#Тилим_байраминг_муборак

✅21-oktabr - O’zbek tiliga davlat tili maqomi berilgan kun!
__
Kelib ketdi necha dunyolar,
Kuldi hayot, yig‘ladi o‘lim.
Sen deb qurbon bo‘ldi bobolar,
Ular ketdi, sen qolding, tilim.

Belanchaging uzra Koshg‘ariy,
Kuylab o‘tdi qadim navoni.
Va navqiron yaproqlaringga,
Dil qonini berdi Navoiy.

Samarqanddan Bobur ketarkan,
Dilda bo‘g‘ib hasrat sasini,
Olib ketdi ona yurtidan,
Turkiy tilim, birgina seni.

Mashrabmas, sen osilding dorga,
Nodiramas, sensan so‘yilgan,
Hoziqningmas, sening, ey tilim,
Boshing ayru, ko‘zing o‘yilgan.

Ammo dushman o‘ldirgan botir,
Tirilgandek yana qasosga,
Mangu borsan va mangu qodir,
To‘ldirmoqqa yerni ovozga.

Vatan uchun baxsh etib jonni,
Kechib olov, kirib daryoga,
Farzandlaring to‘kkan har qonni,
Shimirding sen o‘xshab giyohga.

Ona tilim, omon bo‘l mangu,
Sen borsan-ki men ham o‘lmayman,
Tildan qolsam, seni Oybekday,
Men ko‘zlarim bilan so‘ylayman.

Xurshid Davron

#Bayram_muborak

#bayram_muborak

✅Aziz yurtdoshlar, sizlarni yangi 2024-yil  bilan Qarshi shahar 1-son ixtisoslashtirilgan maktab-internati rahbariyati va jamoasi nomidan tabriklaymiz!

❄️Yangi yil bizga  yangi orzu va maqsadlar sari yo'lni ko'rsatibgina qolmasdan o'tgan yilning sarf-hisobini ham taqdim etadi. Albatta, eski yil ham har bir inson hayotida takrorlanmas hodisalarga, ijobiy yutuq hamda shaxsiy yuksalishlarga boy  yil bo'ldi. Kirib kelayotgan 2024- yil har bir yurtdoshlarimiz uchun imkoniyatlar yili bo'lsin.
Ta'limda taraqqiy etgan jamiyatda inson qadri va sha'ni zavol topmaydi.

🎊Aziz do'stlar, barchangizga oilaviy xotirjamlik, mustahkam sog'liq, omad va baxt tilaymiz. Yangi yil hammamiz uchun ijobiy his-tuyg'ular va muhim voqealarga boy yil bo'lsin. Yana bir bor Yangi yil bilan chin dildan barchangizni samimiy muborakbod etamiz!