“Асл табиат боғлари”да кузги олмалар пишди.
“Ўзбекистон” фермерлар уюшмаси ҳудудида 30 гектар майдонда ташкил этилган олмазор боғ бу йил ҳосилга кирди. Хўжалик боғларида олманинг "пинк леди", " голден", "жеромен" каби серҳосил навларидан жами 50 минг тупга яқин кўчат бор. Ҳар бир дарахт алоҳида парваришлаб, ҳар бир шох симга боғлаб чиқилган.
Боғ бугунги ҳолатга келгунича, 200 минг АҚШ доллари миқдорида маблағ сарфланди.
Суратда хўжалик аъзоси Фатхилла Расулов.

@piskenthokimligi

ОХИРАТИНГИЗ ОБОД БЎЛСИН

Бугун меҳнат фахрийси, нуроний онахон Соҳибахон Ғуломхоновани 86 ёшида бешафқат ўлим орамиздан олиб кетди.
Ҳаёти давомида ҳалол яшаган, фарзандларини ҳалол ризқ билан ақлу салоҳиятли этиб вояга етказган Соҳибахон ая Ғуломхонова илғор пахтакор сифатида нафақат республика, балки собиқ иттифоққа танилган инсон эди. 1957 йилда пахта теримида кўрсатган фидойилиги учун Меҳнат Қаҳрамони унвони билан тақдирланган.

Пискент туман ҳокимлиги жамоаси нуроний инсоннинг вафоти муносабати билан Ғуломхоновлар оиласи, шунингдек, туман ҳокими ёрдамчиси Абдуллахон Шукуровга чуқур ҳамдардлик изхор этади.

@piskenthokimligi

#Эслатма

📌 Ҳафта давомида (7 – 12 октябрь кунлари) қабул қилинган муҳим қонун ҳужжатлари: ⬇️

▫️Ташқи беғараз кўмак маблағларини жалб этиш механизмларини ва донорлар билан ишлашни такомиллаштириш чора-тадбирлари тўғрисида Президент Фармони қабул қилинди. Батафсил.

▫️ Президент Фармони билан Ўзбекистон Республикаси олий таълим тизимини 2030 йилгача ривожлантириш концепцияси тасдиқланди. Батафсил.

▫️Сув ресурсларини бошқариш тизимини янада такомиллаштириш чора-тадбирлари тўғрисида Президент қарори қабул қилинди. Батафсил.

▫️ Халқаро шартномани тасдиқлаш тўғрисида Президент қарори қабул қилинди. Батафсил.

▫️Товар-хомашё биржалари фаолияти самарадорлигини ошириш ва биржа савдоси механизмларини янада такомиллаштириш чоралари тўғрисидаги Президент қарори қабул қилинди. Батафсил.

▫️Ҳукумат қарори билан Ўзбекистон Республикаси Адлия вазирлигининг Апелляция кенгаши тўғрисида низом тасдиқланди. Батафсил.

▫️ Замонавий заргарлик савдо-ишлаб чиқариш марказларини ташкил этиш бўйича чора-тадбирлар тўғрисида Ҳукумат қарори қабул қилинди. Батафсил.

▫️Ҳукумат қарори билан Моддий маданий мероснинг кўчмас мулк объектлари миллий рўйхати тасдиқланди. Батафсил.

▫️Угом-Чотқол давлат миллий табиат боғининг айрим табиий ҳудудлари ва объектларидан фойдаланишни тартибга солиш тўғрисидаги Ҳукумат қарори қабул қилинди.(huquqiyaxborot)

@piskenthokimligi

#Расмий

Тошкент вилоятининг яна тўртта ҳудудида хорижга чиқиш паспортини расмийлаштириш пункти очилди

Шу пайтгача бундай бўлим вилоятнинг 8 та ҳудудида фаолият кўрсатиб келаётган эди. Фуқароларнинг талаб ва истакларидан келиб чиқиб, Ангрен, Бекобод, Нурафшон шаҳри ва Бўстонлиқ туманида ҳам хорижга чиқиш паспортини расмийлаштириш (маълумотларни йиғиш) пункти иш бошлади ва барча зарур техник восита, қурилма билан таъминланди.

Айни пайтда қуйидаги жойларда чет элга чиқиш паспортларини расмийлаштириш ишлари олиб борилаяпти:

1. Тошкент вилояти Ички ишлар бош бошқармаси Миграция ва фуқароликни расмийлаштириш бўлими биносида
- Қибрай тумани аҳолисига;

2. Чирчиқ шаҳар ИИБ Миграция ва фуқароликни расмийлаштириш бўлими биносида
- Чирчиқ шаҳри аҳолисига;

3. Янгийўл шаҳар ИИБ Миграция ва фуқароликни расмийлаштириш бўлими биносида
- Янгийўл шаҳри ва Янгийўл тумани аҳолисига;

4. Охангарон тумани ИББ Миграция ва фуқароликни расмийлаштириш бўлими биносида
- Оҳангарон тумани, Оҳангарон шаҳри ва Олмалиқ шаҳри аҳолисига;

5. Бўка туман ИИБ Миграция ва фуқароликни расмийлаштириш бўлими биносида
- Бўка ва Оққўрғон туманлари аҳолисига;

6. Зангиота тумани ИИБ МваФРБда Миграция ва фуқароликни расмийлаштириш бўлими биносида
- Зангиота ва Тошкент туманлари аҳолисига;

7. Юқори Чирчиқ тумани ИИБ Миграция ва фуқароликни расмийлаштириш бўлими биносида
- Юқори Чирчиқ ва Паркент тумани аҳолисига;

8. Чиноз тумани ИИБ Миграция ва фуқароликни расмийлаштириш бўлими биносида
- Чиноз ва Қуйи Чирчиқ тумани аҳолисига;

9. Нурафшон шаҳар ИИБ Миграция ва фуқароликни расмийлаштириш бўлими биносида
- Ўрта Чирчиқ, Пискент туманлари ва Нурафшон шаҳри аҳолисига;

10. Бекобод шаҳар ИИБ Миграция ва фуқароликни расмийлаштириш бўлими биносида
- Бекобод шаҳри ва Бекобод тумани аҳолисига;

11. Ангрен шаҳар ИИБ биносида
- Ангрен шаҳри аҳолисига;

12. Бўстонлиқ тумани ИИБ Миграция ва фуқароликни расмийлаштириш бўлими биносида
- Бўстонлиқ тумани аҳолисига;

Маълумот учун: Жорий йил охиригача вилоятнинг барча шаҳар-туманидаги Миграция ва фуқароликни расмийлаштириш бўлимида хорижга чиқиш паспортини олиш учун маълумотларни йиғиш пунктлари очилади.

Эслатиб ўтамиз, иккинчи жахон уруши қатнашчилари, уларга тенглаштирилган фуқаролар, хомиладор аёллар, ёш болалар ва ногиронлиги бўлган фуқароларга навбатсиз хизмат кўрсатилади.

Мазкур хизмат дам олиш кунларисиз амалга оширилади.

Тошкент вилояти ҳокимлиги ахборот хизмати.

https://t.iss.one/ToshkentViloyatiHokimligi

Эртадан бошлаб барча дон ва ун очиқ биржада сотилади

Бугун дон, ун ва нон етказиб бериш тизимига бозор механизмларини тўлиқ жорий этишга оид Вазирлар Маҳкамаси қарори қабул қилинди.

Қарорда айтилишича:

• жорий йилда 7 млн тоннадан ортиқ ғалла етиштирилган;

• I нав уннинг улгуржи ва чакана нархларини маъмурий тартибда белгилаш натижасида ун ишлаб чиқарувчи ташкилотлар ҳар бир тонна ундан салкам 900 минг сўм зарар кўрмоқда.

Шунга кўра, 2019 йил 15 октябрдан қуйидаги тартиб ўрнатилади:

👉 «Ўздонмаҳсулот» АК тизимидаги ташкилотлар томонидан 2019 йил ҳосилидан тайёрланган ва ун ишлаб чиқаришга йўналтириладиган буғдойдан бошқа ғалла истеъмолчиларининг барча тоифаларига фақат биржа савдолари орқали ҳеч қандай чекловларсиз сотилади;

👉 давлат харидлари доирасида сотиб олинган буғдойни қайта ишлашдан олинадиган ун барча истеъмолчиларга ҳеч қандай чекловларсиз 100 фоиз олдиндан тўловни амалга ошириш орқали очиқ биржа савдоларида сотилади;

👉 ун нархи кескин ошиб кетишининг олдини олиш мақсадида 2019 йил ҳосилидан тайёрланган буғдойнинг тоннаси ун ишлаб чиқаришга 1 млн 300 минг сўмдан улгуржи нархларда сотилади. Бунда, буғдойнинг ўртача харид нархи ва улгуржи нархи ўртасидаги 120 минг сўм миқдоридаги салбий фарқ Молия вазирлиги томонидан қопланади.

2019 йил 1 октябрдан бошлаб ун ва қолипли нон харид қилиш бўйича қўшимча харажатларни қоплаш учун тўланаётган пул компенсацияси кўпайтирилади.

Жумладан, қуйидагилар 50 минг сўмга ошади:

— ёшга доир ва ногиронлиги бўйича нафақа;
— боқувчисини йўқотганлик пенсияси ва нафақаси (ҳар бир боқимандага);
— болаликдан ногирон бўлган 16 ёшдан катта шахсларга нафақа;
— 16 ёшгача бўлган ногирон болалар ва 18 ёшга тўлмаган ОИВ инфекциясига чалинган шахсларга нафақа;
— белгиланган энг кам ёшга доир пенсиянинг миқдоридан кам пенсия олувчи ҳар бир пенсия олувчига бериладиган ҳар ойлик пул компенсацияси;
— маҳаллалар томонидан 2 ёшгача бўлган болалар парвариши учун тайинланган нафақа;
— моддий ёрдам олувчи оилага бериладиган ҳар ойлик пул компенсацияси;
— 14 ёшгача бўлган болалари учун тайинланган нафақа;
— белгиланган энг кам ёшга доир пенсия миқдорида пенсия олувчиларнинг нафақа ва пенсиялари.

Қорақалпоғистон, вилоятлар ва Тошкент шаҳри прокурорлари чакана савдо шахобчаларида ун ва қолипли ноннинг истеъмолчиларга узлуксиз етказиб берилиши устидан кунлик қатъий назорат ўрнатади ҳамда 2020 йил 1 январгача ҳар ҳафтада Президент Администрацияси ва Вазирлар Маҳкамасига таҳлилий маълумотлар киритиб боради.

Қарорнинг расмий ва тўлиқ матни:
https://lex.uz/pdfs/4552156


👉 @xushnudbek 👈

#Тайинлов
Тошкент вилояти Халқ таълими бошқармаси бошлиғи лавозимига профессор Рахмонқулова Наргиз Хаджиакбаровна тайинланди.

@piskenthokimligi

#Муҳим_сана
15 октябрь - Халқаро қишлоқ аёллари куни.

Ушбу сана Ўзбекистонда илк бора кенг нишонланмоқда. Бу республикамизда хотин-қизларни ҳар томонлама қўллаб-қувватлаш, уларнинг ижтимоий-сиёсий ва ишлаб чиқаришдаги улушини ошириш, улар учун муносиб меҳнат ва яшаш шароитларини яратиш мақсадида амалга оширилаётган тизимли ислоҳотлардан биридир.

@piskenthokimligi

#биласизми?

«Инвестиция визаси» эгаларига 10 йиллик яшаш гувоҳномаси берилади

Ҳукуматнинг айрим қарорларига ўзгартириш ва қўшимчалар киритилди (864-сон, 11.10.2019 й.).

Президентнинг 2019 йил 17 январдаги ПФ–5635-сон Фармони билан хорижий инвестиция киритган шахслар учун «инвестиция визаси» жорий этилган бўлиб, киритилган қўшимчаларга мувофиқ ушбу визани бериш тартиби ва у билан боғлиқ имтиёзлар белгиланди.

Жумладан, инвестиция визаси ички ишлар ҳудудий органлари томонидан берилади ва узайтирилади.

Визани олиш ва узайтириш учун хорижий инвестиция иштирокидаги корхона илтимосномаси, киритилган инвестиция тўғрисидаги маълумотномалардан бирини илова қилган ҳолда белгиланган шаклдаги анкета билан мурожаат қилинади.

Шунингдек, инвестиция визасига эга бўлган хорижий инвесторлар ва уларнинг оила аъзолари республика ОТМларида ўқиш даврида Ўзбекистон фуқаролари учун назарда тутилган шартларда стипендия ҳамда олий таълимдан кейинги таълимни олишга ҳақлидирлар.

Киритилган ўзгартиришларга кўра, 3 млн АҚШ доллари миқдорида инвестиция киритган чет эл фуқаросига 10 йил муддатга Ўзбекистонда яшаш гувоҳномаси берилади (илгари барча чет эл фуқаролари учун 5 йил муддатга берилган).
(huquqiyaxborot)

@piskenthokimligi

#Қонунчиликдаги_янгиликлар

Ун ишлаб чиқаришга мўлжалланмаган буғдой фақат биржа орқали сотилади

Дон, ун ва нон етказиб бериш тизимига бозор механизмларини тўлиқ жорий этиш чора-тадбирлари тўғрисида Ҳукумат қарори (866-сон, 14.10.2019 й.) қабул қилинди.

✅ Қарорга мувофиқ, 2019 йил 15 октябрдан:
👉 2019 йил ҳосилидан тайёрланган ва ун ишлаб чиқаришга мўлжалланмаган буғдой ғалла истеъмолчиларининг барча тоифаларига фақат биржа орқали сотилади;
👉 давлат харидлари доирасида сотиб олинган буғдойни қайта ишлашдан олинган ун барча истеъмолчиларга 100 фоиз тўловни олдиндан амалга ошириш орқали очиқ биржа савдоларида сотилади;
👉 2019 йил ҳосилидан тайёрланган буғдойнинг 1 тоннаси ун ишлаб чиқаришга 1300 минг сўмдан улгуржи нархда сотилади.

2019 йил 1 октябрдан бошлаб ун ва қолипли нон харид қилиш бўйича қўшимча харажатларни қоплаш учун аҳолининг ижтимоий ҳимояга муҳтож бўлган айрим тоифаларига бериладиган ҳар ойлик пул компенсацияси оширилиб, 50 000 сўм миқдорида белгиланди.

✅ Шунингдек, 2019 йил 1 октябрдан бошлаб компенсация оладиган аҳоли тоифаларига қуйидагилар ҳам қўшилди:
👉 14 ёшгача бўлган болалари учун нафақа олувчи оилалар;
👉 белгиланган энг кам миқдорда ёшга доир пенсия олувчилар.