#so`ragan edingiz ❓ Солиқ мажбуриятини таъминлашда банк муассасасининг қандай жавобгарлиги бор? ❗️ Янги таҳрирдаги Солиқ кодексининг 134-моддасида банкларнинг солиқ назоратини амалга ошириш билан боғлиқ бўлган мажбуриятлари белгиланган. Унга кўра банк ҳар қандай юридик ёки жисмоний шахс (мижоз) нинг (ҳисобварағи ёки омонати (депозити) реквизитларининг ўзгартирилгани тўғрисидаги ахборотни тегишли ҳодиса рўй берган кундан эътиборан уч кун ичида электрон шаклда, ўзи жойлашган ердаги солиқ органига маълум қилиши шарт.
▶️Унга мувофиқ, солиқ органининг банк мижозига нисбатан ахборот тақдим этиш тўғрисидаги сўровига биноан банк ёзма сўров олинган кундан эътиборан уч кун ичида солиқ органларига қуйидагиларни беришлари шарт:
✅*мижознинг банкда ҳисоб-варақлари ва омонатлари (депозитлари) мавжудлиги тўғрисидаги маълумотларини;
✅*мижознинг ҳисобварақлари ва омонатларига (депозитлардаги) пул маблағларининг қолдиқлари ҳақидаги маълумотларни;
✅*мижознинг ҳисобварақларидаги операцияларга ҳамда омонатларига (депозитларига)доир кўчирмаларни;
✅*солиқ тўловчининг солиқ мажбуриятларини бажариши билан боғлиқ бошқа маълумотларни.
Саволга Жиззах вилоят ДСБ солиқ қарздорлигини ундириш бўлими бошлиғи Эркин ЭРКАБОЕВ жавоб берди.