🇺🇿🇺🇳2024-yil 7-iyun kuni Toshkent shahrida Investitsiyalar, sanoat va savdo vazirligi tomonidan BMT Taraqqiyot dasturi (BMTTD) bilan hamkorlikda tashkil etilgan Grant loyihalari monitoringi platformasining ishga tushirish marosimi boʻlib oʻtdi.

🟠Tadbirda tegishli vazirlik va idoralar mas'ul xodimlari, BMT Taraqqiyot dasturining O'zbekistondagi vakolatxonasi hamda jurnalistlar ishtirok etdi.

✍️ Grant loyihalari platformasi – O‘zbekistonda xorijiy yordam ishtirokida amalga oshirilayotgan loyihalarni monitoring qilish uchun mo‘ljallangan avtomatlashtirilgan axborot tizimidir. Platformada nihoyasiga yetgan, davom etayotgan va taklif etilayotgan grant loyihalari to‘g‘risida jumladan, tashabbuskorlar, loyihalar yo‘nalishlari, mablag‘lar hajmi, davomiyligi, joylashuvi, samaradorlik ko‘rsatkichlari va boshqa tegishli maʼlumotlar eʼlon qilinadi. Tizim, shuningdek, loyihalarni moliyalashtirishni ta’minlash uchun davlat organlarining xorijiy donorlar bilan bog‘lanishini ham osonlashtiradi.

🟠 Platforma BMTTD boshchiligidagi qoʻshma dasturi doirasida Orolbo'yi mintaqasi uchun Inson xavfsizligi bo'yicha ko'p tomonlama sheriklik Trast jamg'armasi mablagʻlari ishtirokida ishlab chiqilgan. Mutaxassislar ta’kidlaganidek, platformaning ishga tushirilishi O‘zbekistonda loyihalarni amalga oshirishda ochiqlik va shaffoflik mas’uliyatni oshirish yo‘lidagi muhim qadam bo‘ldi.