#xalqaro_hamkorlik

IXTISOSLASHTIRILGAN TAʼLIM MUASSASALARI AGENTLIGI HAMDA COGNIA XALQARO TAʼLIM TASHKILOTI OʻRTASIDA MEMORANDUM IMZOLANDI

Amerika Qo‘shma Shtatlarining Cognia xalqaro ta’lim tashkiloti hozirda 80 ga yaqin mamlakatda 25 milliondan oshiq o‘quvchi va 1 milliondan ortiq o‘qituvchilarni qamrab olgan bo‘lib, 36 000 dan ortiq ta’lim muassasalariga xizmat ko‘rsatadi.

Xususan, ushbu tashkilot maktablarni akkreditatsiyadan o‘tkazish, sertifikatlashtirish, baholash, tadqiqotlar olib borish, taʼlim sifatini oshirish, sifatli ta’lim resurslari bilan ta’minlash, o‘qituvchilar uchun onlayn platforma hamda offlayn tarzda kasbiy mahoratlari va malakalarini oshirish bo‘yicha yuqori sifatli professional xizmatlar taqdim etib kelmoqda.

Mazkur Xalqaro taʼlim tashkiloti bilan Agentlik o‘rtasida imzolangan memorandum doirasida Prezident, ijod, ixtisoslashtirilgan maktab va maktab-internatlari faoliyatini o‘rganish va takomillashtirishda, maktablarda ta’lim sifatini yanada yuqori bosqichga olib chiqishda hamkorlik yo‘lga qoʻyiladi.

Telegram | Facebook | Instagram | YouTube

#Asarlar_muhokamasi
#Jarayon

🔲 Joriy yilning 8-yanvar sanasida Ogahiy nomidagi ijod maktabida tarbiyachi-pedagoglar tomonidan 3-choraklik oldidan o‘quvchilarning kitobxonligini oshirishga qaratilgan "Bir haftada-bir kitob" loyihasi bo‘yicha muhokama o‘tkazildi.

🔹Bosh tarbiyachi Maqsuda Bobojonova xalq og‘zaki ijodi durdonalaridan, o‘zbek klassik asarlari, jahon adabiyoti yuzasidan taqdimot qildi.

🔸Muhokama yakunida Ogahiyshunos olima, filologiya fanlari nomzodi Madina Matyoqubova taklifiga ko‘ra Ogahiy hazratlarining tarjimasi hisoblanmish Kaykovusning "Qobusnoma" asari tahlil qilindi.

🔻Maktab direktori Sarvar Abdullayev va ma'naviy-ma'rifiy ishlar bo‘yicha direktor o‘rinbosari Boburjon Sadullayev boshlanayotgan navbatdagi choraklik oldidan qilinayotgan ishlar jadallik bilan davom etayotganini ko‘rib mamnun ekanliklarini bildirib o‘tdilar.

Ogahiy ijod maktabi matbuot xizmati

👉 |Telegram| |Facebook|
👉 |YouTube|  |Instagram|