🔷2021 йилда қўшимча дам олиш кунлари белгиланди

✍️ “2021 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида”ги Президент Фармони (ПФ–6122-сон, 03.12.2020 й.) қабул қилинди.

✅ Фармонга мувофиқ, 2021 йилда фуқароларнинг расмий саналарни нишонлаш даврида тўлиқ дам олиши учун шарт-шароитлар яратиш мақсадида 2021 йилда қуйидаги қўшимча дам олиш кунлари белгиланди:

➖ 2 сентябрь – пайшанба;
➖ 3 сентябрь – жума.

🗓 Шунингдек, 2021 йил 2 январь – шанба, 20 март – шанба, 22 март – душанба ва 4 сентябрь – шанба кунлари барча ходимлар учун иш ҳафтасининг туридан қатъи назар, дам олиш кунлари ҳисобланади.

#YangiUzbekiston #YangichaDunyoqarash

Каналга уланиш — @yangiuzbekiston_uz

Хабар берилгандек, бугун АОКАда “Ҳудудий электр тармоқлари” АЖ матбуот котиби Фахриддин Нуралиев иштирокида брифинг ўтказилди. Унда аҳолининг саволларига жавоб қайтарилди.

〰️〰️〰️〰️

❓Янги ўрнатилаётган ҳисоблагичлар кўп ҳисоблайдими? Ҳатто чироқ ўчган пайтида ҳам ҳисоблагич ишлайвериши ростми?

❌ Бу ҳисоблагичлар кўп ҳисобламайди, балки аввалги ҳисоблагичлар кам ҳисоблагани учун ва бу ҳисоблагичлар аниқлик синфи юқори бўлганлиги учун фуқароларимиз назарида шундай тушунча пайдо бўлган. Электр таъминоти бўлмаганда ҳам тизим билан алоқа мавжудлигини билдирувчи чироғи ўчиб ёниши ва хотира батарейкаси борлиги сабабли рақамларни кўрсатиб туриши туфайли ишлайверади, деган фикр туғилган.

〰️〰️〰️〰️

❓Истеъмолчи ҳисоблагични алмаштиришга мажбурми, алмаштиришни хоҳламаса қандай чора кўрилади?

🖇 Вазирлар Маҳкамасининг 22-сонли қарорига мувофиқ ҳисоблагични алмаштириш мажбурий ҳисобланади. Хоҳламаганлар тармоқдан узилади.

〰️〰️〰️〰️

❓Ҳисоблагич алмаштириш бепулми? Неча йилда бу ҳисоблагичлар даврий қиёсловдан ўтқазилади?

✔️ Ҳисоблагич, алмаштириш хизмат ҳақи, тамғалаш, хужжатларни расмийлаштириш текин, лекин ҳисоблагичгача бўлган яроқсиз симни янги сим олиб бериш ва янгисига алмаштириш, яроқсиз автомат/рубилникни сотиб олиш ва алмаштириш ва бошқа қўшимча электр иш хизматлари бундан мустасно.

❗️Ўрнатилаётган ҳисоблагичлар ҳар 10 йилда бир маротаба даврий қиёсловдан ҲЭТК томонидан ўтказилади.

〰️〰️〰️〰️

❓Маълум муддат олдин «ақлли ҳисоблагичлар» сутканинг турли вақтларида турлича тариф бўйича ҳисоблаши эълон қилинганди. Бу тизим йўлга қўйилдими?

🌀 Табақалаштирилган тизим деб аталувчи бу тизим эълон қилинганди, аммо ҳали йўлга қўйилмади. Лекин айрим юридик шахсларга – 750кВА дан юқори қувватли юридик истеъмолчиларга нисбатан бундай ҳисоблаш амал қилмоқда.

〰️〰️〰️〰️

❓Автоматлаштирилган тизимга уланган истеъмолчиларнинг шахсий кабинетида бошқа кўрсатич, жойида бошқа кўрсаткич кузатилишига қандай изоҳ берасиз?

🔹Фуқаролар томонидан «нега уйимда кўрсаткич 100, дастурда эса 120?» деганга ўхшаш ҳолатлар бўйича кўплаб мурожаатлар кузатилади.

▫️Гап шундаки, олдинги давр учун амалдаги электр энергияси истеъмолининг ҳажми (дастурда энг охирги 2та кўрсаткичлардан ҳосил бўлган ўртача кунлик сарф) бўйича ҳисоб-китоб олиб борилади, яъни истеъмолчилар шахсий кабинетга эътибор бериб назар ташланса, «тахминий кўрсаткич» деб кўрсатилади.

📌 Ушбу тахминий кўрсаткичдан ҳосил бўлган қарздорлик бўйича истеъмолчи тармоқдан ажратилмайди, балки ҳақиқий кўрсаткич олиниб қарздорлик ҳосил бўлгандагина тармоқдан ажратилади.

〰️〰️〰️〰️

❓Автоматлаштирилган тизим орқали истеъмолчи қарздорлик сабаб узилгандан сўнг, қарздорлик бартараф этилган автоматик тарзда тармоққа қайта уланади дейилди. Аммо бир нечта истеъмолчилар қарздорлик тўлангач суткалаб чироқ ёқилмаганлиги айтилмоқда. Буни қандай изоҳлаш мумкин?

📉 Бугунги кунда, АСКУЭ тизими жорий этилиш жараёнида бўлиб, истеъмолчилар томонидан мавжуд қарздорлик тўлиқ бартараф этилиши билан бирга, фойдаланадиган электр энергияси учун олдиндан тўлов амалга ошириши лозим.

Истеъмолчиларни тармоққа автоматик равишда қайта улаш 5 дақиқадан 15 дақиқагача амалга оширилади.

Каналга уланиш: 👇
t.iss.one/Rasmiy_xabarlar_Official

Ахборот ва оммавий коммуникациялар агентлиги кейинги ҳафта Агентлик ҳузурида жорий йилнинг 10 ноябрь кунида ташкил этилган Жамоатчилик кенгашининг биринчи мажлисини ўтказишни режалаштирмоқда.

Бугун Халқаро пресс-клубда ўтказилган йиғилиш тўғридан-тўғри эфирга узатилгани ҳамда эфир вақти чеклангани боис Ўзбекистонда сўз эркинлигини янада таъминлаш ва давлат органлари фаолияти очиқлиги учун шароит яратиш бўйича амалга оширилаётган чора-тадбирлар бўйича кун тартибига қўйилган барча масалаларни муҳокама қилиш имкони бўлмади.

Шунга кўра, Жамоатчилик кенгашининг биринчи мажлисида қатнашиш истагидаги журналист ва блогерлар иштирок этиши мумкин.

Aгентлик доимий фаолият олиб борадиган ушбу Кенгаш давлат органлари ва оммавий ахборот воситалари, блогерлар ўртасида, шу жумладан ОАВни қўллаб-қувватлаш, журналистларнинг ҳуқуқлари ва манфаатларини ҳимоя қилиш бўйича таклиф ва тавсиялар ишлаб чиқиш бўйича янада яқин конструктив мулоқот учун яхши платформа бўлиб хизмат қилишига ишонади.

Мажлис ўтказилиш санаси, вақти ва жойи тўғрисида қўшимча маълумот берилади.

@aoka_uz

✈️ Пандемиянинг Ўзбекистон аэропортларига таъсири:

«Мамлакатимиздаги халқаро аэропортлар 2019 йининг 9 ойида салкам 6 ярим миллион йўловчига хизмат кўрсатган, 2020 йилнинг худди шу даврига келиб эса, йўловчилар сони ўртача 1 миллион 800 нафарни ташкил этган».

〰️〰️〰️〰️
Бу ҳақда бугун АОКАда ўтган брифингда «Uzbekistan Airports» АЖ ахборот хизмати раҳбари Лаълихон Собирова маълум қилди:

➖ Пандемия сабабли бутун дунё авиация соҳасида юзага келган ҳолат Ўзбекистон аэропортларида ҳам кузатилди. Карантин чекловлари жорий қилиниши оқибатида авиақатновлар бутунлай тўхтади, йўловчилар оқими кескин қисқарди. Бу табиийки жаҳонда инвестициялар ва сайёҳлар оқими камайишига олиб келди.

🛩 Ваҳоланки, 2020 йилнинг 19-20 февраль кунларида бўлиб ўтган Халқаро авиация кўргазмаси ҳамда форумида «Uzbekistan Airports» АЖ 14 та хорижий авиакомпания билан 34 та шартнома, 15 та меморандум имзолаганди, унда жами 142 та авиақатновни амалга ошириш мўлжаллаган эди.

📦 Таҳлил натижаларига кўра, йўловчи ва юк авиаташувлари бўйича Ўзбекистон халқаро аэропортлари 2019 йининг 9 ойида салкам 6,5 млн йўловчига хизмат кўрсатган, 2020 йилнинг худди шу даврига келиб эса, йўловчилар сони ўртача 1 млн 800 нафарни ташкил қилган. 2019 йилда ташилган юк миқдори 51 минг 300 тонна бўлса, 2020 йилнинг мос даврида бу кўрсаткич қарийб 50 минг тоннадан иборат бўлган.

@Rasmiy_xabarlar_Official

“Ҳунарманд” уюшмаси Осиё-Тинч океани минтақаси (WCC- АРR) нинг 38-Бош Ассамблеясида онлайн иштирок этади

Халқаро нуфузли тадбир 2020 йилнинг 4-6 декабрь кунлари бўлиб ўтади.

Анжуманда 34та мамлакатдан 80 дан ортиқ делегатлар қатнашади. Жумладан, Жаҳон Ҳунармандлар Кенгаши Президенти Рози Гринлиз, ташкилотнинг Осиё ва Тинч Океани Минтақаси Президенти Гада Қаддуми, Бошқарув Кегаши аъзолари ҳамда аъзо мамлакатлар миллий ташкилотлари иштирок этади.

Тадбир ҳақидаги барча маълумотлар билан ушбу ҳавола орқали танишишингиз мумкин.

@Rasmiy_xabarlar_Official

❓Аэропортлар ташқарисида кузатувчи ва кутиб олувчилар учун шароитлар кўнгилдагидек эмас. Аэропорт атрофини ободонлаштириш қайси ташкилот зиммасида?

«Uzbekistan Airports» АЖ ахборот хизмати раҳбари Лаълихон Собирова (АОКАда ўтган брифингда):

〰️〰️〰️〰️
«Барча халқаро аэропортларнинг ташқари томонлари ҳокимиятлар балансидаги ерлар ҳисобланади.

✅ Эндиликда уларни аэропортлар тасарруфига бутунлай олиб, фуқаролар учун маълумот олиш, машиналарини қўйиш, юкларини жойлаш, тамадди қилиш, дам олиш шароитларини яхшилаш, ландшафтларини замонга мослаб яратиш масаласи кун тартибига қўйилган.

📍Тошкент халқаро аэропортининг олд томонидаги 7 143 кв метр майдонга эга автотураргоҳни Тошкент шаҳар ҳокими қарорига кўра, «Uzbekistan Airports» ҳисобига оператив бошқарув ҳуқуқи асосида ўтказилди.

🪑 Барча аэропортлар ташқи ҳудудидаги автотураргоҳларни АЖ ўз ҳисобига ўтказиш чораларини кўряпти. Аэропортларнинг ташқи ҳудудидаги ўриндиқларни халқаро талаблар асосида жиҳозлаш кўзда тутилган».

@Rasmiy_xabarlar_Official

❓Қайси давлат инвесторлари Ўзбекистон аэропортларини хусусий-шериклик асосида ривожлантиришга қизиқяпти?

«Uzbekistan Airports» АЖ ахборот хизмати раҳбари Лаълихон Собирова (АОКАда ўтган брифингда):

〰️〰️〰️〰️
⚠️ «Аэропортлар стратегик аҳамиятга молик, тоифаланган соҳалар сирасига киргани учун шартномалар халқаро NDA келишувига асосланиб имзоланади. Унда маълумотларни ошкор қилмаслик шарти қатъий назарда тутилади.

🌎 Айтишим мумкин, давлат хусусий шериклик бўйича ҳозирда Туркия, Япония, Бирлашган Араб Амирликлари, Франция, Германия, Россия, Хитой, Корея каби давлатларнинг етакчи инвестиция компаниялари ўз қизиқишларини билдиришган. Таклифлар «Uzbekistan Airports» АЖ томонидан ўрганилмоқда».

〰️〰️〰️〰️
❓Халқаро аэропортларимизни рақамлаштириш бўйича қандай ишлар қилиняпти?

📮 «Халқаро аэропортларга йўловчилар мустақил ўзини рўйхатдан ўтказиш Self Check-In замонавий тизими босқичма-босқич жорий қилинмоқда. Келгусида «Uzbekistan Airports» Self Check-In киоскаларини бошқа аэропортларга ҳам жорий қилишни режалаштирган.

🧳 Бундан ташқари, йўловчиларнинг юкларини ҳам автоматик рўйхатдан ўтказиш Self Bag Drop тизимини йўлга қўйиш бўйича музокаралар олиб боряпти».

@Rasmiy_xabarlar_Official

📢 Эртага (4 декабрь) АОКА мажлислар залида ўтказиладиган матбуот анжуманлари

Ҳаракатлар стратегияси ҳамда жорий «Илм, маърифат ва рақамли иқтисодиётни ривожлантириш йили» Давлат дастури ижроси доирасидаги масалалар муҳокама қилинадиган ушбу тадбирларда вазирлик ва идоралар раҳбарияти иштирок этади.

〰️〰️〰️〰️
● Вақти: 09:30
● Мавзу: Давлат ва жамият қурилиши тизимини такомиллаштиришнинг муҳим йўналишлари

〰️〰️〰️〰️
● Вақти: 11:00
● Мавзу: Қонун устуворлигини таъминлаш ва суд-ҳуқуқ тизимини янада ислоҳ қилиш йўналишлари

〰️〰️〰️〰️
● Вақти: 14:00
● Мавзу: Иқтисодиётни ривожлантиришнинг долзарб йўналишлари

〰️〰️〰️〰️
● Вақти: 15:30
● Мавзу: Ижтимоий соҳани ривожлантириш йўналишлари

〰️〰️〰️〰️
● Вақти: 17:00
● Мавзу: Хавфсизлик, миллатлараро тотувлик ва диний бағрикенгликни таъминлаш ҳамда чуқур ўйланган, ўзаро манфаатли ва амалий ташқи сиёсатни амалга ошириш соҳасидаги устувор йўналишлар

@aoka_uz