#савол_жавоб #онлайн_НКМ
Онлайн-НКМни харид қилиш ва ўрнатишга сарфланган харажатлар учун БҲМнинг 10 баробари, яъни 2 230 000 сўм миқдорида солиқ суммасидан имтиёз қўлланилиши белгиланган, бу вазиятда айланмадан солиқ ҳисоботида қандай йўл тутайлик ❓

🔵 Айланмадан олинадиган солиқ ҳисоботининг 2-иловаси 030-сатрида (норматив-ҳуқуқий ҳужжатларга мувофиқ солиқ солинадиган жами даромаднинг камайтирилиши) ва фойда солиғи ҳисоботининг 3-иловаси 071-сатрида (норматив-ҳуқуқий ҳужжатлар асосида фойда солиғи бўйича имтиёзлар) онлайн-НКМ харид қилиш, ўрнатиш ва ишга тушириш билан боғлиқ харажатлар суммасини белгиланган айланмадан олинадиган солиқ ставкасига бўлиб, юзга кўпайтириб кўрсатилган ҳолда имтиёздан фойдаланиши мумкин.

👉 Мисол учун, тадбиркорлик субъекти чакана савдо фаолияти билан шуғулланади. Онлайн-НКМни харид қилиш ва ўрнатиш харажати 3 млн.сўмни ташкил этади. ПФ-5813-сон Фармонига асосан солиқларни 3 млн.сўмга, лекин БҲМнинг 10 бараваридан ошмаган миқдорда камайтириш лозим. Демак, 2 230,0 минг сўмгача имтиёздан фойдаланиши мумкин бўлади.

✅ Айланмадан олинадиган солиқ ҳисоботининг 2-иловаси
030-сатрида 55 750,0 минг сўмни (2 230 000 /4 х 100) кўрсатган ҳолда солиқ суммаси 2 230,0 минг сўмга;

✅фойда солиғи ҳисоботининг 3-иловаси 071-сатрида 14 866,7 минг сўмни (2 230 000 / 15 х 100) кўрсатган ҳолда солиқ суммасини 2 230,0 минг сўмга камайтирилиши лозим.

❗️Агар бир вақтнинг ўзида бир нечта онлайн НКМ харид қилиниб рўйхатдан ўтказилса, имтиёз суммаси онлайн НКМ сонига кўпайтирилади.

❗️Ушбу турдаги имтиёзлар бир марталик имтиёз бўлганлиги ҳамда солиқ базасини эмас, балки солиқ суммасини камайтириш бўйича қонунчиликда бошқа шу каби имтиёзлар белгиланмаганлиги сабабли, солиқ ҳисобот шаклларида солиқ суммасини камайтириш имкониятини берувчи алоҳида сатр жорий этилмади.

🏛 Jizzax viloyat DSB rasmiy telegram kanaliga ulanish

👇👇👇
https://@JIZZAKH_TAX_NEWS

#савол-жавоб Кўчмас мулкни ижарага беришда даромад солиғи бекор қилинди

🧑🏻‍💼💬 Давлат солиқ қўмитаси имтиёзларни қўллаш бўйича тушунтиришларни эълон қилишни давом эттиради.

❌ Жисмоний шахслардан олинадиган даромад солиғи бўйича имтиёзни қандай қўллаш мумкин ва нима учун ижара тўловининг энг кам ставкаси бекор қилинди ❓

👉 Батафсил
______________________

#савол_жавоб
#солиқчи_кўмакчи

🔴 Ходим Афғон уруши қатнашчиси. Унга ҳисобланадиган иш хақидан ушланадиган даромад солиғига қандай ва қанча миқдорда имтиёз белгиланган ❓

🔵 Уруш ногиронлари ва иштирокчилари, шунингдек уларга тенглаштирилган ва доираси қонун ҳужжатларида белгиланадиган жисмоний шахслар ҳар бир ой учун меҳнатга ҳақ тўлашнинг энг кам миқдорининг 1,41 баравари ҳажмидаги даромадлар бўйича солиқ солишдан озод этилади (Солиқ Кодекси, 380-модда).

🖇Бугунги кунда меҳнатга ҳақ тўлашнинг энг кам миқдори 679 330 сўмни ташкил этади.

🗓 Шу билан бирга, Ўзбекистон Республикаси Президентининг 2020 йил 30 декабрдаги ПҚ-4938-сонли қарорига мувофиқ, 2021 йил 1 февралдан бошлаб меҳнатга ҳақ тўлашнинг энг кам миқдори 747 300 сўм этиб белгиланди.

Тelegram | Facebook | Youtube| Instagram

#савол_жавоб #вопрос_ответ

🔴Нега солиқ органлари қалбаки (кўзбўямачилик учун тузилган) битимлар бўйича солиқларни ундириш учун судга мурожаат қилишмади❓

🔵Агар битим “ниқоблаш” учун тузилган бўлиб, лекин товар (хизматлар) шартнома тузилган шахсдан олинмаган бўлса, бунда етказиб берувчига ўтказиб берилган маблағларни харажат сифатида тан олмасликка асос бўлади.
Ўз навбатида, етказиб берувчи томонидан расмийлаштирилган хисобварақ фактура сохта хужжат бўлиб ҳисобланади ва ҚҚС суммаси ҳисобга олинмайди.
Ушбу ҳолатда битимни қалбаки (кўзбўямачилик учун тузилган) битим деб тан олиш учун судга мурожаат қилиш талаб этилмайди.
Юқорида қайд этилганлардан келиб чиқиб, солиқ солиш мақсадида солиқ органлари солиқ тўловчининг ҳақиқатда амалга оширган харкатларидан келиб чиқиб битимнинг юридик тавсифланишини ўзгартиришга ҳуқуқига эга. Шу муносабат билан, солиқ қонунчилиги солиқ тўловчидан контрагентларни танлаш чоғида лозим даражада эҳтиёткорлик қилишини талаб этади.
Нафақат контрагенти солиқ тўловчи сифатида рўйхатдан ўтганлигини (26.12.2018 йилда ПҚ-4086-сонли Қарорнинг 10-банди талаблари) текшириш билан лозим даражада эҳтиёткорлик қилиш чорасини кўрганлигини англатмайди. Балки:
- етказиб берувчиларни қидириш ва танлаш бўйича хужжатлар, веб-сайтларга ва босма материалларга ҳаволалар;
- ишбилармонлик обрўсини;
- контрагент шартнома мажбуриятини бажариш учун ресурслар (ишлаб чиқариш базаси, технологик жиҳозларга, малакали ходимлар ва транспортларга) билан таъминланганлигини текшириш лозим.

Тelegram | Facebook | Youtube| Instagram

#матбуот_анжумани
#савол_жавоб

🔴“Шубҳали” корхоналар рўйхати нима сабабдан 2021 йил 1 февралдан бошлаб эълон қилинди❓

🔵Давлат солиқ қўмитаси томонидан Вазирлар Маҳкамасининг 2021 йил 7 февралдаги 1-сон қарорига асосан солиқ хавфини аниқлаш, таҳлил қилиш ва баҳолаш автоматлаштирилган дастур ишлаб чиқилди. Ушбу дастур орқали инсон омилисиз шубҳали корхоналарни аниқланди ва улар юқори хавф даражада солиқ тўламайдиган корхоналар деб топилди.
Солиқ қўмитаси томонидан солиқ тўловчилар ушбу корхоналар билан шартнома тузмаслигини эълон қилди.
Лозим даражада эхтиёкорлик чорасини кўриш учун контрагентини текшириш ва хужжатларга эга бўлиш мажбурияти 2020 йил 1 январда амалда бўлган Солиқ кодексида белгиланган.

Тelegram | Facebook | Youtube| Instagram

#матбуот_анжумани #савол_жавоб

🔴 Нима учун бошқа корхона томонидан тўланмаган ҚҚСни мен тўлашим керак❓

🔵 Агар солиқ тўловчи ҚҚС суммасини ўрганилмаган (эҳтиёткорлик чораси кўрилмаган) контрагент ҳисобига камайтирган бўлса, ўз навбатида контрагент “бир кунлик” фирма бўлиб, шартнома бўйича мажбуриятини бажариш учун ресурсларга эга бўлмаса, ушбу ҳолатда ҚҚС суммаси ҳисобга олинмайди.

Тelegram | Facebook | Youtube| Instagram

#матбуот_анжумани #савол_жавоб

🔴 Нима учун корхона ўз контрагентининг ҚҚС тўловчиси эканлигини текширганда рўйхатдан ўтганлиги тўғрисида гувоҳномаси мавжуд бўла туриб, солиқ органлари ушбу гувоҳномани ўз вақтида бекор қилмаган❓

🔵Солиқ органлари томонидан ҚҚС тўловчиси сифатида гувоҳнома уларни давлат рўйхатидан ўтказиш пайтида текширувларсиз автоматик тарзда берилади.

“Шубҳали” корхоналар улар томонидан операциялар амалга оширилгандан сўнг тақдим этилган солиқ ҳисоботларини таққослаш орқали аниқланади.

Ҳаммага маълумки, 2020 йилда пандемия даврида солиқ тўловчиларни қўллаб-қувватлаш мақсадида чоракда бир маротаба солиқ ҳисоботини тақдим этиш ҳуқуқи берилди.

Ўз навбатида ушбу енгилликдан “шубҳали” корхоналар фойдаланди.

Тelegram | Facebook | Youtube| Instagram

[Переслано из Soliq xizmati xabarlari - Rasmiy kanal]
[ GIF ]
#солиқчи_кўмакчи #савол_жавоб

🔴Уй-жойим эгаллаган ҳовлининг умумий майдони 1000 кв.м. Ер солиғи қайси тартибда ҳисобланади❓

🔵 Давлат солиқ қўмитасининг www.soliq.uz расмий веб-сайтига “қишлоқ ҳўжалиги учун мўлжаланмаган ерлар бўйича солиқ ставкалари” ойнаси жойлаштирилган 👉
https://soliq.uz/regulations/land-property-tax

Унда юридик ва жисмоний шахслар учун республика миқёсида туман (шаҳар)ларнинг маҳалла ва кўчалари кесимида қишлоқ ҳўжалиги учун мўлжалланмаган ерлар бўйича базавий солиқ ставкалари ва коэффициентлари акс эттирилган.

Ойнада керакли ҳудуд танланганда тасдиқланган солиқ ставкаларининг аниқ миқдорлари ҳақида маълумот шаклланади.

Масалан: Тошкент вилояти Қибрай тумани "Ўнқўрғон МФЙ" бўйича 1 кв.м учун ер солиғининг аниқ ставкаси 262.34 сўм.
Йиллик ер солиғи: 1000 кв.м. х 262.34 = 262 340 сўмни ташкил қилади.

Тelegram | Facebook | Youtube| Instagram

#солиқчи_кўмакчи #савол_жавоб

🔵 Менга 2020 йилда ҳадя тариқасида автомобил совға қилинди. Мен ҳадя тариқасида олган автомобилимга солиқ тўлайманми ❓

🔴 Жисмоний шахслардан мерос ёки ҳадя тартибида, шунингдек текинга олинган пул ва натура шаклидаги даромадларга солиқ солинмайди, бироқ яқин қариндош бўлмаган шахслар ўртасидаги кўчмас мулк, автотранспорт воситалари, қимматли қоғозлар ва юридик шахсларнинг устав фондларидаги (устав капиталларидаги) улушлар бундан мустасно (Солиқ кодекси 378-модда,11-банди).

Шунга асосан, агар автотранспорт воситаси яқин қариндошингиздан (Солиқ кодекси, 60-модда) ҳадя қилинган бўлса, солиқ тўламайсиз

Акс ҳолда, яқин қариндош бўлмаган шахслардан 2020 йил 1 апрелдан (ЎРҚ-599-сон Қонун) кейин ҳадя қилинган бўлса, 2020 йилда олган даромадингиз (автомобиль қиймати) тўғрисида 2021 йил 1 апрелдан кечиктирмай (Солиқ кодексининг 397-моддаси) доимий яшаш жойингиздаги солиқ органига декларация тақдим этишингиз ва ҳисобланган 12 % солиқ суммасини 2021 йил 1 июндан кечиртирмай (Солиқ кодексининг 398-моддаси) тўлашингиз лозим.

Тelegram | Facebook | Youtube| Instagram

#савол_жавоб #жшшир

1 июлдан солиқ органларида солиқ тўловчиларнинг ҳисобини юритиш жисмоний шахснинг шахсий идентификация рақами (ЖШШИР)дан фойдаланган ҳолда юритилади.
ЖШШИР бўйича энг долзарб саволларга жавоб берамиз

1)Ёшим 18 да, биринчи марта ишга кирмоқчи эдим. Ишхонадан СТИР сўраяпти. Солиқ тўловчининг идентификация рақами (СТИР)ни қаердан олсам бўлади❓

Ишга қабул қилишда иш берувчи томонидан СТИР талаб этиш ноқонунийдир. 2021 йил 1 июндан ишга киришда фуқаролардан солиқ тўловчи жисмоний шахсларнинг давлат солиқ хизмати органларида ҳисобга қўйилганлиги тўғрисидаги ҳужжат талаб қилиш бекор қилинган. Солиқ тўловчиларнинг ҳисобини юритиш СТИР сўрнига ЖШШИРдан фойдаланган ҳолда амалга оширилади. (ПФ-6191, 23.03.2021 й.)

2) Солиқ ҳисоботларида ЖШШИР ва ШЖБПҲ (шахсий жамғариб бориладиган пенсия ҳисобварағи) рақами мос келмаслик ҳолатига кузатилганда жисмоний шахс Халқ банкида ШЖБПҲни ЖШШИРга ўзгартириши шартми❓

Ўзбекистон Республикаси Президентининг 2021 йил 23 мартдаги ПФ-6191 га мувофиқ, фуқароларни жамғариб бориладиган пенсия тизимида ҳисобга қўйиш ЖШШИР орқали амалга оширалади. ЖШШИР ва ШЖБПҲ ўртасида тафовут бўлса, Халқ банкига мурожаат қилиш лозим. Буни тузатишга ходимнинг ўзи ҳам, ташкилот вакили ҳам масъул.

3) СТИРи мавжуд бўлган хориж фуқаролари ҳам ЖШШИР олиши шартми ❓

Чет эл фуқароси солиқ тўловчи сифатда ҳисобга қўйилиши учун ЖШШИР олган бўлиши шарт. ЖШШИР олиш учун Миграция ва фуқароликни расмийлаштириш бўлимларига мурожаат қилиш лозим.

4) Эндиликда ЖШШИР бўйича ишончномалар қай тартибда расмийлаштирилади ❓

Паспорти, ID-картаси бўлмаган шахслар Миграция ва фуқароликни расмийлаштириш бўлимларига мурожаат қилиш орқали ўзларига тегишли ЖШШИР гувоҳномасини олишлари мумкин.

Тelegram | Facebook | Youtube| Instagram