🌐Турция сонуну биэрэр "Хабэр" ханаала Саха сирин тыйыс кыһынын кэпсээбит уонна Дьокуускайы көрдөрбүт. Бу сонуҥҥа дойдубутун туроктыы Якутистан диэн ааттаабыттар. Биһиги "Кыым" хаһыат доҕоруттан, сахалыы холкутук саҥарар тыл үөрэхтээҕэ Умит Шахинтан сонун ис хоһоонун тылбаастыырыгар көрдөстүбүт.

Умит Шахин: "Саха сирэ РФ биир эбийиэгэ буолар. Манна кыһын ортотунан -40, сайын - 19 буолар диэбиттэр. Бу күннэргэ Дьокуускайга улахан тымныы -50 түһэн турар. Ол эрээри олох оргуйан олорор. Оннооҕор ырыынакка атыыһыттар таһырдьа үлэлии тураллар. Кинилэр, халыҥнык таҥыннахха, киһи тоҥмот диэн этэллэр. Чэ, сүнньүнэн итинник кэпсээтилэр" диэн кини уу сахалыы быһаарда.

Манна даҕатан эттэххэ, Умит Шахин сахалыы саҥарар ханааллаах уонна турок тылын үөрэтэр куурустаах👨🏻‍🏫

#турция #сахасирэ #сонуннар #умитшахин #кыымру

https://t.iss.one/kyymsakha

Үмит Шаһин

SAKHA FEST | ТУРЦИЯҔА ЫЧЧАТ ЫҺЫАҔА | ТҮҺҮЛГЭ

Ханна да сырыттарбын, Сахабын! Ол курдук Саха ханна да баар буоллун. Ыһыах ыһыахтаах, алгыс этиэхтээх.
Ааспыт өрөбүлгэ Турция Өрөспүүбүлүкэтин саамай улахан куоратыгар Истанбул Куоракка ыһыахха сырыттым. Бу ыһыах уратыта диэн бастакынан Турцияҕа олорор эдэр сахалар тэрийбит ыһыаҕа этэ. Түһүлгэ диэн ааттаах бу тэрээһиҥҥэ сахалыы ас-үөл, үҥкүү-битии, хомус тыаһа, алгыс, оһуокай ону таһынан мас тардыһыыта, ойбонтон уулааһын, уһун сүһүөх күрэҕэ, ырыа-тойук баар этэ. Бастакы да диэтэххэ үрдүк таһымнаах тэрээһин буолан ааста. Хайдах эрэ саха сиригэр баарым курдук сананным. Доҕотторбор улаханнык махтанабын. Толору видеону ютуп ханаалбар көрүөххүтүн сөп. #СахаСирэ #ысыах #ыһыах #Турция

umityabgu