#Ona_tilim_faxrim
21-oktabr – O‘zbek tili bayrami munosabati bilan barcha “Temurbeklar maktabi” va “Yosh chegarachilar” harbiy - akademik litseylari bilan hamkorlikda videokonferensiya shaklida “Yangi O‘zbekiston va xorij ta’lim tizimida o‘zbek tilini o‘rganishning zamonaviy tamoyillarini shakllantirish” mavzusida ilmiy diskurs tashkil etildi.
Tadbirda yetakchi tilshunos olimlar, yozuvchilar ishtirok etib o’zbek tili ta’limidagi yangi yo’nalishlar, o’zbek tilining dunyo tillari o’rtasida mustahkamlanib borayotgan mavqeyi hamda xorij ta’lim tizimida o‘zbek tilini o‘rganishning zamonaviy tamoyillarini shakllantirish masalalari bo’yicha fikrlar almashildi.
https://t.iss.one/temurbeklar_maktabi_hal

#ona_tilim_faxrim

Favqulodda vaziyatlar vazirligida O‘zbek tiliga davlat tili maqomi berilganligining 35 yilligi hamda "21-oktabr-O‘zbek tili bayrami kuni" munosabati bilan “Ona tilim-faxrim” deb nomlangan ma’naviy-ma’rifiy tadbir bo‘lib o‘tdi.

Tadbirda tilshunos olim, filologiya fanlari doktori, professor Ibrohim Yo‘ldoshev va taniqli shoir, O‘zbekistonda xizmat ko‘rsatgan madaniyat xodimi, O‘zbekiston Yozuvchilar uyushmasi a’zosi Bobur Bobomurod ishtirok etdi.

Dastlab tilshunos olim Ibrohim Yo‘ldoshev “O‘zbek elatining xalq sifatida shakllanish bosqichlari, etnik jarayonlar va o‘zbek adabiy tilining shakllanishi” mavzusida ma’ruza qildi. Shundan so‘ng shoir Bobur Bobomurod o‘zbek tiliga bo‘lgan cheksiz hurmat va ehtiromini bildirib, o‘zining o‘zbek tili va buyuk bobolarimiz haqida yozgan she’rlaridan o‘qib berdi.

Boshqa yangiliklar
Fvv.uz | Facebook | Telegram | Youtube | instagram | X