Расмий хабарлар I Официальные новости
28.8K subscribers
31.1K photos
6.73K videos
53 files
29K links
Ушбу канал барча давлат органлари ва ташкилотлари, маҳаллий давлат ҳокимияти органлари Ахборот хизматлари материаллари ягона платформада эълон қилиб бориладиган расмий ахборот манбаси ҳисобланади.

Канал фаолиятига доир саволлар учун: @Rasmiy_aloqabot
Download Telegram
💰 Хотин-қизлар тадбиркорлигини ривожлантиришга 1 трлн. 407 млрд. сўм, ёшлар тадбиркорлигини ривожлантиришга 1 трлн. 412 млрд. сўм йўналтирилган

Бу ҳақда АОКАда бўлиб ўтган матбуот анжуманида Марказий банк департаменти директори ўринбосари Мухтор Шоназаров маълум қилди.
〰️〰️〰️〰️

📊 Оилавий тадбиркорликни ривожлантириш дастурлари доирасида 2021 йилда 135 мингта лойиҳага жами 3,2 трлн. сўм имтиёзли кредит маблағлари ажратилган. Бу кўрсаткич ўтган йилнинг мос даврига нисбатан қарийб 4 баробарга кўп.

💼 Ажратилган кредитларнинг 578 млрд. сўми (18%) юридик шахслар ва якка тартибдаги тадбиркорларга, 2,6 трлн. сўми (82%) ўзини-ўзи банд қилувчи жисмоний шахсларга йўналтирилган.

💰Мазкур маблағларнинг 1 трлн. 407 млрд. сўми хотин-қизлар тадбиркорлигини, 1 трлн. 412 млрд. сўми ёшлар тадбиркорлигини ривожлантиришга йўналтирилган.

🧮 Дастурлар доирасида ажратилган кредитларнинг 1,7 трлн. сўми қишлоқ хўжалиги, 900,0 млрд. сўми ишлаб чиқариш ва 650 млрд. сўми хизмат кўрсатиш соҳаларини ривожлантириш учун йўналтирилган.

✔️ Дастурлари доирасида лойиҳаларни молиялаштириш учун жорий йилда ажратилиши кўзда тутилган 9 трлн. сўм маблағларнинг камида 1 трлн. сўми ҳудудларда хизмат кўрсатиш соҳасини ривожлантириш мақсадларига ажратилиши режалаштирилган.

https://t.iss.one/Rasmiy_xabarlar_Official
"1 сентябрь куни янги мактаб фойдаланишга топширилади" - Чироқчида йўл тўсган аёлларга бу ҳақда олдинроқ тушунтириш ишлари олиб борилган

Ижтимоий тармоқларда бир гуруҳ аёллар Чироқчи ҳудудидан ўтган А-378 автомобил йўлини тўсиб, ўзлари яшайдиган қишлоқда қурилиши режалаштирилган мактабни тезроқ қуриб беришни талаб қилган видео тарқалди.

Қашқадарё вилояти ҳокимлиги ахборот хизмати маълум қилишича, аслида, "Истиқлол" қўрғончасида 2021 йил Давлат Дастури асосида Чироқчи туман халқ таълими бўлимига қаршли 99-сонли умумтаълим мактаби филиалига 176 ўринли янги мактаб қурилиши режалаштирилгани ва янги ўқув йили бошланишида фойдаланишга топширилиши қишлоқ аҳлига тушунтирилган.

Аммо, 2021 йил 21 апрель куни “Исузу” русумли юк машина пиёдалар йўлакчаси орқали кесиб ўтаётган вояга етмаган, “Хўжаобод” маҳалласида яшовчи, 140-сонли умумтаълим мактабининг 1-синф ўқувчиси Д.Эни ўриб юборганлиги натижада у вафот этган.

Ушбу қайғули вазиятда ўзларини йўқотиб қўйган бир гуруҳ қишлоқ аёллари 23 апрель куни йўлни бир муддат тўсиб турган.

Вилоят ҳокими Зойир Мирзаев марҳума Д.Энинг вафоти муносабати билан унинг оила аъзоларига ҳамдардлик билдирди.

Ҳокимлик ахборот хизмати вазият тўлиқ назоратга олинганини ҳамда янги мактаб қурилиши август ойида якунланишини маълум қилди.

https://t.iss.one/Rasmiy_xabarlar_Official
This media is not supported in your browser
VIEW IN TELEGRAM
Сардор Ғаниев, Бизнес-омбудсмен етакчи инспектори:

Бизнес
омбудсменга шу кунгача 2000дан ошиқ мурожаат келиб тушган. Шундан 1500 дан ортиғи кўриб чиқилган ва уларнинг 50%и ижобий ҳал қилинган.

Таъкидлаш лозим, бизнес омбудсмен давлат органлари ва тадбиркор ўртасидаги масалаларни ўрганади. Икки тадбиркор ўртасидаги низоли вазият ёки тадбиркорликдан ташқари бўлган оилавий ва меҳнатга оид масалаларни бизнес омбудсмен кўриб чиқмайди.
〰️〰️〰️〰️

АОКАда бўлиб ўтган матбуот анжуманидан

📹Батафсил видеода

https://t.iss.one/Rasmiy_xabarlar_Official
Имтиҳон харажатлари қоплаб берилиши учун ёшлар қаерга мурожаат қилиши керак?

Бугун АОКАда ўтказилган матбуот анжуманида мавзу юзасидан маълумот берилди:

〰️〰️〰️
🎓 «Тартибга кўра, имтиҳон топшириш харажати компенсация қилинадиган халқаро имтиҳон тизимлари рўйхати тасдиқланган. Мазкур рўйхатга GMAT, IELTS, TOEFL, GRE, SAT каби имтиҳонлар киритилган. Имтиҳон топшириш харажати 2021 йил 1 майдан бошлаб компенсация қилиниши бошлайди.

CAE, DAF, JLPT, HSK ва бошқалар бўйича харажатлар 2022 йил 1 январдан бошлаб компенсация қилинади.

🧑🏻‍💼 Ариза берувчи имтиҳон топшириш вақтида 31 ёшга кирмаган Ўзбекистон фуқароси ёки фуқаролиги бўлмаган шахс бўлиши мумкин.

Имтиҳон харажатлари Ёшлар ишлари агентлиги томонидан қопланади.

🌐 Ушбу давлат хизматини олиш учун Давлат хизматлари марказлари ёки Ягона интерактив давлат хизматлари портали орқали мурожаат қилиши мумкин.

📄 Сўровномага имтиҳон топшириш харажати тўланганини тасдиқловчи квитанция ҳамда махсус сертификат PDF шаклида илова қилиниши керак.

🔎 Ёшлар ишлари агентлиги 15 кунда аризачининг сертификатини верификациядан ўтказади.

✏️ Сертификатнинг ҳақиқийлигини верификация орқали аниқлаш имкони бўлмаса, Ёшлар ишлари агентлиги 30 кунда махсус сертификатнинг ҳақиқийлигини тасдиқлашни сўраб хорижий ташкилотга сўров юборади».

https://t.iss.one/Rasmiy_xabarlar_Official
Имтиҳон топшириш харажати қандай талабларга асосан компенсация қилинади?

АОКАдаги матбуот анжуманида Давлат хизматлари агентлиги бўлим бошлиғи Аброр Мақсудов ушбу масалани қуйидагича изоҳлади:

〰️〰️〰️
«Имтиҳон топшириш харажати қуйидаги талабларга жавоб берганда компенсация қилинади:

🔹синовларнинг бири ёки бир нечтаси бўйича имтиҳон топшириш харажати компенсация қилиниши учун тўпланиши лозим бўлган юқори балл (даража)нинг минимал кўрсаткичи ёки ундан юқори натижа қайд этилганда;

🔹махсус сертификат берилган санадан бошлаб 180 календар кун ўтмасдан компенсация тўлашни сўраб мурожаат қилганда;

🔹махсус сертификатда кўрсатилган имтиҳон натижасининг ҳақиқийлиги ва тўғрилиги Ёшлар ишлари агентлиги томонидан тасдиқланганда.

⚠️ СМС-хабар орқали
ижобий жавоб олганидан сўнг, ариза берувчи компенсацияни олиш учун ўзи танлаган Халқ банкининг филиалига мурожаат этиши керак».

https://t.iss.one/Rasmiy_xabarlar_Official
"Экономическое обозрение" журналининг 4-сонида Ўзбекистон Cавдо-саноат палатаси раиси Адҳам Икрамов билан "Ўзбекистон ССП: янги шароитдаги имкониятлар ва истиқболлар" мавзусида интервьюси чоп этилди.

Суҳбатнинг бир қисми ва баъзи тезисларни тақдим этамиз.

Сўнгги бир неча йил ичида Ўзбекистонда амалга оширилаётган ислоҳотлар:

✔️ ишбилармонлик муҳитини яхшилаш,
✔️ хорижий инвестицияларни жалб қилиш,
✔️ мулк ҳуқуқини мустаҳкамлаш,
✔️ коррупцияга қарши курашиш.

🔹Сўнгги йилларда ишбилармонлик муҳитини яхшилаш борасида амалга оширилаётган ишлар иқтисодиётни пандемия билан боғлиқ оқибатлардан изчил тикланишига ёрдам берди.

Қайси бизнес тармоқлари энг мақбул эканлиги ва нима учун?

Қандай қилиб муаммолар ҳал қилинди ва пандемиянинг салбий таъсири енгиб ўтилди?

❗️Эксклюзив интервьюни ўқинг

https://t.iss.one/Rasmiy_xabarlar_Official
⚡️Ижтимоий тармоқда "Саводсиз, муомаласиз ЙПХ ходими" сарлавҳаси остида тарқалган видеолавҳа юзасидан

ИИВ Йўл ҳаракати хавфсизлиги Бош бошқармаси ахборот хизмати дастлабки расмий муносабатини билдирди.

⚡️Маълум қилинишича, жорий йилнинг 26 апрель куни соат 22:30ларда Андижон шаҳар ИИО ФМБ ЙҲХБ ходими Х.Анваров Андижон шаҳар, Бобур шоҳ кўчасида жойлашган "Гумбаз" жоъме масжиди атрофида ҳаракат хавфсизлигини таъминлаш мақсадида хизмат олиб бораётган вақтида "Дамас" русумли автомобиль ҳайдовчисини тўхтатган. Ўзаро мулоқот вақтида ҳайдовчи томонидан ЙПХ ходимининг бодикамера мосламаси бўлмаганлиги ва ходимнинг муомала маданиятига эътироз билдирилган.

❗️Мазкур ҳолат юзасидан ҳозирда Андижон вилояти ИИБ ЙҲХБ томонидан хизмат текшируви ўтказилмоқда.

#Расмий_муносабат

t.iss.one/Rasmiy_xabarlar_Official
"Ҳудудгазтаъминот" АЖ: Нурафшондаги портлаш хонадон эгасининг газ ўғирлаши оқибатида келиб чиққан

Тошкент вилояти Нурафшон шаҳридаги икки қаватли уйда газ портлаши натижасида бир киши ҳалок бўлгани ҳақида хабар берилганди. "Ҳудудгазтаъминот" АЖ ахборот хизмати ушбу портлашга нима сабаб бўлганини маълум қилди.

Маълум қилинишича, ўрганишлар жараёнида, маиший эҳтиёж учун табиий газни ўғирлаш натижасида 2 қаватли бинодаги уйлардан бирининг хонасида табиий газ тўпланиши содир бўлганлиги аниқланди.

Хонадон эгаси ҳисоблагични олиб ташлаб, газ қувурларини канализация сифони орқали улаб қўйиши, табиий газ сизиб чиқишига сабаб бўлган. Газ-ҳаво аралашмаси чақнаши натижасида бир киши вафот этди.

t.iss.one/Rasmiy_xabarlar_Official
Эркин иқтисодий зоналар ва кичик саноат зоналарида амалга оширилаётган инвестиция лойиҳалари муҳокамаси юзасидан йиғилиш ўтказилди.
Жорий йилда эркин иқтисодий ва кичик саноат зоналари инфратузилмасини яхшилаш учун 1 триллион 600 миллиард сўм маблағ ажратилиши таъкидланди.
Президент Шавкат Мирзиёев эндиги энг муҳим масала лойиҳаларни ўз вақтида ишга тушириш эканини таъкидлади.

Состоялось совещание по вопросам реализации инвестиционных проектов в свободных экономических и малых промышленных зонах.
Отмечалось, что в нынешнем году на улучшение инфраструктуры свободных экономических и малых промышленных зон будет выделено 1 триллион 600 миллиардов сумов.
Президент Шавкат Мирзиёев указал на важность своевременного запуска намеченных проектов.

#Mirziyoyev #yigilish #sanoat #infratuzilma

Prezident.uz|Facebook|Instagram|YouTube|Twitter
Айни пайтда “Бухоро нефтни қайта ишлаш заводи” МЧЖда модернизация ва қайта қуриш инвестиция лойиҳасини амалга ошириш ишлари давом эттирилмоқда

“Ўзбекнефтгаз”АЖ ахборот хизмати маълум қилишича, лойиҳа доирасида “Бухоро” нефтни қайта ишлаш заводи газойлни гидротозалаш қурилмасидаги еатализатор маҳаллий мутахассисларининг ўз кучи билан энг замонавий турига алмаштирилди. Натижада, Ўзбекистонда илк бор Евро-4 ва Евро-5 экологик тоифадаги дизель ёнилғисини ишлаб чиқариш қаби бир қатор самарали ишлар йўлга қўйилди.

Жорий йилнинг 30-апрель, 1-май кунлари ушбу заводда амалга оширилган ишлар ва эришилган натижалар билан ОАВ вакилларини яқиндан таништириш мақсадида пресс-тур ташкил этилмоқда.

Пресс-тур иштирокчилари нефтдан бензин ва дизель ишлаб чиқариш жараёнларини кузатиш имконига эга бўлишади. Хоҳловчилар эртага соат 09:00 га қадар 99-444-84-80 телеграм рақамига мурожаат этишлари мумкин.

Манзил: Бухоро вилояти. Сафар учун ҳаражатлар “Ўзбекнефтгаз” АЖ томонидан қопланади.

t.iss.one/Rasmiy_xabarlar_Official
#БУГУН_ТУҒИЛГАН_КУН

Қорақалпоғистон Республикаси Вазирлар Кенгаши Раисининг матбуот котиби – ахборот сиёсати масалалари бўйича маслаҳатчиси Ажимуратов Азамат Лепесбаевич 1990 йил 28 апрелда Қорақалпоғистон Республикасида туғилган. У 2020 йилдан буён ушбу лавозимда ишлайди.

А.Ажимуратов 2019-2020 йилларда Қорақалпоғистон ахборот агентлигида, Қорақалпоғистон Республикаси Вазирлар Кенгашида ва бошқа ташкилотларда фаолият юритган.

Каналга уланиш: 👇
t.iss.one/Rasmiy_xabarlar_Official
Forwarded from AOKA - Rasmiy kanali
Бугун, 28 апрель куни режалаштирилган тадбирлар:

〰️〰️〰️
🔰 Брифинг

● Мавзу: Ички ишлар органлари фаолиятидаги танқидларга муносабат
● Вақти: 10:00
● Жойи: АОКА мажлислар зали
● Иштирок этади: Шоҳрух Ғиёсов, Ички ишлар вазирлиги ахборот хизмати раҳбари

〰️〰️〰️
🔰 Брифинг

● Мавзу: COVID-19 билан боғлиқ бугунги вазият, вакцинация жараёнларига тайёргарлик
● Вақти: 14:00
● Жойи: АОКА мажлислар зали
● Иштирок этади: Ботир Қурбонов, Коронавирусга қарши курашиш штаби аъзоси

〰️〰️〰️
🔰Матбуот анжумани

● Мавзу: Пенсия таъминотидаги янгиликлар, натижа ва истиқболдаги режалар
● Вақти: 16:00
● Жойи: АОКА мажлислар зали
● Иштирок этади: Бюджетдан ташқари пенсия жамғармаси

〰️〰️〰️
🔰 Брифинг

● Мавзу: Тизимда амалга оширилаётган ишлар, карантин лабароториясида 1 майдан пуллик хизмат кўрсатиш тўғрисидаги хабарларга изоҳ
● Вақти: 17:00
● Жойи: АОКА мажлислар зали
● Иштирок этади: Дурдона Очилова, Ўсимликлар карантини давлат инспекцияси ахборот хизмати раҳбари

〰️〰️〰️
📢 Саволларни @Rasmiy_aloqabot га жўнатишингиз мумкин.

🎤 ОАВ ходимлари таклиф этилади.

@aoka_uz
Давлат божхона қўмитаси “Ўзбекистон Республикасига импорт қилинаётган товарларнинг божхона қиймати тўғрисида маълумот олиш” бўйича янги интерактив хизматни жорий қилди.

Ундан фойдаланиш учун ДБҚнинг расмий веб сайтига (www.bojxona.uz, www.customs.uz) кириш лозим.

Мазкур интерактив хизмат орқали исталган шахс маълум бир товарнинг Ташқи иқтисодий фаолият товарлар номенклатурасидаги 10 та белгидан иборат ТИФ ТН кодини тўлиқ киритиши орқали республикага олиб кирилган ушбу товарга доир минимал ва максимал божхона қийматлари тўғрисидаги маълумотларни олишлари мумкин.

Мазкур маълумотлар сўнгги бир йил мобайнида божхона тўловларига тортиладиган импорт товарларнинг божхона қийматларини умумлаштирилиши асосида автоматик тарзда шакллантирилади.

Шунингдек, тақдим этилаётган маълумотларни юк жўнатиш ва ишлаб чиқариш мамлакатлари бўйича ҳам саралаш имконияти мавжуд.

Мазкур интерактив хизмат тавсиявий тусга эга бўлиб, товарларнинг хусусиятларидан келиб чиқиб бевосита божхона расмийлаштируви жараёнида божхона органи томонидан декларантга ёки божхона брокерига ўз ихтиёрида мавжуд бошқа нархлар тўғрисида ахборот тақдим этиш ҳуқуқи сақланиб қолади.

РАСМИЙ ХАБАРЛАР 👇👇👇
t.iss.one/Rasmiy_xabarlar_Official
Ўткир Уролбоевич Саидов Туризм ва спорт вазирининг зиёрат туризми бўйича ўринбосари лавозимига тайинланди

Бу ҳақда вазирнинг матбуот котиби Лола Раҳманбаеванинг Telegram мессенжеридаги расмий каналида бу ҳақда маълум қилди.

Ў.Саидов бунга қадар у вазирнинг маънавий-маърифий масалалар ва давлат тили бўйича маслаҳатчиси эди.

t.iss.one/Rasmiy_xabarlar_Official