#хотира

Бугун Ўзбекистон халқ шоири, халқимизнинг булбулзабон фарзанди Муҳаммад Юсуф таваллуд топган кун.

Агар, шоир ҳаёт бўлганида бугун 67 баҳорни қарши олган бўлар эди.

Гарчанд, шоир орамизда бўлмаса-да, унинг халқона шеърлари, самимий мисралари муҳлислари қалбида, дилида, тилида алёр бўлиб турибди ва шундай бўлиб қолажак.

✍️ «Мендан нима қолар, икки мисра шеър...»

@journalistUz

📹 #ХОТИРА

Бугун, соат 11.00 да Миллий матбуот маркази таниқли журналист ва адиб марҳум Тоҳир Шомуродовнинг "Янги китоб" нашриётида чоп этилган "Мен ёнингдан йироқман" китобининг тақдимоти бўлиб ўтади.

🔰 Тадбир ташкилотчилари: Ўзбекистон Журналистлари ижодий уюшмаси ва Ўзбекистон ёзувчилар уюшмаси.

Бизни кузатиб боринг
Sayt |Facebook | Telegram | Instagram | YouTube

#Хотира

Бугун – Саъдулла Ҳаким туғилган кун

Яхшилар бор олам мунаввар,- деган жумла чандон ҳақлигини шундай яхшилар ўтганида янада равшанроқ ҳис қиламиз. Ажойиб инсонлар билан ўтган умримизнинг хотиралари ширин ўтмишни эсга солгани солган.

Ўзбекистон Республикасида хизмат кўрсатган маданият ходими, таниқли шоир, Ўзбекистон Журналистлари ижодий уюшмаси раиси лавозимида хизмат қилган марҳум Саъдулла Ҳакимов ҳаёт бўлганларида бугун 71 ёшни қаршилаган бўларди.

Батафсил: https://journalist.uz/n/26376

Ўзбекистон Журналистлари ижодий уюшмаси жамоаси Саъдулла Ҳакимдек ажойиб инсон билан бирга хизмат қилишганидан беҳад мамнун. Бу инсон доимо қалбимизда яшайди.

📌https://t.iss.one/journalistUz

#Хотира

Соҳибжон Алижонов...

У борлиғини, бутун вужудини, умрини, соғлиғини, ҳатто юрагини журналистикага бағишлади.

✅Бизни кузатиб боринг
YouTube | Telegram | Instagram | Facebook

#Хотира

ДИЛКАШ ИНСОН, ЗАБАРДАСТ ЖУРНАЛИСТ ЁДИ

Қалби тоза, хушчақчақ, бағрикенг, атрофидаги инсонларга ҳамиша яхшилик илинадиган кишилар орамизда жуда кўп. Таниқли журналист, қалами ўткир ижодкор, дилкаш инсон Азамат Сафаров ҳам мана шундай инсонлардан бири эди.

Гарчи бу ҳаётдан эрта кетган бўлса-да, Азамат акани ҳамкасблари, дўсту биродарлари ҳар сафар жонкуяр журналист, очиқкўнгил ва меҳрибон инсон сифатида ёдга олишади.

Азамат Сафаров Самарқанд вилоятининг Нуробод туманида ўсиб, вояга етди. Ёшлигидан адабиётга, журналистика соҳасига қизиқиши кучли бўлган ижодкор Ўзбекистон Миллий университетининг журналистика факультетида ўқиб таҳсил олди. Ушбу олийгоҳни тугатгач, у бирмунча вақт Самарқанднинг Пастдарғом ва Нуробод туманларидаги газеталар таҳририятларида турли вазифаларда ишлади.

🌐 БАТАФСИЛ: ⬇️⬇️⬇️⬇️⬇️ https://jurnalistlar.uz/uzb/press/articles/dilkash-inson-zabardast-zhurnalist-iodi

✅Бизни кузатиб боринг
YouTube | Telegram | Instagram | Facebook

#Хотира

Фидойи инсон, бетакрор ижодкор эди...

Журналист, адиб ва шоир Маҳмуд Мардиев қадим Нуротанинг олис ва чекка ҳудудларидан бири – Қизилча қишлоғида туғилиб ўсди. Унинг келажакда “катта одам” бўлиши ота-онаси-ю ҳамқишлоқлари, тенгдошларига деярли маълум эди. Чунки кўп гапирмас, мактабда дарсларни аъло баҳоларга ўзлаштирар, жуда кўп китоб ўқирди.

🌐 БАТАФСИЛ: ⬇️⬇️⬇️⬇️⬇️ https://jurnalistlar.uz/uzb/press/articles/fidoii-inson-betakror-izhodkor-edi

✅Бизни кузатиб боринг
YouTube | Telegram | Instagram | Facebook

#Хотира

Жонкуяр журналист эди...

Журналист меҳнатини шахтёр меҳнатига қиёслашади. Зотан, журналистика касби ўз соҳибларидан мантиқан чуқур ва серқирра билим, кенг қувваи ҳофиза, жамиятдаги воқеа-ҳодисаларга тезкор муносабат билдириш ҳамда оммавий ахборот воситалари орқали кенг жамоатчилик эътиборига ҳавола этишни талаб қиладики, бундай хусусияту қобилият ҳаммага ҳам насиб этавермайди.

Соҳанинг Навоий вилоятидаги заҳматкашларидан бири Карим Раҳимов эди.

Фаолиятини 1960 йилда ўқитувчиликдан бошлаган устоз пахта терими мавсумида ишдаги қолоқлик ҳақида ўйлаб, унинг сабаблари илдизини очиш учун қўлига қалам олади. Бу ёзганини Каттақўрғонда туманлараро чоп этиладиган “Зарафшон” газетасига юборади. Ҳадемай, ёзгани газетада бир жойи ўзгартирилмай босилади.

🌐 БАТАФСИЛ: ⬇️⬇️ https://jurnalistlar.uz/uzb/press/articles/jonkuyar-jurnalist-edi

✅ Бизни кузатиб боринг
YouTube | Telegram | Instagram | Facebook

#Хотира

Афсонавий шарҳловчи

Ахбор Имомхўжаев ўзбек футболининг билимдони, жонкуяри сифатида маълум ва машҳур киши эди. У ўтган асрнинг 50-йиллари сўнгида ҳали юртимизда ном-нишони бўлмаган спорт шарҳи мактабига биринчилардан бўлиб кириб келди. Ўша пайтдаги “Пахтакор” жамоасининг ўйинларини нафақат Тошкент, қолаверса, собиқ Иттифоқнинг турли шаҳарларидан радио орқали шарҳлаб, минг-минглаб мухлислар қалбидан мустаҳкам ўрин олди. Шу билан бирга Ахбор ака ҳакамлик борасида ҳам ўзининг иқтидорини намоён этиб, адолат, ҳалоллик мезонларига қатъий амал қилди. Бу унга обрў-эътибор келтирди. Ахбор ака мамлакатимизнинг қайси бурчагига бормасин эл-улус унинг соҳир овозини эшитиб, афсонага айланган фидойи инсонга ҳурмат бажо келтирди.

🌐 БАТАФСИЛ: ⬇️⬇️ https://jurnalistlar.uz/uzb/press/articles/afsonavii-sharkhlovchi

✅ Бизни кузатиб боринг
YouTube | Telegram | Instagram | Facebook

#Хотира

БАҒРИКЕНГ ИНСОН ЭДИ...

...Бир куни иш пайти, тушликдан кейин тахминан соат 14:15 лар атрофида турмуш ўртоғим қўнғироқ қилиб, уйга қишлоқдан бир неча нафар меҳмонлар келаётгани, бозорлик қилиш зарур ва шартлигини, буни кечиктириб бўлмаслигини айтди. Буни бажариш учун ишдан рухсат олиш мақсадида раис (Ўзбекистон Журналистлар уюшмаси раиси) қабулхонаси ходими Замира Халдаровадан Саъдулла ака қаердалигини сўрагандим, йиғилишда эканини билдирди. Устозга қўғироқ қилмасдан иккиланганча ишхонамизга энг яқин “Чорсу” деҳқон бозорига йўл олдим. Телеграмимга оиламиз бекасидан келган рўйхатдаги озиқ-овқатларни сотиб олгунимча анча вақт ўтди.
Бозордан ишхонага қайтиш арафасида тургандим, устознинг ўзи қўнғироқ қилиб қолди. Қаерда, нима билан бандлигимни сўради, ишда эмаслигимдан хижолат бўлиб ҳолатни тушунтирдим. Шунда: “Бир муҳим масала бор эди-да, ҳа, майли, сиз шошилмай бозорлигингизни қилинг, уйга бориб, келинни хурсанд қилинг, меҳмонларни кутинг, эртага гаплашамиз”, дея мулоқотни ҳар доимгидек яхши суҳбат билан тугатди. Табиийки, бундан хурсанд бўлдим, кайфиятим кўтарилди.
Саъдулла ака билан бирга ишлаган йилларда бунга ўхшаган кайфият кўтариладиган ҳолатлар жуда кўп бўлган. Мен ҳам у киши кўрсатаётган меҳр ва бағрикенглигига муносиб бўлишга ҳаракат қилардим. С. Ҳакимовга нисбатан ҳурматим баландлиги, олдиларида уятли бўлиб қолмаслик ҳисси берган топшириқларини вақтида, агар улгура олмасам ёки ёдимдан кўтарилса, ишдан кейин, дам олиш кунлари уйда бўлса-да бажаришга ундарди.
Кўп бор таъкидлаганимдек, Саъдулла ака билан қарийб уч йил бир жамоада ишлаган бўлсак, бирон марта баланд овозда гапиргани, асабийлашгани, бирон тадбирни шошиб бажарганини кўрмаганман. Буни ўша пайтлари Уюшмада жавлон урганлар яхши билади. Устоз хотиржам юрарди, муҳими, диди баланд эди. Номига тадбир ўтказишни истамасди. Тадбир ташкиллаштириш билан боғлиқ ҳамма ҳаракатлар олдиндан режалаштириларди, тайёргарлик кўриларди. Эҳтимол, шу боисдан ҳам кўзда тутилган ишлар талаб даражасида уддаланарди. Яйраб-яшнаб ишлардик. Ходимлар у кишини ҳурмат қилганидан яхшироқ фаолият юритишга ҳаракат қиларди, десам тўғри бўлади.
Саъдулла ака жамоамиз иш йиғилишларида ишга ишлаш учун келиш кераклигини бир неча марта такрорлаганлари кечагидек эсимда. Ўзи ишга кечроқ келиб, эртароқ уйига кетаётган пайтлари (бундай ҳолат жуда кам бўлган) хонам эшигини очиб: “Холмуроджон, биласиз, ишга кеч келганлар уйига эрта кетади”, деб кулиб қўярди. У киши Уюшмага раҳбар бўлган пайтлари ҳеч кимни ишдан бўшатмаган. Аксинча, ишга қабул қилган. Тўғри, икки-уч киши ўз хоҳишига кўра маоши кўпроқ ташкилотларга ўтиб кетган.
Давлатимиз раҳбарининг алоҳида эътибори, яратиб берган шарт-шароитлари туфайли С. Ҳакимов бошчилигида (2017-2020 йиллари) Уюшма томонидан муайян ишлар амалга оширилди. Жумладан, “Ўзбекистон журналистларининг касб этикаси кодекси” ишлаб чиқилиб қабул қилинди, Уюшма устави янгиланди, Уюшмага аъзолик тикланди, аъзоларга тақдим этиладиган янги намунадаги гувоҳнома, кўкрак нишони тайёрланиб тасдиқланди. 2018 йили Уюшманинг телеграм канали очилди. Ёш журналистларнинг энг сара мақолалари жамланган “Ёш юраклар садоси” серияси остида (2019-2020 йиллари) иккита тўплам нашр этилди. Уларга мамлакатимиз бўйича энг кучли юз нафардан зиёд ёш журналистларнинг энг сара мақолалари киритилган.
Агар устозимиз ҳаёт бўлганларида 72 ёшни қарши олган бўларди. Юртимизда Президентимиз Шавкат Мирзиёев раҳбарлигида ўтганларни хотирлаш ва ҳурматини жойига қўйишга доимий равишда алоҳида эътибор қаратиб келинмоқда. Ана шу эътибор сабабли амалга оширилаётган ишлар доирасида устозимизнинг ҳам Тошкент шаҳри ва Жиззах вилоятида хотира кечалари ўтказилди. Тошкент вилоятининг Қибрай туманидаги устоз яшаб ижод килган уйга С. Ҳакимов бюсти ўрнатилди. Ўзбекистон Ёзувчилар уюшмаси томонидан С. Ҳаким замондошлари хотираси жамланиб “Шараф билан яшалган умр” номли китоб нашр этилди.

Холмурод Салимов,
Ўзбекистон Журналистлар
уюшмаси раиси в. б.

✅ Бизни кузатиб боринг
YouTube | Telegram | Instagram | Facebook