#antikorrupsiya
#Ochiq_eshiklar_kuni

Kasbga sadoqat, burch va mas’uliyat – muvaffaqiyat garovi!

Soliq xizmati organlarida korrupsion huquqbuzarliklarning oldini olish, sabab bo‘luvchi omillarni bartaraf etish hamda jamoada korrupsiyaga nisbatan murosasiz munosabatni shakllantirish maqsadida “Korrupsiyaga qarshi birgalikda kurashamiz” shiori ostida soliq xodimlarining yaqin qarindoshlari ishtirokida uchrashuv o‘tkazish an’anaga aylandi.

Jizzax viloyat soliq boshqarmasi boshlig‘i Bekzod Tashpulatov davlat xizmatchisi, xususan soliq xodimi bo‘lish naqadar sharafli va mas’uliyatli kasb ekanligini ta’kidlab, iqtisodiyotimiz rivoji, mamlakat taraqqiyoti yo‘lida xizmat qilayotgan soliq xodimlarini har tomonlama qo‘llab-quvvatlab kelayotgan oila a’zolariga o‘z minnatdorchiligini bildirdi.

Mavjud korrupsiyaviy xavf-xatarlarning oldini olish, farzandlari va yaqinlarini bu xavfli illat tuzog‘iga tushishdan asrash uchun jamoada ham oilada ham korrupsiyaga nisbatan murosasiz munosabatni shakllantirishning muhim ahamiyati tushuntirildi.

Shuningdek, viloyat soliq xizmati organlarida samarali mehnat qilib kelayotgan bir guruh soliq xodimlarining ota-onalari, turmush o‘rtoqlari va yaqin qarindoshlariga viloyat soliq boshqarmasi boshlig‘ining tashakkurnomalari topshirilib, soha rivojidagi fidoyi mehnatlari alohida e’tirof etildi.

✅Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

🟦Telegram |👍 Facebook |❤️ Instagram|🕊Twitter