⚡️Университетлар учун 1 Гбит/секунд тезликдаги Интернет тарифлари чиқарилди

Бу ҳақда АОКАда ташкил этилган матбуот анжуманида «Ўзбектелеком» АК бош директори ўринбосари Алишер Зуфаров маълум қилди:

〰️〰️〰️
🌀 «Ижтимоий соҳа объектларини оптик толали Интернет билан таъминлаш вазифаси олдимизга қўйилган эди. Бу йил шу топшириққа биноан 10 154 та мактаб, 5 781 та мактабгача таълим муассасаси ва 3,5 мингдан ортиқ соғлиқни сақлаш объекти қамраб олинди.

📈 Жорий йил охиригача республикада мавжуд мактабларнинг 78 фоизини Интернет тизимига улаш кўзда тутилган. Соғлиқни сақлаш ва мактабгача таълим объектларини алоқа линияларига улаш ишлари эса йил якунига қадар 100 фоиз кўрсаткичда бажарилади.

💻 Олий ва ўрта махсус таълим вазирлиги билан ҳамкорликда университетларга 1 Гбит/с тезликдаги тарифларни чиқардик. Нархлар ҳайратланарли даражада арзонлаштирилган. Ҳозирда деярли барча олий таълим муассасалари ушбу тарифдан фойдаланмоқда».

@Rasmiy_xabarlar_Official

❓Президент республикада 22% аҳоли жамоат транспортидан фойдаланаётгани, ҳудудлардаги аҳвол оғирлигини танқид қилган эди. Бу масалалар қандай ечилади?

〰️〰️〰️
📹 Муроджон Абидов, Транспорт ва логистикани ривожлантириш муаммоларини ўрганиш маркази директори

@Rasmiy_xabarlar_Official

Монополияга қарши курашиш қўмитаси апелляция шикояти бўйича очиқ суд жараёни бошланди

«UzAuto Motors» акциядорлик жамияти Монополияга қарши курашиш қўмитасининг 2020 йил 19 августдаги қарорини бекор қилиш юзасидан судга мурожаат қилган эди.

Тошкент шаҳар маъмурий судининг 2020 йил 30 октябрдаги ҳал қилув қарорига асосан аризачи «UzAuto Motors» АЖнинг жавобгар Монополияга қарши курашиш қўмитасига нисбатан Махсус комиссиясининг 21/31-сонли иш бўйича 2020 йил 19 августдаги қарорини ҳақиқий эмас деб топиш ҳақидаги шикоят аризаси қаноатлантирилган ҳамда Махсус комиссиясининг қарорини ҳақиқий эмас деб топганди.

Кейинчалик Монополияга қарши курашиш қўмитаси мазкур қарор устидан апелляция шикояти берди.

Олий суд ахборот хизмати хабар беришича, бугун Тошкент шаҳар маъмурий судининг апелляция инстанциясида апелляция шикоятини мазмунан кўриб чиқиш бўйича очиқ суд жараёни бошланди.

“UzAuto Motors” акциядорлик жамияти вакили судлов ҳайъатига мурожаат қилиб, ишни кўриш жараёнида давлат сири ва тижорат сири билан боғлиқ масала муҳокама қилинганида суд мажлисини ёпиқ тарзда ўтказишни сўради.

Монополияга қарши курашиш қўмитаси вакилининг келтирилган апелляция шикояти юзасидан фикри тингланиб, шикоятда келтирилган важлар юзасидан берилган саволларга жавоблари тингланди.

Қўмита вакили томонидан судлов ҳайъатига илтимоснома киритилиб, унда ишни кўришда тараф сифатида “Azimavtomotive” МЧЖни жалб этиш ҳамда “UzAuto Motors” акциядорлик жамияти томонидан киритилган шикоят аризадаги имзони ҳақиқийлигини текшириш мақсадида судга оид хатшунослик экспертизаси тайинлаш сўралди.

Судлов ҳайъати ўз ўрнида ажрим қилиб, судга оид хатшунослик экспертизасини тайинлаш тўғрисидаги илтимосномани қаноатлантиришдан рад этди ҳамда ишни кўришда тараф сифатида “Azimavtomotive” МЧЖни жалб этиш тўғрисидаги илтимоснома муҳокамаси “UzAuto Motors” АЖ вакиллари фикри тингланганидан сўнг кейинга қолдирилди.

Кейинги суд муҳокамаси 2020 йил 18 декабрь куни соат 10.30 га қолдирилди.

Каналга уланиш: 👇
@Rasmiy_xabarlar_Official

Сув таъминоти соҳасига Жанубий Корея тажрибаси олиб кирилмоқда

Бу ҳақда "Ўзсувтаъминот" АЖ ахборот хизмати хабар берди.

Ўзбекистон Республикаси Уй-жой коммунал хизмат кўрсатиш вазирининг биринчи ўринбосари, «Ўзсувтаъминот» АЖ бошқаруви раиси Соҳиб Саифназаров бошчилигидаги делегация 9-10 декабрь кунлари Корея Республикасига сафар қилди.

Корея Республикаси Экология ва атроф-муҳит вазирлигида ўтган учрашувда сув таъминоти соҳасида ҳамкорлик масалалари муҳокама қилинди. Учрашув якуни бўйича томонлар ўртасида ҳамкорлик меморандуми, Тошкент шаҳар Миробод туманидаги эскирган сув қувурларини модернизация қилиш бўйича пилот лойиҳасини Жанубий Корея ҳукуматининг грант маблағлари ҳисобидан молиялаштириш ҳақида келишув ҳам имзоланди.

«Ўзсувтаъминот» АЖ ва K-Water DK ўртасида англашув меморандуми имзоланди. Ушбу ҳужжат сув таъминоти соҳасига янги билимлар ва ноу-хаулар олиб кириш, Жанубий Корея тажрибасини қўллашда «Ўзсувтаъминот» АЖнинг техник ва бошқарув салоҳиятини оширишга хизмат қилади.

Шунингдек, Тошкентда технологиялар трансфери ва малака ошириш бўйича махсус марказ қуриш, унинг илмий-услубий ва техник жиҳозлаш, Ўзбекистон ҳудудларида давлат-хусусий шериклик шартлари асосида сув таъминотини яхшилаш лойиҳаларини биргаликда тайёрлаш ва ичимлик суви сифатини оширишда илғор тажрибаларни жалб қилиш ҳам меморандумнинг асосий мақсадларидандир.

Бундан ташқари, эришилган келишувга кўра, 2021 йилда Тошкент шаҳрида K-Water давлат компаниясининг мунтазам ишлайдиган вакиллиги ташкил этилади.

Сув ресурсларини бошқариш соҳасида кадрлар тайёрлаш институти раҳбарияти билан бўлган музокараларда эса Тошкент шаҳрида да сув таъминоти соҳаси ходимларининг малакасини оширишга қаратилган махсус марказ қуриш масаласи кўриб чиқилди.

Жанубий кореялик ҳамкорлар бошқарув ва ишчи ходимлар учун махсус ўқув дастурларини ишлаб чиқиш ва Ўзбекистон ОТМларига ўқитувчиларни тайёрлаш бўйича ёрдам беришга тайёрлигини билдиришди.

Каналга уланиш: 👇
@Rasmiy_xabarlar_Official

Январдан Тошкентда автобус ва метрода нақд пул орқали тўлов қилиш бекор бўлиши ростми? 👉 Батафсил

Автоматлашган тизим жорий қилинса, «кондуктор»лардан воз кечиладими? 👉 Батафсил

Жамоат транпсорти карталаридан болалар қандай фойдаланади? 👉 Батафсил

2021 йилда жамоат транспортида йўл ҳақи ошадими? 👉 Батафсил

@aoka_uz