкил этиладиган мулоқотнинг ўта муҳим ва долзарб эканини таъкидламоқчиман»

#Халқароконференция

https://t.iss.one/Rasmiy_xabarlar_Official

❗️Кеча юртимизда 478 нафар кишида коронавирус, 357 нафар кишида пневмония аниқланди.

▪️4 нафар бемор вафот этди

🔺2021 йил 15 июль ҳолатига кўра, Ўзбекистонда коронавирус инфекцияси қайд этилганлар сони 118380 (+478) нафарни ташкил этмоқда.

Касалликдан вафот этганлар сони 789 нафарга етди.

Соғлиқни сақлаш вазирлигиМатбуот хизмати.

https://t.iss.one/Rasmiy_xabarlar_Official

🦠Янги касалланиш ҳолатларининг:
📌34 нафари Қорақалпоғистон Республикасида,
📌35 нафари Андижон вилоятида,
📌16 нафари Бухоро вилоятида,
📌32 нафари Жиззах вилоятида,
📌15 нафари Қашқадарё вилоятида,
📌14 нафари Навоий вилоятида,
📌31 нафари Наманган вилоятида,
📌35 нафари Самарқанд вилоятида,
📌19 нафари Сирдарё вилоятида,
📌31 нафари Сурхондарё вилоятида,
📌33 нафари Фарғона вилоятида,
📌12 нафари Хоразм вилоятида,
📌62 нафари Тошкент вилоятида,
📌109 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида:
🔹Андижон вилоятида 46 нафар,
🔹Бухоро вилоятида 15 нафар,
🔹Қашқадарё вилоятида 12 нафар,
🔹Навоий вилоятида 13 нафар,
🔹Наманган вилоятида 30 нафар,
🔹Фарғона вилоятида 20 нафар,
🔹 Хоразм вилоятида 75 нафар,
🔹Тошкент вилоятида 32 нафар,
🔹Тошкент шаҳрида 77 нафар бемор тузалиб, касалликдан соғайганлар жами 113261 (+320) нафарга етди ва соғайиш кўрсаткичи 96 фоизни ташкил этмоқда.

https://t.iss.one/Rasmiy_xabarlar_Official

2021 йилнинг 15 июл куни Тошкент шаҳрида Америка Қўшма Штатлари, Ўзбекистон, Афғонистон ва Покистон вакиллари янги тўрт томонлама маслаҳатлар платформасини ташкил этиш тўғрисида қарор қабул қилдилар.

Тошкентда «Марказий ва Жанубий Осиё: минтақавий боғлиқлик. Таҳдидлар ва имкониятлар» мавзусидаги халқаро конференция ўтказилишининг долзарблигини қайд этган ҳолда томонлар минтақавий боғлиқликни Афғонистон ва минтақада узоқ муддатли тинчлик ва барқарорликни ўрнатиш учун муҳим деб ҳисоблайди ҳамда тинчлик ва минтақавий боғлиқликнинг ўзаро мустаҳкамловчи омил ҳисобланишини таъкидладилар.

«Томонлар Афғонистондаги узоқ муддатли тинчлик ва барқарорлик минтақавий боғлиқлик учун ҳал қилувчи аҳамиятга эга деб ҳисоблайди ҳамда тинчлик ва минтақавий алоқалар ўзаро бир-бирини мустаҳкамлайди деган якдил фикрни билдиради.

Самарали халқаро савдо йўналишларини янада ривожлантириш учун тарихий имкониятни англаган ҳолда томонлар савдони кенгайтириш, транзит йўлларни яратиш ва ишбилармонлик алоқаларини мустаҳкамлаш учун ҳамкорлик қилишга умид қилмоқда.

Томонлар ушбу ҳамкорлик шартларини ўзаро консенсус асосида белгилаб олиш учун яқин ойларда учрашишга келишиб олдилар», — дейилади баёнотда.

https://t.iss.one/Rasmiy_xabarlar_Official

Айни дақиқаларда Тошкентда "Марказий ва Жанубий Осиё: минтақавий ўзаро боғлиқлик. Таҳдид ва имкониятлар" мавзуидаги конференция бўлиб ўтмоқда. Конференцияда иштирок этаётган журналистлар анжуман тафсилотлари ҳақида ёзишмоқда.

Марказий Осиё бу – Бу 100 миллион нуфусга эга Қозоғистон, Қирғизистон, Тожикистон, Туркманистон, Ўзбекистон давлатлари. Жанубий Осиё эса Афғонистон, Ҳиндистон, Покистон, Бангладеш, Бутан, Мальдив, Бутан, Шри-Ланка мамлакатларидир.

Бу минтақа нуфуси жиҳатидан ер юзи аҳолисининг тўртдан бир қисмини ташкил қилади. Ўзбекистоннинг Жанубий Осиё мамлакатлари билан ҳамкорлиги изоляцион-алоҳида кечиши бирмунча мураккаб. Айнан шунинг учун ҳам умумий тараққиёт максадларида Марказий Осиё давлатларининг «қўлни қўлга бериб ишлаши» жуда муҳим.

Ушбу анжуман режаси аввалдан бор эди. Ўтган йили 29 декабрь куни Парламентга мурожаатномада Шавкат Мирзиёев Жанубий Осиё бўйича анжуман ўтказилишини маълум қилганди. Сўнгги ойларда кузатилаётган афғон можаролари фонида анжуманнинг кун тартиби янада ўткирлашди. Афғонистон Ислом Республикаси Президенти шу ерда, Покистон бош вазири расмий ташриф билан келган.

Энди нафақат савдо-иқтисодий, маданий-ижтимоий алоқаларни ривожлантириш ва унга доир лойиҳалар, балки, тинчлик ва хавфсизлик масаласи кўпроқ муҳокама қилинади. Тинчлик бўлмаса, бозор ҳам йўқ, йўл ҳам йўқ, мамлакат тугул, қардош халқларнинг ижтимоий алоқаларида ҳам узилиш кузатилади. Бугун давлатлар раҳбарлари ва вакилларининг ўзаро музокара ва мурожаатида Афғонистондаги вазиятдан келиб чиқиб, Марказий Осиё ва Жанубий Осиё минтақаларининг келгуси хатти-ҳаракатлари ҳақида фикр алмашиш кутилади.

Очиғи, оммага факат концепциялар эълон қилинади, тафсилотлар тет-а-тет суҳбатларда қолади. Шуниси маълумки, Ўзбекистоннинг Афғонистондаги вазият борадаги позицияси аниқ: бу Афғонистоннинг ички иши. Чегараларимиз дахлсизлиги эса миллий Мудофаа доктринаси ва халқаро нормаларга мувофиқ таъминланади.

Айни пайтда конференция иши бошланди. Модератор – Ўзбекистон ташқи ишлар вазири Абдулазиз Комилов. Биринчи бўлиб мезбон президент- Шавкат Мирзиёев сўзга чиқди.

Ўзбекистон раҳбари минтақаларнинг тарихий алоқалари, мавжуд тижорий, маданий, адабий мулоқотлари ҳақида эслатиб ўтди. Минтақа халқларининг тархий уйғунлигига оид қизиқ бир фактни ёдга олди: 1695 йилда ҳинд ҳукмдори Аврангзеб рус савдогари Семён Маленькийга мамлакатда тижорат қилиш ҳуқуқини беради. Қизиғи, ушбу фармон эски ўзбек тилида ёзилган экан.

Шавкат Мирзиеёв бугун Афғонистон ўзининг янги тарихида «переломный момент» ("туб бурилиш палласи") ўтказяпти деб таъриф берди. "Ишонамизки, донишманд афғон халқи умуммиллий мақсадларга эришиш учун муросага тайёр эканини намоён қилади. Ишончимиз комилки, бизнинг минтақалараро ҳамеорлигимиз, мамлакатда иқтисодиётни тиклаш, тинчлик ва барқарорликни ўрнатиш учун муҳим омил бўлади."

Президент бир неча ташаббусларни илгари сурди:

- Савдо-иқтисодий ҳамкорлик, кооперация ва инвестициявий алоқаларни кенгайтириш учун ҳар йили минтақалараро форум ўтказиш;

- Мозори Шариф – Кобул – Пешовар темир йўлининг қурилишини иштирокчи давлатлар ва халқаро ташкилотлар томонидан қўллаб-қувватланаётгани, минтақалараро стратегиясининг алоқаларни кучайтириш учун савдо, транзит ва божхона жараёнларини рақамлаштириш, қўшма ҳаракатлар стратегиясини қабул қилиш;

- БМТнинг Озиқ-овқат ва қишлоқ хўжалиги ташкилоти шафелигида минтақа мамлакатлари қишлоқ хўжалиги вазирларининг учрашувини ўтказиб, қўшма дастур ишлаб чиқиш;

- Марказий ва Жанубий Осиёнинг туроператорларининг ягона платформасини шакллантириш, Жаҳон сайёҳлик ташкилоти иштирокида минтақада туризмни янада ривожлантириш;

- ЮНЕСКО шафелигида Термизда Марказий ва Жанубий Осиёнинг тарихий меросига бағишланган халқаро форум ўтказиш;

- Қўшма тадқиқот ва тажриба алмашиш дастурларини рағбатлантириш, олим ва тадқиқотчилар учун енгиллаштирилган виза тартибини жорий қилиш кабилар шулар жумласидандир.

Шавкат Мирзиёев нутқидан сўнг БМТ бош котиби Антониу Гуттериш конференция иштирокчиларига видеомурожаат билан чиқди.

https://t.iss.one/Rasmiy_xabarlar_Official

Қишлоқ хўжалиги вазири Жамшид Ходжаев Латвия деҳқончилик вазири Каспарс Герхардс билан учрашди.

Батафсил

https://t.iss.one/Rasmiy_xabarlar_Official