❗️Табиий газ назорати ва ҳисобининг автоматлаштирилган тизимини ўрнатишда газ истеъмолининг ҳажмига қараб шаҳар ва туманлар қизил, сариқ ва яшил ҳудудларга ажратилади.

〰️〰️〰️〰️
Бугун АОКА залида «Табиий газ назорати ва ҳисобининг автоматлаштирилган тизимини жорий этиш» лойиҳасини амалга оширишга доир қўшимча чора-тадбирлар тўғрисида»ги Президент қарорида белгиланган вазифа ва топшириқлар ижросига бағишланган матбуот анжумани бўлиб ўтди.

@Rasmiy_xabarlar_Official

АОКА залида Давлат солиқ қўмитаси бошқарма бошлиғи ўринбосари Музаффар Назаров иштирокида ўтказилган брифингда муҳим саволларга жавоб қайтарилди:

〰️〰️〰️〰️
❓Ортиқча солиқ тўловларини ҳисоблашнинг янги тизими — қандай тизим?

➖ Ортиқча солиқ тўловларини бошқа турдаги солиқ қарзларига сингдириш амалиёти соддалаштирилди.

⏳ Эски тизимдаги 8️ босқичли жараёнда тадбиркорлик субъектларининг 1️0 кундан ортиқ вақти сарфланган.

2020 йил 1 октябрдан мутлақо янгича тизим ишга туширилди:

Янги тизим қуйидаги афзалликларга эга:

🔹 эски тизимдаги 8 босқич ўрнига соддалаштирилган уч босқичли бир иш кунида амалга ошириладиган янги тизим яратилди;

🔹 жараён тўлиқ автоматлаштирилиб, инсон омили иштироки чекланиши оқибатида коррупцион муҳитни бартараф этиш имкони яратилди;

🔹 солиқ тўловчи уйидан ёки офисидан чиқмаган ҳолда шахсий кабинет орқали солиқлардан мавжуд ортиқча тўлов суммасини, бошқа солиқ туридаги қарздорлигига ҳисобга олишни белгилаб бериш имкони яратилди;

🔹 солиқ органида солиқ тўловчи томонидан белгилаб берилган солиқлардан мавжуд ортиқча тўлов суммасини бошқа солиқ туридаги қарздорлигига ҳисобга олиш тўғрисида хулоса (қарор) автоматик равишда шу куннинг ўзида шаклланади;

🔹 шаклланган хулоса (қарор) келиб тушган кундан кечикмасдан солиқ органи томонидан имзоланади;

🔹 солиқ органи хулосаси имзоланган заҳоти автоматик равишда электрон тарзда ижро учун Ғазначилик идораларига юборилади;

🔹 мазкур жараённи реал вақт режимида кузатиб бориш, назорат қилиш ҳамда мониторингини олиб бориш имкони яратилди;

🔹 электрон хулоса (қарор) расмийлаштирилган куннинг ўзида ҳисобга олиниши белгиланган ортиқча тўлов миқдорида солиқ қарзига нисбатан Солиқ кодексининг 110-моддаси талабларига мувофиқ, пеня ҳисобланиши тўхтатилади.

〰️〰️〰️〰️
❓Ўзим яшайдиган хусусий уйдан дорихона очмоқчи эдим. Лицензия олишим учун нотурар жой деган кадастр ҳужжати бўлиши керак экан. Менинг ҳужжатим эса турар жойга мўлжалланган. Қандай қилсам бўлади?

➖ Вазирлар Маҳкамасининг 2011 йил 7 январдаги 6-сон қарорига асосан фармацевтика фаолияти хусусий тадбиркорлар юридик шахс ташкил этмасдан шуғулланиши мумкин бўлган фаолият турлари рўйхатига киритилмаган.

✏️ Шу сабабли сиз Вазирлар Маҳкамасининг 2017 йил 9 февралдаги 66-сон қарорига мувофиқ, тадбиркорлик субъектларини давлат рўйхатидан ўтказиш тартиби тўғрисидаги Низом талаблари асосида «Давлат хизматлари маркази»да юридик шахс сифатида рўйхатдан ўтиш талаб этилади.

Бу солиқ органларида солиқ тўловчи сифатида рўйхатга олиш учун асос бўлади ва автоматик равишда рўйхатга қўйилади. Турар жойни нотурар жойга ўтказиш ҳам ушбу марказда ариза бериш орқали амалга оширилади. Юридик шахснинг солиқ даврида товарларни (хизматларни) реализация қилишдан олинган жами даромади:

💵 1 млрд сўмдан ошмаган бўлса, айланмадан олинадиган солиқни тўлашни назарда тутувчи махсус солиқ режимида;

💵 1 млрд сўмдан ошган тақдирда, солиқ солиш режимининг умумий тартибида солиқларни тўлайди.

@Rasmiy_xabarlar_Official

Давлат солиқ қўмитаси бошқарма бошлиғи ўринбосари Музаффар Назаров иштирокида ўтказилган брифингдан муҳим тафсилотлар:

〰️〰️〰️〰️
❓2020 йил учун жисмоний шахсларнинг ер солиғини тўлаш муддати — 15 октябр. Эгалигимда 4 сотих ер майдони бор. Ер солиғини қандай ҳисобласам бўлади?

✏️ 2020 йил учун ер солиғи ставкаларининг аниқ миқдори Давлат бюджети тўғрисидаги Қонун билан белгиланади.

🔎 Жисмоний шахслар учун ер солиғи ер участкасига бўлган ҳуқуқларни давлат рўйхатидан ўтказишни амалга оширувчи органнинг (кадастр агентлиги) маълумотлари асосида ер участкасининг майдони ва у жойлашган ҳудуд бўйича белгиланган ставкаларга кўпайтириб аниқланади.

📈 Ер участкаси жойлашган ҳудуднинг хусусиятларини ҳисобга олган ҳолда Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари белгиланган солиқ ставкаларига 0,7 дан 1,3 гача бўлган камайтирувчи ва оширувчи коэффициентлар белгилаш ҳуқуқига эга.

❗️Мисол учун: Тошкент шаҳрида 4-ҳудудда жойлашган якка тартибда уй-жой қуриш учун берилган ерларга фуқаролардан 2020 йил учун ундириладиган ер солиғининг базавий ставкалари — 1 кв.м учун 567,2 сўм белгиланган.

☑️ 400 кв.м (4 сотих) * 567,2=226 880 сўм.

Демак, Тошкент шаҳрининг 4-ҳудудида жойлашган 4 сотих ер майдони учун 1 йиллик ер солиғи 226 880 сўм.

📲 Бундан ташқари SOLIQ мобил иловаси орқали сизга ҳисобланган ва тўланган солиқлар ҳақида маълумот олишингиз мумкин.

〰️〰️〰️〰️
❓Давлат ишида ишлайдиган, сиртқи бўлимда ўқийдиган талаба, агар у ойлигидан контракт пулини тўласа, даромад солиғидан озод бўладими?

✅ Солиқ кодексининг 378-моддаси 16-бандига асосан фуқароларнинг солиқ солиниши лозим бўлган иш ҳақи ва бошқа даромадларининг Ўзбекистон Республикасининг олий ўқув юртларида таълим олиш (ўзининг, йигирма олти ёшга тўлмаган фарзандларининг ёки эрининг (хотинининг) таълим олиши) учун йўналтириладиган суммалари солиқ солинмайдиган даромадлар таркибига киритилган.

💰 Шунга асосан, Сиз давлат ташкилотида ишлаган ҳолда олий ўқув юртининг сиртқи бўлимида контракт асосида ўқишингиз учун иш ҳақингиздан тўлов ўтказилаётган бўлса, ёшга доир чекловларсиз иш ҳақингизнинг ўқишга йўналтирилган суммасига солиқ чегирмаси берилади.

〰️〰️〰️〰️
❓«Цефтракс сб» дорисининг нархи кунига ошиб кетяпти. Аввал нархи 32 000 сщм эди, ҳозир 40 000 сўмдан ошиб кетди. Дорихоналарга бирор чора кўриладими?

💊 Давлат солиқ қўмитаси томонидан ваколатли идоралар билан биргаликда, асосий турдаги озиқ-овқат ҳамда бирламчи тиббиёт маҳсулотлари нарх-навоси устидан доимий мониторинг олиб борилмоқда ҳамда 9,4 мингта дорихонага солиқ идоралари ходимлари бириктирилган ҳамда ҳар бири билан профилактик суҳбатлар ўтказилиб, кафолат хатлари олинган.

📋 Шунга қарамасдан, нарх-навонинг асоссиз ўсиши ҳолатлари учраб турибди ҳамда ваколат доирасида чоралар кўрилмоқда.

‼️ Карантин жорий қилингандан буён солиқ идоралари томонидан ноқонуний савдо ва нархларнинг оширилиши бўйича жами 4 092 та ҳолат аниқланиб, жами 12,7 млрд сўмлик (шундан дори-дармон ва тиббиёт ниқоблари — 143 та ҳолатда 1310 млн сўмлик) маҳсулотлар олинди.

Мазкур ҳолат бўйича аниқ маълумот берилса, ДСХОлар томонидан тегишли ўрганиш ўтказилиб, аниқ жавоб берилади.

@Rasmiy_xabarlar_Official

⚡️АОКАда"Табиий газ назорати ва ҳисобининг автоматлаштирилган тизимини жорий этиш" мавзусига бағишланган матбуот анжумани ўтказилди.

❗️Унда Электрон газ ҳисоблагич ишлаб чиқариш заводи директори Умид Сайидов қуйидаги фикрларни билдирди.

"Агар истеъмолчи ўзбошимчалик билан бу ҳисоблагични очадиган бўлса, қурилма масофавий тарзда сигнал беради ва қурилмадаги клапан ўз-ўзидан ёпилиб қолади. Ёпилиб колган клапан фақат "Ҳудудгазтаъминот" ҳодимлари томонидан мобил қурилма ёрдамида очилади".

Каналга уланиш: 👇
t.iss.one/Rasmiy_xabarlar_Official

Амур газни қайта ишлаш заводи атрофидаги қурилишларда ишлаш учун 231 нафар фуқаро жўнаб кетди

Ташқи меҳнат миграцияси агентлиги ахборот хизмати хабар беришича, жорий йилнинг 16-29 сентябрь кунлари Россия ва Ўзбекистон ўртасида меҳнат миграцияси соҳасида бир қатор масалалар юзасидан музокаралар ўтказиш ва аниқ келишувларга эришиш мақсадида мамлакатимиз делегацияси шу давлатда бўлиб қайтган эди.

Ташриф доирасида Россиянинг йирик иш берувчи компаниялари билан ҳам учрашувлар ўтказилиб, Ўзбекистон фуқароларини ушбу корхоналарга ишга жалб қилиш бўйича қатор келишувларга эришилган.

Ушбу келишувлар доирасида Россия Федерацияси “Газпром” компаниясининг Амур вилоятидаги газни қайта ишлаш заводи атрофидаги қатор қурилишларда ишлаш учун 231 нафар фуқаро бугун Навоий халқаро аэропортидан чартер рейс орқали жўнаб кетди.

Таъкидлаш жоиз, уларнинг транспорт, овқатланиш, патент ва яшаш харажатлари, агарда ишчи коронавирус билан касалланса, унинг даволаниши иш берувчи компаниялар томонидан таъминланиши белгиланган.

Каналга уланиш: 👇
t.iss.one/Rasmiy_xabarlar_Official

Ўзбекистон Республикаси Президенти ҳузуридаги Давлат хизматини ривожлантириш агентлиги ҳамда Қишлоқ хўжалиги вазирлиги ҳамкорлигида илк маротаба вазирликнинг вакант лавозимлари учун ўтказилган очиқ мустақил танлов натижалари юзасидан лавҳа

Каналга уланиш: 👇
t.iss.one/Rasmiy_xabarlar_Official

​Ўзбекистон 9,3 млн. долларлик консерваланган мева-сабзавотлар экспорт қилди

Ўзбекистонда жорий йилнинг ўтган 9 ойи давомида 9 млн. 365 минг АҚШ доллари қийматидаги 8720 тонна консерваланган мева-сабзавотлар экспорт божхона режимига расмийлаштирилди. Бу ўтган йилнинг шу даврига нисбатан 3607,4 тоннага кўп демакдир.
Жорий йилда консерваланган мева-сабзавотлар экспортидан кўрилган даромад ўтган йилнинг шу даврига нисбатан 24 фоизга ошди.

Давлат божхона қўмитаси ахборот хизмати маълумотларига кўра, консерваланган мева-сабзавотларнинг 37 фоизи Россияга, 26,4 фоизи Қозоғистонга ҳамда 26 фоизи Афғонистонга экспорт қилинган.
Шунингдек, жорий йилда консерваланган мева-сабзавотларнинг Тожикистонга экспорти 3,8 баробарга, Жанубий Кореяга экспорти 3,1 баробарга, Украинага экспорти 1,7 баробарга, Қирғизистонга экспорти 1,6 баробарга ва Туркманистонга эскпорти 1,3 баробарга ортган. Ўзбекистондан консерваланган мева-сабзавотлар экспорт қилинган давлатлар қаторига жорий йилда Беларус ва Италия давлатлари ҳам қўшилди.

Каналга уланиш: 👇
t.iss.one/Rasmiy_xabarlar_Official

📢 ЭЪЛОН!

Ахборот ва оммавий коммуникациялар агентлигида бугун, 16 октябрь куни

🕰 соат 11:00да

✔️ "Dori-Darmon" акциядорлик компаниясининг пандемия давридаги фаолияти таҳлили" мавзусида;

🕰 соат 15:00да

✔️ “Куз-қиш мавсумида юзага келиши мумкин бўлган фавқулодда вазиятлар ҳамда табиий офатлар хавфини камайтириш бўйича олиб борилаётган тадбирлар" мавзуларида матбуот анжуманлари ўтказилиши режалаштирилган.

❓ Матбуот анжуманларига саволларни @aokapressa га жўнатишингиз мумкин.

❗️ОАВ ходимлари ва блогерлар матбуот анжуманларида иштирок этиб, ўзларини қизиқтирган саволларга жавоб олиши мумкин.

🔹Тадбирлар @aoka_uz, @Rasmiy_xabarlar_Official, @hudud_inform телеграм каналлари, UzReport TV ва O‘zbekiston 24 телеканаллари ҳамда Youtube тармоғи орқали онлайн ёритилади.

Каналга уланиш: 👇
t.iss.one/Rasmiy_xabarlar_Official

Ижтимоий тармоқларда метрополитен кассаси олдида кўплаб одамлар йиғилиб қолгани акс этган расм тарқатилмоқда.

Мазкур ҳолат жорий йил 12 октябрь куни Тошкент метрополитени «Беруний» бекати кассаларида йўловчиларнинг оқими кўпайиб, узун навбат юзага келиши кузатилди. Бунга йўл ҳақининг электрон тизимга ўтқазиш ишлари олиб борилаётганлиги ҳамда шу куни Тошкент давлат техника университетида талабаларнинг назорат йиғими ташкил этилганлиги сабаб бўлди. Ушбу муаммони ҳал қилиш учун дарҳол иккинчи касса очилди. Бу ҳақда "Ўзбекистон темир йўллари" АЖ ахборот хизмати хабар берди.

Юзага келган ноқулайликлар учун пойтахт метрополитени маъмурияти йўловчилардан узр сўради.

Каналга уланиш: 👇
t.iss.one/Rasmiy_xabarlar_Official

"Ипак йўли" халқаро туризм университетининг янги биноси фойдаланишга топширилди

Бу ҳақда вилоят ҳокимлиги ахборот хизмати маълум қилди. “Ақлли кампус” мақомига эга бино дунёнинг энг нуфузли университетлари стандартлари асосида жиҳозланган.

Мазкур университет давлатимиз раҳбарининг 2018 йил 28 июндаги қарори билан ташкил этилган ва Марказий Осиёда туризм соҳасидаги биринчи университет ҳисобланади.

Маросимда Ўзбекистон Республикаси Бош вазири ўринбосари, Туризмни ривожлантириш давлат қўмитаси раиси А.Абдуҳакимов, Самарқанд вилояти ҳокими Э.Турдимов иштирок этди.

Каналга уланиш: 👇
t.iss.one/Rasmiy_xabarlar_Official