#Zakovat
#Uchrashuv

🔰 Joriy yilning 11-oktabr sanasida Ogahiy nomidagi ijod maktabining "Iste'dodlar markazi" da "Zakovat intellektual klubi" NNT Xorazm viloyati koordinatori, "Shuhrat" medali sohibi Azamat Matkarimov bilan uchrashuv bo‘lib o‘tdi.

💠 Uchrashuvni maktabning ma'naviy-ma'rifiy ishlar bo‘yicha direktor o‘rinbosari Boburjon Sadullayev ochib berdi va intellektual o‘yinlarning ahamiyati haqida fikr-mulohazalarini bildirib, yoshlarni "Zakovat" o‘yinlarda yanada faollikka chaqirdi.

🔹 Azamat Matkarimov uchrashuv davomida yoshlarga ko‘proq kitob mutolaa qilish, mantiqiy fikrlash qobiliyatini o‘stirish mavzulari bo'yicha o‘zining hayot yo‘li misolida tavsiyalar berdi.

🔸 Tinglovchi pedagog-ustozlar va o‘quvchilar o‘zlarini qiziqtirgan savollarga javob oldilar. Uchrashuv so‘nggida Ixtisoslashtirilgan ta’lim muassasalari agentligi tizimidagi maktablar o‘quvchilari o‘rtasida “Zakovat” turnirining Xorazm viloyati bosqichida g‘oliblikni qo‘lga kiritib respublika bosqichiga yo‘llanmani qo‘lga kiritgan Ogahiy ijod maktabi o‘quvchilar jamoasiga zafarlar tilab ularni duo qildilar.

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram|

#Tashrif
#Uchrashuv

MEDIA SOHASINING TANIQLI VAKILLARI BILAN IJODIY UCHRASHUV BO‘LIB O‘TDI

💠 Joriy yilning 4-aprel sanasida Ogahiy nomidagi ijod maktabida "Yangi media ta'lim markazi" NNT direktori, faoliyati davomida Birinchi Prezidentimiz I.Karimovning matbuot kotibi, Buyuk Britaniya, Yaponiya, Rossiya davlatlaridagi O‘zbekiston elchixonalarida press attashe vazifalarida ishlagan, f.f.d Beruniy Olimov va taniqli bloger, jamoat faoli Aqida Xanum bilan ijodiy uchrashuv bo‘lib o‘tdi.

🔵 Uchrashuvda Ogahiy nomidagi ijod maktabi pedagoglari va o'quvchilari, "Xiva tongi" gazetasi bosh muharriri Sh.Masharipovlar ishtirok etdilar.

♻️Tadbirni maktab direktori Sarvar Abdullayev ochib berdi va olib bordi. Dastavval Beruniy Olimov jurnalistikaning vazifalari, media sohasida hozirgi ochiq siyosat, internet tarmog'idan to'g'ri foydalanish malakalarini shakllantirish masalalariga to'xtaldi. "Yangi media ta'lim markazi" NNT vakili Parvinaxon sifatli media kontentlar yaratish, ijodiy ishlarni tijoratlashtirish yo'llari bo'yicha o'quvchilarga o'z maslahatlarini berdi. Shundan so'ng jamoat faoli Aqida Xanum jamiyatimizda xotin-qizlar huquqlarini himoya qilish, blogerlikning o'ziga xos jihatlari haqida gapirib, Ogahiy nomidagi ijod maktabi o'quvchilari - yosh ijodkorlarga o‘zining dil istaklarini, tilaklarini bildirdi.

➡️ Uchrashuv jonli muloqot tarzida, yuqori kayfiyatda bo'lib o'tdi. Shundan so'ng jod maktabi o‘quvchilari o‘z ijodlaridan namunalar o‘qib, mehmonlarni hayrat hamda olqishlariga sazovor bo'ldilar.

✴️ Uchrashuv so‘ngida mehmonlarga "Ogahiy izdoshlari" kitobi sovg'a qilindi va birgalikda suratga tushildi.

Ogahiy ijod maktabi matbuot xizmati

🟦Telegram| 🟦Facebook|
🟦YouTube|  🟦Instagram

#Zakovat
#Uchrashuv

🔰 Joriy yilning 24-oktabr sanasida Ogahiy nomidagi ijod maktabining "Iste'dodlar markazi" da "Zakovat intellektual klubi" NNT Xorazm viloyati koordinatori, "Shuhrat" medali sohibi Azamat Matkarimov bilan uchrashuv bo‘lib o‘tdi.

💠 Uchrashuvni maktab direktor v.v.b Nodirbek Abdullayev ochib berdi va intellektual o‘yinlarning ahamiyati haqida fikr-mulohazalarini bildirib o‘tdi.

🔹 Azamat Matkarimov uchrashuv davomida yaqindagina ixtisoslashtirilgan ta'lim muassasalari agentligi tomonidan o‘tkazilgan "Zakovat" respublika bellashuvida munosib ishtirok etgan "Ogahiy" terma jamoasi haqida, ular ko‘rsatgan mardonavor o‘yin tavsilotlaridan so‘z yuritdi.

Shuningdek, respublikadagi bellashuvga jamoa murabbiyi sifatida boshlab borgan maktabning ma'naviy-ma'rifiy ishlar bo‘yicha direktor o‘rinbosari Boburjon Sa'dullayev ham unutilmas o‘yin oxirigacha hayajonli o‘tganini ta'kidladi.

Uchrashuv yakunida
“Zakovat intellektual klubi” NNT prezidenti Abdurasul Abdullayev tomonidan yuborilgan maxsus diplomlar o‘quvchilarga topshirildi.

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram‌‌