#Савол_жавоб
#Мудофаа

📥 Карантин режими вақтида фуқаролар, ижтимоий тармоқ фойдаланувчилари томонидан келиб тушаётган савол ва мурожаатларларга Мудофаа вазирлиги Ахборот хизматининг жавоби:
•┈┈┈┈••••┈┈┈┈•

❓ Муддатли ҳарбий хизматга чақирилганлар рўйхатдан ўтган жойларидан эмас, балки яшаш жойига қараб юборилиши иложи мумкинми. Мисол учун, мени июль ойининг ўрталарида муддатли ҳарбий хизматга чақиришган. Ўзим Тошкентда яшайман ва ишлайман, лекин рўйхат бўйича Қарши шаҳриданман. Карантин даврида бу жуда қулай бўлган бўларди. Шу билан бирга, вирусни юқтириб олиш хавфи ҳам камаярди?

✍ "Умумий ҳарбий мажбурият ва ҳарбий хизмат тўғрисида" Ўзбекистон Республикаси Қонунининг 19-моддасида “Ўзбекистон Республикаси Президентининг қарори эълон қилинганидан кейин чақирилувчилар, шу жумладан, вақтинча рўйхатда турган, чақирилувчилар чақирув қоғозида кўрсатилган муддатда чақирув пунктида ҳозир бўлиши шарт. Муддатли ҳарбий хизматни ёки сафарбарлик чақируви резервидаги хизматни ўтамаган ва ҳарбий рўйхатда турмаган чақирилиш ёшидаги фуқаролар, шунингдек доимий турар жойидан вақтинча бошқа жойга жўнаб кетган ва ўша ерда ҳарбий рўйхатда турмаган чақирилувчилар турар жойларидаги мудофаа ишлари органларида ҳозир бўлиши шарт”, — дея белгилаб қўйилган. Шунга мувофиқ, чақирув ёшидаги фуқаролар ҳарбий хизматга чақирилиш учун доимий ёки вақтинчалик рўйхатда бўлишлари лозим.

Каналга уланиш: 👇
@Rasmiy_xabarlar_Official

​#Савол_жавоб
#Ташқи_ишлар

📥 Карантин режими вақтида фуқаролар, ижтимоий тармоқ фойдаланувчилари томонидан келиб тушаётган савол ва мурожаатларларга Ташқи ишлар вазирлиги ахборот хизмати жавоби:
•┈┈┈┈••••┈┈┈┈•
❓ Чартер рейслар қандай амалга ошириляпти? Қандай навбатга турсак бўлади?

✍️ Жавоб: Чартер рейслар Республика махсус комиссиясининг топшириғига биноан Ўзбекистоннинг хорижий мамлакатларидаги дипломатик ваколатхона ва консуллик муассасалари томонидан шакллантирилган рўйхат асосида Транспорт вазирлиги томонидан ташкиллаштирилади.

✔️ Чартер рейсларга навбатга туриш учун Ўзбекистоннинг хорижий мамлакатларидаги дипломатик ваколатхона ва консуллик муассасаларига мурожаат қилиш керак.

❓ Бу йил чет давлатга ўқишга борадиган талабалар ёки тил курсларига борадиганлар учун визалар бериладими ва кетиш учун рейслар ташкил қилинадими?

✍️ Жавоб: Хорижий мамлакатларнинг Ўзбекистон фуқароларига виза бериш масаласи Ташқи ишлар вазирлиги ваколатига кирмайди.

✔️ Бирор мамлакатга таълим олиш мақсадида бориш учун виза олиш масаласида ўша давлатнинг Тошкент шаҳрида жойлашган элчихонасига мурожаат қилиш керак.

❓ Аввал Ўзбекистонда яшаган, лекин Қозоғистон фуқароси бўлганларниям Ўзбекистонга келишмоқчи бўлса обкелинадими?

✍️ Жавоб: Ўзбекистон фуқароси бўлмаган шахсларни давлатлараро чегаралардаги назорат-ўтказиш пунктлари орқали мамлакатимизга киритиш Республика махсус комиссиясининг тегишли топшириғи асосида амалга оширилади.

Биз ижтимоий тармоқларда:
Telegram · Facebook · Youtube

​#Савол_жавоб
#Мудофаа

📥 Карантин режими вақтида фуқаролар, ижтимоий тармоқ фойдаланувчилари томонидан келиб тушаётган савол ва мурожаатларларга Мудофаа вазири матбуот котиби – ахборот сиёсати масалалари бўйича маслаҳатчиси Баҳром Зулфиқоров жавоби:
•┈┈┈┈••••┈┈┈┈•
❓ Фарғонаданман, 20 июлда бир ойлик армияга сафарбарлик дейишганди. Бир ойлик армия сафарбарлиги ҳам тўхтатиладими?

✍️ Жавоб: Ўзбекистон Республикасига коронавируснинг кириб келиши
ва тарқалишини олдини олиш юзасидан чора-тадбирлар дастурини тайёрлаш бўйича республика махсус комиссиясининг 2020 йил 7 июлдаги тегишли қарорига асосан, 2020 йил
10 июль кунидан республикамизда карантин чекловлари жорий этилганлиги, Соғлиқни сақлаш вазирлиги ҳузуридаги cанитария-эпидемиологик осойишталик агентлиги тавсиясига асосан сафарбарлик чақируви резерви ойлик йиғинларини ўтказиш вақтинчалик тўхтатилди.

❓ Армияга кетган болалар нима бўлади, уларга жавоб бериладими?

✍️ Жавоб: Қуролли Кучлар сафига муддатли ҳарбий хизматга чақирилган фуқаролар ҳарбий хизмат муддатини тўлиқ ўтаганидан сўнг Қуролли Кучлар резервига бўшатилади ва яшаш жойларига қайтарилади.

❓ Карантин кучайтирилди. Армияга кетганлар ўз вақтида уйларига қайтиб келишадими?

✍️ Жавоб: Мамлакатимизда юзага келган эпидемиологик вазият сабабли жорий йилда фуқароларни муддатли ҳарбий хизматга чақириш тадбирлари 9 июнь куни якунланган бўлиб, ҳозирда улар муддатли ҳарбий хизматни ўтамоқдалар.

☑️ Мазкур муддатли ҳарбий хизматчилар ҳарбий хизмат муддатини тўлиқ ўтаб бўлганидан сўнг, Қуролли Кучлар резервига бўшатилади ва яшаш жойларига қайтарилади.

Биз ижтимоий тармоқларда:
Telegram · Facebook · Youtube

​​#Савол_жавоб
#Мудофаа

📥 Карантин режими вақтида фуқаролар, ижтимоий тармоқ фойдаланувчилари томонидан келиб тушаётган савол ва мурожаатларларга Мудофаа вазири матбуот котиби – ахборот сиёсати масалалари бўйича маслаҳатчиси Баҳром Зулфиқоров жавоби:
•┈┈┈┈••••┈┈┈┈•
❓Муддатли харбий хизматга кетган хизматчилар ҳам хизмат бошланишида карантинда сақланадиларми?

✍Жавоб: Мудофаа вазирлигида белгиланган тартибга асосан муддатли ҳарбий хизматга келган ҳарбий хизматчилар ҳарбий қисмга кириб келиши билан 14 кунлик карантинга олинади.

❓Муддатли хизматга кетадиганлар ҳам тиббиёт кўригидан ўтаётганларида коронавирусга тест топширишадими?

✍Жавоб: Мудофаа вазирлигида белгиланган тартибга асосан муддатли ҳарбий хизматга кетадиган фуқаролар тиббий кўрикдан олдин коронавирусга тест топшириш тавсия этилади. Сабаби, чақирилувчилар вилоятнинг турли (қизил, сариқ, яшил) ҳудудларидан тиббий кўрикка келиб, чақирув пунктида ўзаро мулоқот давомида бир-бирига коронавирус инфекциясини юқтириб қўйиши мумкин. Амалдаги тартибга асосан чақирилувчилар коронавирусга тест тоширгандан сўнг ҳарбий қисмга юборилади. Лекин, бир нарсани унутмаслик лозим, тест натижасини манфий бўлиши организмда коронавирус йўқ дегани эмас. Турли объектив ва субъектив сабабларга кўра тест натижаси манфий чиқиши мумкин. Шунинг учун доимий ниқобда бўлиш, ижтимоий масофани сақлаш, антисептиклардан фойдаланиш, қўлни яхшилаб ювиш каби профилактика қоидаларига қатъий риоя этиш шарт. Мулоқот жараёнида тиббий ниқобда бўлиш вирусни ҳаво орқали организмга киришини деярли 100 фоиз олдини олади.

‼️Ўзбекистонда коронавирус (COVID-19) инфекцияси бўйича эълон қилинган карантин талаблари, ушбу инфекцияни олдини олиш, даволаниш тартиби, лаборатория текширувлари юзасидан ишончли маълумотлар олиш учун ҳарбий хизматчилар, уларнинг оила аъзолари, вазирлик пенсионерлари ва ишчи-хизматчилари учун барча ҳарбий госпиталлар, Мудофаа вазирлиги Санитария-эпидемиология назорат маркази, бирлашма ва қўшилмаларда ишонч телефонлари иш бошлади.
Маълумот олиш учун қуйидаги телефонларга мурожаат этишингиз мумкин:
Мудофаа вазирлиги Марказий ҳарбий клиник госпитали: 71-262-39-62, 71-269-02-02, 18-71
Фарғона ҳарбий госпитали: 73-226-31-27, 73-226-33-31
Самарқанд ҳарбий госпитали: 66-233-74-73
Қарши ҳарбий госпитали: 75-221-71-06, 75-221-68-09
Термиз ҳарбий госпитали: 76-223-02-11, 76-223-17-86
Нукус ҳарбий госпитали: 61-226-98-48
Мудофаа вазирлиги Санитария-эпидемиология назорат маркази: 71-281-53-47
Ҳаво ҳужумидан ҳимоя қўшинлари ва ҳарбий ҳаво кучлари қўмондонлиги: 71-289-98-23, 21-45, 21-46
Тоифаланган объектларни қўриқлаш қўшинлари қўмондонлиги: 71-221-36-33, 71-221-76-66, 55-79

​#Савол_жавоб
#Саховат_ва_кўмак

📥 Карантин режими вақтида фуқаролар, ижтимоий тармоқ фойдаланувчилари томонидан “Сахавот ва кўмак” жамғармаси фаолияти юзасидан келиб тушаётган савол ва мурожаатларларга Маҳалла ва оилани қўллаб-қувватлаш вазири матбуот котиби – ахборот сиёсати масалалари бўйича маслаҳатчиси Саодат Боймирзаева жавоби:
•┈┈┈┈••••┈┈┈┈•
❓ Бошқа маҳсулотлар турига қайси маҳсулотлар назарда тутилган ва харид қилиш мумкинми?

✍️ Жавоб: Вазирлар Маҳкамасининг 2020 йил 22 апрелдаги 213-ф-сон фармойиши билан тасдиқланган “Саховат ва кўмак” жамғармаси тўғрисидаги Низомнинг 6-бандида “Жамғарма маблағлари карантин даврида ижтимоий ҳимояга муҳтож, кўп болали оилаларга, якка ёлғиз ва ногиронларга ҳамда ўз даромадини йўқотган вақтинча ишсиз бўлган жисмоний шахсларга пул маблағлари, кундалик истеъмол товарлари, дори воситалари ва бошқа маҳсулотлар билан таъминлаш учун ишлатилиши” белгиланган.

✅ Шунингдек, Низомни 7-бандида “жамғарма маблағларини тасарруф этиш Қорақалпоғистон Республикаси, вилоятлар ва Тошкент шаҳар миқёсида Қорақалпоғистон Республикаси Жуқорғи Кенгеси, Халқ депутатлари вилоятлар ва Тошкент шаҳар Кенгашлари, туман (шаҳар) миқёсида – Халқ депутатлари туман ва шаҳар кенгашлари томонидан амалга оширилиши” қайд этилган.

🔰 “Маҳалла” фонди томонидан ҳомийлик ва ҳайрия ёрдами сифатида келиб тушган пул маблағлар ва уларнинг ишлатилиши ҳисобини юритади, шунга асосан Қорақалпоғистон Республикаси Жуқорғи Кенгеси, Халқ депутатлари вилоятлар ва Тошкент шаҳар Кенгашлари, Халқ депутатлари туман ва шаҳар кенгашлари қарорларида маҳсулотлар тури ва пул маблағлари микдорига биноан аҳолининг кам таъминланган, ижтимоий ҳимояга муҳтож, кўп болали оилалар, якка ёлғиз ва ногиронлар ҳамда ўз даромадини йўқотган вақтинча ишсиз бўлган жисмоний шахсларга эхтиёжидан келиб чиққан холда ёрдамлар кўрсатилмоқда.

❓ Тумандаги "Саховат ва кўмак" жамғармаси маблағлари ҳисобидан Сирдарё вилояти Сардоба сув омборидан ҳамда пандемиядан жабр кўраётган эҳтиёжманд оилаларга моддий ёрдам қилиш ёки маҳсулотлар сотиб олиб берилиши мукинми?

✍️ Жавоб: Қорақалпоғистон Республикаси Жуқорғи Кенгеси, Халқ депутатлари вилоятлар ва Тошкент шаҳар Кенгашлари, Халқ депутатлари туман ва шаҳар кенгашлари қарорларига асосан “Жамғарма маблағлари карантин даврида кам таъминланган, ижтимоий ҳимояга муҳтож, кўп болали оилаларга, якка ёлғиз ва ногиронларга ҳамда ўз даромадини йўқотган вақтинча ишсиз бўлган жисмоний шахсларга пул маблағлари, кундалик истеъмол товарлари, дори воситалари ва бошқа маҳсулотлар билан таъминлаш учун ишлатилиши” белгиланган.

Биз ижтимоий тармоқларда:
Telegram · Facebook · Youtube

​#Савол_жавоб
#Божхона

📥 Карантин режими вақтида фуқаролар, ижтимоий тармоқ фойдаланувчилари томонидан божхона фаолияти билан боғлиқ масалалар юзасидан келиб тушаётган савол ва мурожаатларларга Давлат Божхона қўмитаси раиси матбуот котиби – ахборот сиёсати масалалари бўйича маслаҳатчиси Нурбек Саломов жавоби:
•┈┈┈┈••••┈┈┈┈•
❓ Хориждан кислород концентратори товарларини импорт қилиш тартиби қандай? Бу бўйича юридик ва жисмоний шахсларга имтиёзлар мавжудми?

✍️ Жавоб: Вазирлар Маҳкамасининг 2020 йил 22 июлдаги 449-сонли қарорининг
1-иловасига мувофиқ 2020 йил 1 октябрга қадар рўйхатдаги кислород концентратори импорт қилинганда ва маҳаллий ишлаб чиқарувчи корхоналар томонидан ишлаб чиқарилганда давлат руйхатидан ўтказилмасдан ва мажбурий сертификатлаштирилмасдан божхона расмийлаштирувини амалга ошириш (импорт қилинганда) ва реализация қилиш рухсат берилган.

☑️ Шунингдек, мазкур карорнинг 1-бандида назарда тутилган тартиб асосида тиббий буюм, тиббий техникалар, шу жумладан кислород концентраторлар импорти билан шуғyлланувчи ва маҳаллий ишлаб чикарувчи кopxoналар маҳсулот сифати ва хавфсизлиги учун жавобгар ҳисобланиши белгиланган.

‼️ Имтиёз олиш учун ҳуқуқий асос:
Ўзбекистон Республикаси Президентининг 2017 йил 1 апрелдаги “Соғлиқни сақлаш соҳасида хусусий секторни янада ривожлантириш чора-тадбирлари тўғрисида”ги ПҚ–2863-сон қарори 8-банди “б” кичик бандига мувофиқ 2022 йил 1 январга қадар белгиланган тартибда шакллантириладиган рўйхат бўйича юридик шахслар томонидан, шу жумладан лизинг шартномаси асосида олиб келинадиган янги тиббиёт асбоб-ускуналари, бутловчи буюмлар ва уларнинг эҳтиёт қисмлари ҳамда сарфлаш материаллари божхона тўловларидан озод этилган.

☑️ Шунингдек, Ўзбекистон Республикаси Президентининг 2019 йил 7 ноябрдаги
ПҚ–4508-сон Қарори иловасига мувофиқ (Жисмоний шахслар томонидан шахсий эҳтиёжлари учун олиб кириладиган товарлар тоифасига кирмайдиган товарлар рўйхати):

➖ Тиббиёт техникаси ва ускуналари (шприцлар, игналар, катетерлар, канюлялар, шунга ўхшаш асбоблар, қон босими, тана ҳароратини ўлчаш ускунаси, шунингдек, тиббий кўрсатмалар бўйича фойдаланиш учун зарур бўлган аппаратуралар бундан мустасно).

➖ Тиббиёт, хирургия, стоматология ёки ветеринария мебели (тиббий кўрсатмалар бўйича фойдаланиш учун зарур бўлган механик мосламали шифохона койкалари бундан мустасно) жисмоний шахслар томонидан шахсий эҳтиёжлари учун олиб кириладиган товарлар тоифасига кирмаслиги белгиланган.

Каналга уланиш: 👇
t.iss.one/Rasmiy_xabarlar_Official

​#Савол_жавоб
#Адлия

📥 Карантин режими вақтида фуқаролар, ижтимоий тармоқ фойдаланувчилари томонидан келиб тушаётган савол ва мурожаатларларга Адлия вазири матбуот котиби – ахборот сиёсати масалалари бўйича маслаҳатчиси Севара Уринбаева жавоби:

•┈┈┈┈••••┈┈┈┈•

❓ Ҳозирги пандемия вақтида шаҳар, туман ҳокимликлари ходимлари шахсий автомашиналарида ҳаракатланишга рухсат этилганми, махсус комиссия қарорида бу ҳақда сўз юритилмаган?

✍️ Жавоб: Республика ҳудудида карантин эълон қилингани сабабли, фуқаролар ўзининг шахсий автотанспорт воситаларида куннинг белгиланган вақтидагина махсус рухсатномасиз ҳаракатланиши мумкин.

Қолган вақтларда эса Адлия вазирлиги Давлат хизматлари марказлари томонидан илгари берилган махсус рухсатнома (стикер)лар асосида ҳамда автотранспорт воситалари ҳаракатланишига махсус рухсатномалар талаб этилмайдиган ҳолатларнинг рўйхатида белгиланган асослар бўйича автотранспорт воситасида ҳаракатланиш мумкин.

Махсус рухсатномалар талаб этилмайдиган ҳолатлар рўйхатида Қорақалпоғистон Республикаси Жўқори Кенгеси ва Вазирлар Кенгаши раислари ва уларнинг ўринбосарлари, ҳокимлар
ва уларнинг ўринбосарлари хизмат автотранспорт воситалари келтирилган. Лекин сиз айтганингиздек, ҳокимликлар ходимларининг шахсий автротранспорт воситалари ушбу рўйхатда йўқ. Шу сабабли сиздан карантин қоидаларига амал қилишни ва куннинг белгинган вақтида шахсий автотраспорт воситангиздан фойдаланишингизни сўраб қоламиз.

❓ 2020 йил 15 август кунига қадар карантин чекловлари жорий қилинган. 2020 йил 13 август куни автомобилимни бошқариш учун берилган ишонч қоғози муддати тугайди. Саволим шуки – агар карантин чекловлари яна узайиши мумкин бўлса, мен автомобилимни бошқара оламанми ёки йўқми?

✍️ Жавоб: Карантин даврида муддати тугайдиган автотранспорт воситалари учун талаб қилинадиган ҳужжатларнинг (суғурта полиси, транспорт воситаларини бошқариш учун ишончнома, транспорт воситасини (қайта) рўйхатдан ўтказганлигини ҳамда техник кўрикдан ўтганлигини тасдиқловчи ҳужжатларнинг амал қилиш муддати 2020 йил 1 июлга қадар узайтирилган эди.

Сизнинг автотраспорт воситасини бошқариш ишончномангиз 13 август куни муддати тугаса, муддатини узайтириш бўйича ўз ҳудудингиздаги нотариусга мурожаат қилишингиз мумкинлигини маълум қиламиз.

Каналга уланиш: 👇
t.iss.one/Rasmiy_xabarlar_Official

​#Савол_жавоб
#Банк_тизими

📥 АОКА штабига келиб тушаётган саволларга Марказий банк Бошқарув раиси матбуот котиби Акмал Назаров жавоби:
•┈┈┈┈••••┈┈┈┈•
❓Банкдан кредит сўраб мурожаат қилгандим, турли баҳоналар билан бир неча ойдан бери сарсон қилишяпти. Ҳатто ажратилган кредит суммаси банкдан тадбиркорнинг қўлига теккунига қадар ҳам узоқ кутиш керак. Аслида, мурожаатни кўриб чиқиш муддати қанча? Бу қонун билан тартибга солинганми? Тадбиркор банк томонидан сарсон қилинса, кимга мурожаат қилиш керак?

✅ Ўзбекистон Республикасининг “Банклар ва банк фаолияти тўғрисида”ги Қонунининг 61-моддасига кўра, банклар ва уларнинг мижозлари ўртасидаги муносабатлар шартномалар асосида амалга оширилади.

🔸Шу билан бирга, ҳар бир банк мижозларга кредит операцияларини банк Кенгаши томонидан тасдиқланган “Кредит сиёсати” (банк томонидан ажратиладиган кредитлар шартлари, ажратилиш тартиби, кредит таъминотига қўйиладиган талаблар ва кредит операцияларини амалга ошириш тартиби бўйича бошқаларни белгилаб берадиган) талабларига биноан амалга оширади.

🔸Қайд этиш лозимки, қарз олувчи кредит юзасидан банкка расмий ариза билан мурожаат қилиши лозим, бунда банк ходимлари билан кредит олиш бўйича амалга оширилган оғзаки келишувлар юридик кучга эга бўлмайди ҳамда банк томонидан тан олинмаслиги мумкин.

🔸Юридик шахсларнинг банк хизматларига доир мурожаатлари “Банклар ва банк фаолияти тўғрисида”ги Қонуннинг 68-моддасига мувофиқ, мижозлар мурожаатлари банкка келиб тушган кундан эътиборан ўн беш кундан кечиктирмай, қўшимча ўрганиш ва (ёки) текшириш, қўшимча ҳужжатларни сўраб олиш талаб этилганда эса, бир ойгача бўлган муддатда кўриб чиқилиши ҳамда ёзма ёки электрон шаклда жавоб берилиши белгиланган.

🔸“Банк хизматлари истеъмолчилари билан ўзаро муносабатларни амалга оширишда тижорат банкларининг фаолиятига қўйиладиган минимал талаблар тўғрисида”ги Низомга кўра, банк кредит операцияларини амалга оширишда шартномада кредит маблағларини бериш мажбуриятини бажармаганлиги ёки ўз вақтида бажармаганлиги учун банк қарз олувчи олдида кредитор сифатида ўз жавобгарлигини акс эттириши шарт.

❗️Юқоридагилардан келиб чиқиб, тадбиркорлик субъектларида банкка кредит олиш учун расмий ариза ва бошқа зарурий ҳужжатлар топширилгандан сўнг, банк томонидан белгиланган муддатларда кўриб чиқилиб, тегишли жавоб берилмаганда ёки банк хизматлари истеъмолчиси сифатида ҳуқуқлари бузилаётганлиги ҳолатига дуч келган тақдирда, Марказий банкка (71) 200-00-44 рақамли “Ишонч телефони” орқали мурожаат этишлари мумкин.

Каналга уланиш:👇
t.iss.one/Rasmiy_xabarlar_Official

📥 Ижтимоий тармоқлар ҳамда мессенжерлар орқали юборилган саволларга Давлат хизматлари агентлиги Ахборот хизмати жавоб беради.

•┈┈┈┈••••┈┈┈┈•

❓Ҳовли-жойда тураман. Уйимнинг кадастр паспорти йўқолиб қолган. Ариза берганимдан сўнг кадастр органлари қанча муддатда янги кадастр паспорти беришади ?

✍Кўчмас мулк объектига кадастр паспортини бериш бўйича давлат хизматлари кўрсатиш маъмурий регламентига асосан кадастр (йиғмажилди) паспорти йўқолганда (яроқсиз ҳолга келганда), қоғоз ёки пластик шаклда янги кадастр паспорти икки иш куни мобайнида берилади.

Кадастр йиғмажилди (паспорти) йўқолганда (яроқсиз ҳолга келганда ва кўчмас мулк объекти кўрсаткичлари ўзгартирилмасдан) кадастр паспортини расмийлаштириш бепул амалга оширилади.

#Савол_жавоб

РАСМИЙ ХАБАРЛАР 👇👇👇
t.iss.one/Rasmiy_xabarlar_Official

❓САВОЛ
Уй-жойни олди-сотди қилмоқчиман. Дилер ташкилотларидан сотсам бўладими ёки фақат нотариалми?

✅ Кадастр агентлиги ахборот хизмати жавоби👇👇👇

🔷 Ўзбекистон Республикаси Фуқаролик кодексининг 488-моддасига асосан Уйни, квартирани, уйнинг ёки квартиранинг бир қисмини сотиш шартномаси нотариал тартибда тасдиқланиши ва давлат рўйхатидан ўтказилиши лозимлиги белгиланган. Шунга асосан турар жой объектларини тасарруф этиш фақат нотариал тартибда амалга оширилади.

#савол_жавоб

РАСМИЙ ХАБАРЛАР 👇👇👇
t.iss.one/Rasmiy_xabarlar_Official

#САВОЛ_ЖАВОБ

⁉️Республикадаги маънан эскирган уйларнинг тақдири нима бўлади? Улар бузиладими?

Ушбу саволга Уй-жой коммунал хизмат кўрсатиш вазирлиги мутасаддилари жавоб берди.

Каналга уланиш: 👇
t.iss.one/Rasmiy_xabarlar_Official