#брифинг

✅ Ичимлик суви ва оқова сув тизимларидаги носозликлар бўйича 9-17 январь кунлари 2 629 та мурожаат тушди, шундан 97 фоизи бартараф этилди

Бу ҳақда АОКАда ўтказилган брифингда «Ўзсувтаъминот» АЖ ахборот хизмати раҳбари Акмал Муродов маълум қилди:

📝📝📝
Жойларда 2 219 нафар тармоқ усталари ва чилангарларидан иборат жами 527 та авария бригадалари, 533 нафар ходимдан иборат диспетчерлик хизматлари тўлиқ шай ҳолатга келтирилди.

Қувурлар музлаб қолишининг олдини олиш мақсадида дарё, сой ва каналлар устидан ўтган ва сув қудуқларидан чиқувчи қарийб 3 700 км қувурлар ҳамда 90 мингга яқин ускуна ва жиҳозлар совуқдан ҳимояловчи махсус воситалар билан ўраб чиқилди.

Марказлашган ичимлик суви таъминоти бўлмаган 1 735 та аҳоли пунктига 212 та махсус сув ташувчи техника орқали ичимлик суви узлуксиз етказиб берилди.

☎️ 1255 — фуқароларнинг мурожаатлари учун 24/7 режимида ишлаётган колл-марказ хизмати.

Батафсил
📝📝📝

Telegram | Facebook | Instagram | Youtube | Медиабанк

#брифинг

💸 Истеъмолчиларга 140 млн 500 минг куб метр табиий газ ва 2 минг 300 тонна суюлтирилган газ етказиб берилди

Бу ҳақда АОКАда ўтказилган брифингда Энергетика вазирлиги масъул ходими Обиджон Дилмуродов маълум қилди:

📝📝📝
Кеча, 17 январь куни электр станциялар орқали 223 млн 600 минг кВт-соат электр энергияси ишлаб чиқарилди. Республика истеъмолчиларига 225,5 млн кВт-соат электр энергияси етказиб берилди.

Шунингдек, газ таъминоти корхоналари томонидан истеъмолчиларга 140 млн 500 минг куб метр табиий газ ва 2 минг 300 тонна суюлтирилган газ етказиб берилди. 6 минг 800 тонна маҳаллий кўмир етказиб берилди.

Тошкент шаҳрида электр қурилмаларда юзага келган 240 та носозлик, хусусан, 42 та трансформатор ва 94 та электр узатиш тармоқларидаги нуқсонлар бартараф этилди.

☎️ 1154 — электр таъминоти юзасидан мурожаатлар учун қисқа рақам.

Батафсил
📝📝📝

Telegram | Facebook | Instagram | Youtube | Медиабанк

#брифинг

🗂 2022 йилда қишлоқ хўжалигига мўлжалланмаган 56 мингта (3 303 гектар) бўш турган ер участкалари ауцион савдоларига чиқарилди

Бу ҳақда АОКАда ўтказилган брифингда Давлат активларини бошқариш агентлиги бошқарма бошлиғи Миршод Убайдов маълум қилди:

📝📝📝📝
2022 йил давомида қишлоқ хўжалигига мўлжалланмаган 90 мингта (5 743 гектар) бўш турган ер участкалари «Ер-электрон» автоматлаштирилган ахборот тизимига киритилиб, шундан 56 мингтаси (3 303 гектар) ауцион савдоларига чиқарилган. Шундан 12 мингтаси (982 гектар), жумладан 3,4 мингтаси (75 гектар) мулк ҳуқуқида ва 8,8 мингтаси (921 гектар) ижара ҳуқуқида 989 млрд. сўмга сотилган ва натижада 559,9 млрд. сўмдан ортиқ тушум тушган, шундан 421,8 млрд. сўми тегишли бюджетларга йўналтирилган.

Президент Фармони билан туман ва шаҳарлар 5 та тоифага ажратилди. Шунга кўра, 4- ва 5-тоифадаги туман (шаҳар) да жойлашган ер участкаларининг ауцион савдосида қатнашиш учун бошланғич закалат миқдорининг 50 фоизини тўлаб, қатнашиш имконияти берилади.

➡️ Батафсил
📝📝📝📝

Telegram | Facebook | Instagram | Youtube | Медиабанк

#брифинг

🔹 Одил судловни амалга оширишга кўмаклашиш бўйича ихтисослашган прокурорлар корпуси ташкил этилиб, унинг асосий вазифалари белгиланди

Бу ҳақда АОКАда ўтказилган брифингда Бош прокуратура ахборот хизмати раҳбари Ҳаёт Шамсуддинов маълум қилди:

🔹🔹🔹🔹
Ихтисослашган прокурорлар корпуси:

✅ «Прокуратура тўғрисида»ги Қонун ҳамда процессуал қонунчиликда белгиланган тартибда судларда ишларни кўришда прокурор ваколатини таъминлайди;

✅ суд процессининг бошқа иштирокчилари билан тенг ҳуқуқлардан фойдаланган ҳолда одил судлов фаолиятининг самарали амалга оширилишига кўмаклашади, жиноят ишлари бўйича судларда давлат айбловини фақат қонунга асосланиб, холисликни сақлаган ҳолда сифатли қўллаб-қувватлайди;

✅ фуқаролар ва юридик шахсларнинг ҳуқуқлари ҳамда қонуний манфаатлари суд йўли билан самарали ҳимоя қилинишига эришади;

✅ суд амалиётидан келиб чиққан ҳолда суриштирув ва тергов органлари ходимларининг амалий кўникмалари ҳамда малакасини ошириш ишларига кўмаклашади.

● Батафсил
🔹🔹🔹🔹

Telegram | Facebook | Instagram | Youtube | Медиабанк

#брифинг

📈 2022 йилда 1 811 та (219 та давлат, 1 346 та оилавий, 169 та ДХШ асосидаги нодавлат, 77 та хусусий) боғчалар фаолияти йўлга қўйилиши натижасида болаларнинг мактабгача таълим билан қамрови 4,6 фоизга оширилди

Бу ҳақда АОКАда ўтказилган брифингда Мактабгача ва мактаб таълими вазирлиги масъул ходими Мавлуда Асқархўжаева маълум қилди:

🔹🔹🔹🔹
Бугунги кунда республикада жами 29 420 та мактабгача таълим ташкилоти фаолияти йўлга қўйилган бўлиб, уларнинг 6 589 таси давлат ва 22 822 таси нодавлат (833 та хусусий, 20 676 та оилавий ва ДХШ асосидаги 1 313 та нодавлат МТТ) мактабгача таълим ташкилотларидир.

Мактабгача ёшдаги 2,9 млн. нафар болалардан 2,1 млн. нафари ёки 71,8% болалар мактабгача таълимга қамраб олинган бўлса, уларнинг 647 655 нафарини 6 ёшли болаларни ташкил этмоқда.

Давлат ва нодавлат мактабгача таълим ташкилотларида фаолият юритаётган жами раҳбар ва педагоглар сони 151 746 нафарни ташкил этиб, олий маълумотли педагоглар сони 51 554 нафарни (33,8%) ташкил этди.

● Батафсил
🔹🔹🔹🔹

Telegram | Facebook | Instagram | Youtube | Медиабанк

#брифинг

☑️ Кеча истеъмолчиларга 228 млн 200 минг кВт-соат электр энергияси, 146 млн 500 минг куб метр табиий газ ва 2000 тонна суюлтирилган газ етказиб берилди

Бу ҳақда АОКАда ўтказилган брифингда Энергетика вазирлиги масъул ходими Обиджон Дилмуродов маълум қилди:

🔹🔹🔹🔹
Электр ва газ таъминотидаги узилишлар бўйича истеъмолчилардан 776 та мурожаат келиб тушди. Мазкур мурожаатларга асосан тармоқларда юзага келган носозликлар махсус бригадалар томонидан бартараф этилмоқда.

Газ тармоқларида табиий газ босими кўтарилиши натижаси 1 кунда 20 та маҳалладаги 3 539 та хонадоннинг табиий газ таъминоти яхшиланди.

Ҳурматли истеъмолчилар!

📌 Электр таъминоти юзасидан 1154 қисқа рақами ёки телеграм'даги @HET_admin администраторга, газ таъминоти юзасидан 1104, 104 телефон рақамлари ёки facebook'даги гуруҳга ҳамда кўмир таъминоти юзасидан 78-148-30-03, 71-244-38-28 телефон рақамлари ва @Uzbekcoaluz_bot телеграм-ботга мурожаат қилишингиз мумкин.

● Батафсил
🔹🔹🔹🔹

Telegram | Facebook | Instagram | Youtube | Медиабанк

#брифинг

💠 2022 йилда Қозоғистон, Қирғизистон, Тожикистон давлатларига 12,4 млн долларлик иссиқик сақловчи қурилиш материаллари экспорт қилинди

Бу ҳақда АОКАда ўтказилган брифингда «Ўзсаноатқурилишматериаллари» уюшмаси ахборот хизмати раҳбари Жамшид Шерметов маълум қилди:

🔹🔹🔹🔹
Республикамизда иссиқлик сақловчи материалининг уч хили — базальт тоши, шиша момиғи ва пеноплекс турларидан кенг фойдаланилади. Уларга бўлган талаб йилдан-йилга ошиб бормоқда. 2016 йилда мамлакатимизда 17 минг тонна иссиқлик сақловчи қурилиш материали ишлаб чиқарилган бўлса, 2022 йилга келиб бу кўрсаткич 43 минг тоннани ташкил этди.

2023–2024 йилларда уюшма масъуллигида базальт тошидан иссиқлик сақловчи плиталар ишлаб чиқариш бўйича умумий қиймати 63,1 млн доллар бўлган 3 та инвестиция лойиҳасини амалга ошириш режалаштирилган. Лойиҳалар Андижон, Навоий ва Жиззах вилоятларида амалга оширилади. Мазкур инвестиция лойиҳалари ишга туширилгач йилига 95 минг тонна қўшимча қувват яратилади.

● Батафсил
🔹🔹🔹🔹

Telegram | Facebook | Instagram | Youtube | Медиабанк

#брифинг

☑️ 16 январдан Шаҳарсозлик норма ва қоидаларининг айрим талаблари мажбурий характерга ўтказилди

Бу ҳақда АОКАда ўтказилган брифингда Қурилиш ва уй-жой коммунал хўжалиги вазирлиги ахборот хизмати раҳбари Саидносир Усмонов маълум қилди:

🔹🔹🔹🔹
Эндиликда барча турдаги жамоат бинолари ва 3 қаватдан юқори бўлган турар-жой бинолари вестибюллари, йўлаклари, зиналари, лифт олди майдончалари ва бино атрофини ёритишда ҳаракат сезувчи қурилмаларни қўллаш зарурлиги белгиланган.

Бу ёритишга сарфланадиган электр энергиясини 30-50 фоизгача камайтиради.

✅ Шунингдек, хонадаги радиаторларга:

🫥ҳароратни бошқарувчи термостатлар ўрнатилиши;
🫥радиаторда тўпланиб қолган ҳавони чиқариб юборувчи вентиллар бўлиши талаб этилади.

● Батафсил
🔹🔹🔹🔹

Telegram | Facebook | Instagram | Youtube | Медиабанк

#брифинг

🐟 Балиқчиликни ривожлантириш мақсадида Хитой, Вьетнам, Туркия, Россия, Германия, Венгрия тажрибалари асосида 1,1 триллион сўмлик 289 та лойиҳа жорий этилди

Бугун АОКАда ўтказилган брифингда «Ўзбекбалиқсаноати» уюшмаси раиси ўринбосари Мақсуд Остонов уюшма фаолиятининг 2022 йилдаги кўрсаткичлари ҳақида маълумот берди:

🔹🔹🔹🔹
Балиқ маҳсулотларини қайта ишлашни янада ривожлантириш мақсадида қуввати 4,4 минг тонна бўлган 7 та балиқни қайта ишлаш ҳамда қуввати 63,5 минг тонна бўлган 5 та омухта ем ишлаб чиқариш қувватлари ишга туширилди.

Аҳоли хонадонларида интенсив усулда балиқ етиштириш ишлари ҳам ҳудудлардаги ҳокимиятлар ҳамда ҳоким ёрдамчилари билан биргаликда ташкил этилмоқда. Ўтган йиллар мобайнида республика бўйича 2 минг 600 та хонадонда интенсив усулда балиқ етиштириш ишлари йўлга қўйилди.

● Батафсил
🔹🔹🔹🔹

Telegram | Facebook | Instagram | Youtube | Медиабанк

#брифинг

✅ Жамоат хавфсизлиги университетига қабул 1 февралдан бошланади — таълим йўналишлари номи, квалификацияси, ўқиш муддатлари, тест синовларининг фанлар мажмуаси

🔹🔹🔹🔹
Университетнинг кундузги бакалавриат йўналишига ўқишга кириш истагини билдирган номзодлардан аризалар 20 март кунига қадар қабул қилинади.

Университетда магистратура кундузги таълим шакли бўйича
8 та мутахассислик мавжудж. Унга кўра, 5 та мутахассислик офицер лавозимлардаги ҳарбий хизматчи (ходим)лар учун, 3 та мутахассислик бўйича эса умумфуқаровий асосда ўқишга қабул қилинади.

Университетга ҳарбий хизматчи ва ходимлар учун сиртқи таълим шаклига 2 та таълим йўналиши бўйича номзодлар ўқишга қабул қилинади.

🔹🔹🔹🔹
АОКАда Миллий гвардия ахборот хизмати раҳбари Давронбек Жуманазаров иштирокида ўтказилган брифинг тафсилотлари:

● Батафсил
🔹🔹🔹🔹

Telegram | Facebook | Instagram | Youtube | Медиабанк

#брифинг

🏗 Қурилиш соҳасида бошланғич қиймати 21,83 трлн. сўмлик 12511 та объект бўйича электрон тендер ўтказилди

Бу ҳақда АОКАда ўтказилган брифингда Қурилиш ва уй-жой коммунал хўжалиги вазирлиги бошқарма бошлиғи Даврон Милиев маълум қилди:

Давлат дастурлари бўйича бошланғич қиймати 14,3 трлн. сўмлик 8467 та объект бўйича инсон омилисиз савдолар ўтказилди. Давлат дастурлари доирасида жами 698,8 млрд. сўм иқтисод қилинган.

Электрон тендерлар жорий этилиши натижасида қурилиш соҳасидаги давлат харидларида ортиқча қоғозбозликка чек қўйилди, қурилиш-пудрат ташкилотлари учун хаққоний рақобат бозори яратилди, тендер жараёнларида инсон омили чекланиши натижасида коррупцияга барҳам берилди.

● Батафсил
🔹🔹🔹🔹

Telegram | Facebook | Instagram | Youtube | Медиабанк

#брифинг

☎️ Сел, сув тошқини ва кўчки хавфи юзага келганда ҳудудлардаги тезкор штабларга — 101, 1050 телефон рақамларига мурожаат қилинг

АОКАда ўтказилган брифингда ФВВ бошқарма бошлиғи ўринбосари Мавлон Юнусов аҳолини ва ҳудудларни фавқулодда вазиятлардан муҳофаза қилиш чоралари бўйича маълумот берди:

🔹🔹🔹🔹
🫥 Фуқаролар ўзи яшайдиган уйнинг сел келиш, тошқин ва кўчки хавфи мавжуд ҳудудда эканлиги бўйича маълумотларга эга бўлиши ҳамда мутахассислар тавсияларига қатъий амал қилиши лозим.

🫥 Тошқин, сел ва кўчки хавфи инсонларнинг ҳаёти, соғлиги ва моддий бойликларга хавф туғдиришини доим ёдда тутиш керак.

🫥 Сел оқими жуда тез шаклланиши, унинг давомийлиги 3-5 соатгача етишини билиш муҳим.

🫥 Адирликлар, тоғ ён бағирларидаги ерларни ўзбошимчалик билан ўзлаштиришмаслик, у ерларда агротехник тадбирлар қоидаларини бузмаслик лозим.

🫥 Сел омборлари, сел йўллари ва кўчки хавфли ҳудуларда уй-жой ва бошқа объектларни қурилишига йўл қўймаслик керак.

➡️ Батафсил
🔹🔹🔹🔹

Telegram | Facebook | Instagram | Youtube | Медиабанк

#брифинг

💰 Қишлоқ ва сув хўжалиги соҳасида 3 997 та қонунбузилиш ҳолатида 37 млрд. 253 млн. сўмлик молиявий санкциялар ҳисобланган

Бу ҳақда АОКАда ўтказилган брифингда «Ўзагроинспекция» ахборот хизмати раҳбари Холида Шодиева маълум қилди:

🔹🔹🔹🔹
Инспекция қошидаги Агросаноат мажмуида хизматлар кўрсатиш марказида қишлоқ хўжалиги экинлари уруғлари таркибида ГМО мавжудлигини аниқлаш бўйича янги лаборатория барпо этилди. Бунга Жаҳон банкининг 4 млн АҚШ долларлик грант маблағлари йўналтирилди.

Мамлакатимизга импорт қилинган 885 543 тонна (шундан 847 925 тонна буғдой, 29 389 тонна ун маҳсулотлари ва 8 229 тонна бошқа турдаги) дон маҳсулотларидан намуналар олиниб, таҳлиллар ўтказилган ва натижада 2 486 та сертификат расмийлаштириб берилган.

● Батафсил
🔹🔹🔹🔹

Telegram | Facebook | Instagram | Youtube | Медиабанк

#брифинг

🥩🥛 25,2 тонна гўшт маҳсулотлари ва 21,2 тонна сут маҳсулотлари истеъмолга яроқсиз деб топилиб, ўрнатилган тартибда йўқ қилинди

Бугун АОКАда ўтказилган брифингда Ветеринария ва чорвачиликни ривожлантириш қўмитаси бошқарма бошлиғи Алишер Сафаров 2022 йили соҳада амалга оширилган ишлар тўғрисида маълумот берди:

🔹🔹🔹🔹
Чорвачилик ва унинг тармоқларини ривожлантириш учун умумий қиймати 9,7 трлн. сўмлик 2 031 та лойиҳа амалга оширилиб, 120 минг нафардан ортиқ доимий ва мавсумий иш ўрни яратилди.

Мазкур лойиҳаларга Ҳалқаро молия институтларининг 150 млн доллар имтиёзли кредитлари ҳамда 30 млн доллар грант маблағлари жалб этилди.

Аҳолига сифатли ва хавфсиз гўшт маҳсулотлари етказиб бериш мақсадида туман ва шаҳарларда замонавий ихтисослаштирилган сўйиш корхоналари сони 110 тага етказилиб, ветеринария-санитария жиҳатидан хавфсизлиги кафолатланган сўйилган ҳайвон гўштларининг ягона электрон маълумотлар базаси «VIS-Billur» тизими йўлга қўйилди.

Давлат ветеринария хизмати томонидан 120 млрд сўмга яқин пуллик ветеринария хизматлари кўрсатилди.

● Батафсил
🔹🔹🔹🔹

Telegram | Facebook | Instagram | Youtube | Медиабанк

#брифинг

🌿 Орол денгизининг қуриган тубида 2022 йилда 107 минг гектар майдонда саксовул ва бошқа чўл ўсимликларидан «яшил қопламалар» барпо этилди

Бу ҳақда АОКАда ўтказилган брифингда Ўрмон хўжалиги агентлиги ахборот хизмати раҳбари Отабек Ашуров маълум қилди:

🔹🔹🔹🔹
Жами 590,3 тонна, шундан 391 тонна чўл ўсимликларининг уруғлари жамғарилди, 100 гектар саксовул ва бошқа чўл ўсимликларидан ниҳолхоналар ташкил этилди, 635 нафар ишчи-ходим, 250 дона юқори унумли трактор ва 2 дона кичик авиация (АН-2) жалб этилди.

Ушбу барпо этилган «яшил қопламалар» соҳа олимлари томонидан доимий мониторинг қилиниб, чўл ўсимликларининг кўкариши бўйича яхши натижаларга эришилмоқда.

Орол денгизининг суви қуриган тубида 2023 йилда 100 минг гектар майдонда «яшил қопламалар» — ҳимоя ўрмонзорлари барпо этилади, бунинг учун 25 млрд. сўм йўналтирилади.

● Батафсил
🔹🔹🔹🔹

Telegram | Facebook | Instagram | Youtube | Медиабанк

#брифинг

🏭 Кимё саноати корхоналарида коррупцион ҳаракатлар, маблағларни талон-тарож қилиш ва ишлаб чиқариш кўрсаткичларига қўшиб ёзишлар оқибатида тизимга 28,3 млрд сўмлик зарар етказилган

Бу ҳақда АОКАда ўтказилган брифингда «Ўзкимёсаноат» акционерлик жамияти ахборот хизмати раҳбари Рустамбек Эшбеков маълум қилди:

🔹🔹🔹🔹
Кимё саноати корхоналарида корхона ва давлат мулкларини ўзлаштириш ва коррупцион жиноятлар бўйича жами 65 та хизмат текшируви ўтказилган. Тўпланган ҳужжатлар ҳуқуқ-тартибот идораларига юборилиб, натижада 28 нафар ходим жиноий жавобгарликка тортилган, 25 нафар ходим эгаллаб турган лавозимидан озод этилган, 100 нафар масъул ходимга турли интизомий жазолар қўлланилган.

Тизим корхоналарида харидлар жараёнининг очиқлиги ва шаффофлигини таъминлаш орқали жами 7,5 млрд сўмлик пул маблағларининг асоссиз сарфланиши олди олинган.

● Батафсил
🔹🔹🔹🔹

Telegram | Facebook | Instagram | Youtube | Медиабанк