Chet ellik shaxslardan olingan xizmatlar bo‘yicha QQS hisob-kitobi qanday to‘ldiriladi

– Agar sizning korxonangiz chet el kompaniyasi xizmatlarini olgan bo‘lsa, QQS to‘lovchisi yoki to‘lovchisi emasligidan qat’i nazar – u:

📌 alohida Chet ellik shaxslardan olingan tovarlar (xizmatlar) bo‘yicha qo‘shilgan qiymat solig‘i hisob-kitobini (soliq kodi 10001_5) to‘ldirishi;

📌 agar O‘zbekiston ushbu xizmatlarni realizatsiya qilish joyi deb e’tirof etilsa SK 241-moddasiga tegishli soliq summasini to‘lashi shart.

Agar sizning korxonangiz – QQS to‘lovchisi bo‘lsa, to‘langan soliq hisobga qabul qilish shartlariga rioya qilingan taqdirda hisobga olinadi SK 255-m. 9-q. SK 266-modda.

Agar O‘zbekiston olingan xizmatlarni realizatsiya qilish joyi deb e’tirof etilmasa, siz shuningdek ushbu Hisob-kitobni to‘ldirishingiz va unda xizmatlar qiymatini 0102-satrda aks ettirishingiz kerak. Bu holda QQS to‘lanmaydi.

Xizmatlar qiymatini Hisob-kitobda realizatsiya qilish bo‘yicha aylanma amalga oshirilgan sanada Markaziy bank kursi bo‘yicha aks ettiring SK 247-m. 4-qisim Xizmatlar bo‘yicha – bu ular ko‘rsatilganligi faktini tasdiqlovchi hisobvaraq-faktura yoki boshqa hujjat rasmiylashtirilgan (imzolangan) sana SK 242-m. 4-qisim

Hisob-kitobni taqdim etish muddatlari SK 273-m. 4-qism

📌 QQS to‘lovchilar bo‘lgan soliq agentlari uchun – haqiqatda xizmatlar olingan oydan keyingi oyning 20 kunidan kechiktirmay;

📌 QQS to‘lovchi bo‘lmagan soliq agentlari uchun – soliqni to‘lash amalga oshirilgan oydan keyingi oyning 20 kunidan kechiktirmay.

🌐 Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

Telegram | Facebook | Instagram

Joylarda to‘lovni amalga oshirganda, chek onlayn-NKM va virtual kassa yordamida beriladigan hollarda, mijozning iltimosiga ko‘ra qaytarish chekini shakllantirish imkoniyati mavjud. Agar masofadan turib to‘lov amalga oshirilgan bo‘lib, fiskal chek elektron to‘lov tizimi tomonidan shakllantirilgan bo‘lsa, nima qilish kerak?

– Bu holda ham qaytarishni rasmiylashtirish mumkin. Elektron to‘lov tizimining mijozlarni qo‘llab-quvvatlash xizmatiga murojaat qiling – qanchalik tez murojaat qilsangiz, shunchalik yaxshi, sababi buni to‘lov amalga oshirilgan oyda amalga oshirishga ulgurish lozim.

Aks holda murakkabliklar yuzaga keladi...
Bunda to‘lov tizimi faqat sotish cheki shakllantirilgan taqdirda onlayn-NKT tizimida qaytarish chekini shakllantiradi.

Ya’ni, fiskal ma’lumotlar komitentning hisobotiga yuborilgan bo‘lsa. Agarda bo‘nak to‘lovi bo‘lgan bo‘lsa, elektron to‘lov tizimining tranzaksiyani bekor qilishi va pullarni mijozning kartasiga qaytarishi yetarli bo‘ladi.
🌐 Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

Telegram | Facebook | Instagram

Viloyat soliq boshqarmasi boshlig‘i mahalladagi “beshlik” faoliyati bilan tanishdi

Kuni kecha viloyat soliq boshqarmasi boshlig‘i B.Tashpulatov Arnasoy tumaniga qarashli “Bo‘ston” mahallasida hududdagi mahalla fuqarolar yig‘inlarida faoliyat ko‘rsatayotgan “beshlik” – rais, hokim yordamchisi, xotin-qizlar faoli, yoshlar yetakchisi va profilaktika inspektorlari bilan uchrashdi.

Suhbat chog‘ida mahallalarda ijtimoiy muammolarni hal etish, ehtiyojmand oilalarni kambag‘allikdan chiqarish, xotin-qizlar va yoshlar bandligini ta’minlash, notinch oilalar bilan ishlash, huquqbuzarlik va jinoyatchilikning oldini olish borasidagi faoliyat yuzasidan fikr almashildi.

Mahalla faollarining ish jarayonidan kelib chiqib, taklif va mulohazalari eshitildi.

Sektor rahbari shu kuni tumandagi faoliyat ko‘rsatmayotgan madaniyat saroyini ko‘zdan kechirdi. Tuman aholisiga madaniy tadbirlarlardan dam olishi uchun shart-sharoit yaratish masalalariga yechim ezlandi.

Mazkur binoni tadbirkorlik sub’ektlariga foydalanish uchun berilishi borasida mas’ullarga topshiriqlar berildi.
🌐 Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

Telegram | Facebook | Instagram

So‘nggi vaqtlarda marketpleyslar tovarlarni bo‘lib-bo‘lib to‘lash imkoniyati bilan sotib olishni faol taklif qilmoqda. Bunday to‘lovlarni onlayn-NKT cheklari bilan rasmiylashtirish tartibi qanday?
Ulug‘bek Sultonov tadbirkor

– Tovarni topshirish paytida shartnomaning butun summasiga realizatsiya qilinayotgan tovar ko‘rsatilgan holda “Sotish” to‘lov turiga ega chek shakllantiriladi va xaridorga beriladi. Ushbu chek bo‘yicha summa u shakllantirilgan kunda sotuvchining soliq hisobotida aks ettiriladi.

Bo‘lib-bo‘lib to‘lashni so‘ndirish hisobiga barcha to‘lovlar “Bo‘lib-bo‘lib to‘lash”, “Kredit” to‘lov turiga ega cheklar bilan rasmiylashtiriladi, ularda to‘lov summasi ko‘rsatiladi. Bunday cheklar bo‘yicha ma’lumotlar soliq hisobotlarida aks ettirilmaydi, ularda QR-kod bo‘lmaydi.

Shubhasiz, mavjud bo‘nak to‘lovlari va bo‘lib-bo‘lib to‘lash cheklari tizimi mukammal emas va tadbirkorlar hamda ularning mijozlari tomonidan qator asoslangan e’tirozlarga sabab bo‘lmoqda. Hozirgi vaqtda ularning tizimlarini takomillashtirish bo‘yicha ishlar olib borilmoqda.

“Bo‘nak” va “Bo‘lib-bo‘lib to‘lash” cheklarida QR-kod va axborotni batafsillashtirish, uni ancha tushunarli va qabul qilish uchun oddiy qiladigan yangi rekvizitlar paydo bo‘lishi kerak.

Bundan tashqari, bitta shartnoma bo‘yicha hisob-kitoblarda berilgan “Sotish” va “Bo‘nak” yoki “Bo‘lib-bo‘lib to‘lash” cheklari texnik jihatdan o‘zaro bog‘langan bo‘ladi. Bu ularning qat’iy hisobini yuritish imkonini beradi.

Yangi tizim bugunga qadar onlayn-NKT foydalanuvchilaridan Soliq qo‘mitasi va fiskal ma’lumotlar operatoriga kelib tushgan barcha masalalarni olib tashlashi kerak. Yangi tizim to‘liq tayyor bo‘lganidan keyin marketpleyslarga va elektron to‘lov tizimlariga joriy etish rejalashtirilmoqda, so‘ngra esa u onlayn-NKM va virtual kassalar uchun ham majburiy bo‘ladi.
🌐 Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

Telegram | Facebook | Instagram

Bizning do‘konimizda mijozlar elektron to‘lov tizimi yordamida to‘lovni amalga oshirishlari mumkin, biroq fiskal chekni biz onlayn-NKT yordamida uramiz. Bizning QQS bo‘yicha soliq hisobotlarimizda summalarning ikkilanishi sodir bo‘lmasligi, mijozlarga esa keshbek avtomatik tarzda hisoblanishi uchun nimani va qanday sozlash kerak?
Go‘zal Turdieva tadbirkor

– Buning uchun sizning onlayn-NKT va elektron to‘lov tizimini sozlash lozim. Ushbu masala yuzasidan TXKM va elektron to‘lov tizimi mijozlarini qo‘llab-quvvatlash xizmatiga murojaat qiling. Agar bu amalga oshirilmasa, muammolar bo‘ladi.

Shundan so‘ng tizim bunday tarzda ishlaydi: sotuvchi kassada onlayn-NKM chekini chop etishi kerak (agar virtual kassadan foydalanilsa – chekni xaridorning shaxsiy kabinetiga – u tomondan ko‘rsatilgan elektron manzil yoki telefon raqamiga yuborishi mumkin). Bu QR-kodli fiskal chek bo‘ladi.

Buning asosida sotuvlar to‘g‘risidagi ma’lumotlar sotuvchining soliq hisobotlarida aks ettiriladi, shuningdek “Soliq” mobil ilovasida keshbek hisoblanadi. Bundan tashqari, QR-kod va fiskal belgisiz chekning nusxasi xaridor u orqali to‘lovni amalga oshirgan to‘lov ilovasida ham aks ettiriladi. Mazkur to‘lov bo‘yicha “fiskal chek” ilovasiga qarang.

Agar chetga chiqish bo‘lsa, TXKM va elektron to‘lov tizimi mijozlarini qo‘llab-quvvatlash xizmatiga murojaat qiling, ular hammasini qo‘shimcha sozlashga yordam berishadi.
Shuningdek, sizning onlayn-NKT modelingiz va tanlangan elektron to‘lov tizimi bir-biri bilan integratsiya qilinmaganligi e’timoli bo‘lishi mumkin.

Bu holda to‘lov tizimini yoki onlayn-NKMni almashtirishga to‘g‘ri keladi.

Uchinchi variant ham bor: to‘lov tizimi va TXKMga o‘z resurslarini integratsiya qilishlari yuzasidan murojaat qilish mumkin. Ammo bu tez amalga oshirilmaydi...

Xaridorda chek avtomatik tarzda “Soliq” mobil ilovasida ro‘yxatdan o‘tkaziladi, agar:

1) unda elektron to‘lov tizimi ilovasi va “Soliq” ilovasi bitta telefon raqamiga ro‘yxatdan ztkazilgan bo‘lsa;
2) onlayn-NKT tizimi va to‘lov ilovasi esa to‘g‘ri sozlangan bo‘lsa.
🌐 Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

Telegram | Facebook | Instagram