💰 2024 йил 9 ойи якуни билан Инвестиция дастурига асосан кимё саноатида 22 та лойиҳа доирасида жами 550,6 млн доллар инвестициялар ўзлаштирилди

АОКАда "Ўзкимёсаноат" АЖ раҳбарияти иштирокида ўтказилган матбуот анжуманида жорий йилнинг ўтган даврида амалга оширилган ишлар, истиқболдаги вазифалар ҳақида маълумот берилди:

⏺2024 йилнинг 9 ойида товар маҳсулоти ҳажми 13,4 трлн сўмни, ўсиш суръати 107 фоизни ташкил этди, жами соф ҳолда 1,096 млн тонна минерал ўғитлар, шундан 847,3 минг тонна азотли, 87,7 минг тонна фосфорли ва 161,1 минг тонна калийли ўғитлар ишлаб чиқарилди.

⏺Жорий йилнинг дастлабки 9 ойи давомида тизим корхоналари томонидан ишлаб чиқарилаётган тайёр маҳсулотлар таннархи 1,6 трлн сўмга (12,6 фоиз) камайтирилишига эришилди.

⏺Биржа савдоларига физик ҳолда жами 2,6 млн тонна, шундан 2,2 млн тонна азотли, 242 минг тонна фосфорли ва 149 минг тонна калийли ўғитлар савдога қўйилган бўлиб, амалда 1,5 млн тонна 4628,1 млрд сўмлик ёки 57,6 фоиз, жумладан 1,3 млн тонна азотли, 90,0 минг тонна фосфорли ва 74,0 минг тонна калийли ўғитлар харид қилинди.

⏺Шунингдек, 2024 йилдан бошлаб жойлардаги омборлардан кластер ва фермерларга минерал ўғитни ташишда транспортини логистика порталида мажбурий рўйхатдан ўтказиш тартиби бекор қилинди.

⏺Экспорт географиясини кенгайтириш ва маҳсулот ташиш харажатларини оптималлаштириш мақсадида Шимолий ва Жанубий Америка давлатларидан импорт контейнерларни қайта экспортга юклаш механизми жорий қилинди. Натижада логистика харажати 210 доллардан 150 долларгача пасайиб (30 % га) жами 1,8 млн доллар иқтисодга эришилди.

⏺“WPB” маҳсулот сотиш тизими орқали минерал ўғитларни дунёдаги энг йирик Африка, Европа, Жануби-Шарқий Осиё, Шарқий Осиё, Шимолий ва Жанубий Америка, Ҳиндистон каби бозорларга камида 250 минг тонна ёки 45 млн долларга ортиш имкониятини бермоқда.

⏺Ушбу тизим орқали 66 минг тонна, 15,2 млн долларлик маҳсулот экспорт қилинди. Шунингдек, Танзаниянинг Дар-эс-Салам, Гананинг Тема портлари орқали Африка бозорларига экспортга чиқариш чоралари кўрилмоқда. Келгуси 2025 йилда умумий қиймати 605 млн долларлик кимё маҳсулотларини экспортга чиқариш мўлжалланмоқда.

📌 Батафсил

Telegram | Facebook | Instagram | Youtube | Медиабанк