#4_sektor
#Murojaat
#Sayyor_qabul

Сайёр қабулдаги мурожаатга асосан тикув машиналари топширилди

Жорий йил Жиззах вилоят давлат солиқ бошқармаси бошлиғи, 4-сектор раҳбари томонидан вилоятнинг бир қанча ҳудудларида сайёр қабуллар ташкил этилди. Унда аҳолининг ижтимоий ҳимояга муҳтож қатламининг мурожаатлари қабул қилиниб, тегишли ташкилотлар кўмагида уларнинг муаммоларига ечим топилмоқда. Жумладан, кам таъминланган, боқувчисини йўқотган хотин-қизларнинг бандлигини таъминлаш мақсадида сектор томонидан тикув машиналари ва бошқа маиший техника воситалари тақдим этилмоқда.

Куни кеча июнь ойида Фориш тумани Қизилқум МФЙда, август ойида Зафаробод тумани, Лолазор ҚФЙда бўлиб ўтган сайёр қабулларда тушган мурожаатлар асосан 2 нафар аёлларга замонавий тикув машиналари топширилди.

- Ўзбекистон Республикаси Мустақиллигининг 31 йиллиги арафасида топширилган мазкур тикув машиналари бизга муносиб туҳфа бўлди, - дейди Қизилқум МФЙда яшовчи фуқаро Фотима Ғаниева.

Telegram | Facebook

#4_sektor

Аҳоли ва иқтисодиёт объектларини энергия ресурсларига бўлган талабини аниқлаш мақсадида Жиззах вилоят Давлат солиқ бошқармаси масъул бўлган 4-сектор ҳудудида ўрганиш ишлари давом этмоқда.

Бугун бошқарма бошлиғи, 4-сектор раҳбари Бекзод Тошпўлатов Шароф Рашидов тумани 4-сектор ҳудудидаги 43- ва 56-мактабларни масъуллар иштирокида кўздан кечирди. Айни пайтда мазкур таълим муассасаларининг иситиш тизими кўмир ёқилғисига боғлиқ. Куз-қиш мавсумига тайёргарлик кўриш даврида иккала таълим муассасаси ушбу ёқилғи тури билан етарлича таъминланган. Ўрганиш давомида 43-мактабнинг иситиш қозонида носозлик мавжудлиги аниқланди.

4-сектор кўмаги билан мазкур мактабга яқин кунлар ичида янги иситиш қозони ўрнатиб бериладиган бўлди.

Telegram | Facebook

#Arnasoy
#4_sektor
#Jizzax

4-sektor: Arnasoyda ko‘prik qurilishi yakunlanmoqda, endi aholiga ichimlik va oqova suv ham keltirib beriladi

Murojaatlar bilan ishlash borasida bugun Jizzax viloyat soliq boshqarmasi mas’ul bo‘lgan 4-sektorda o‘ziga xos tajriba to‘plangan. Ushbu tajribalar samarasi tufayli sektor rahbariyati muammolarni bosqichma-bosqich hal etish choralarini ko‘rmoqda.

Arnasoy tumanidagi “Baxtli” mahallasidagi aholi tomonidan o‘rnatilgan ko‘prik ayanchli holatga kelib qolgan edi. Mahallaning ushbu qismida 60 ta xonadon bo‘lib, 300 dan ortiq aholisi mavjud.

Viloyat soliq boshqarmasi boshlig‘i, 4-sektor rahbari Bekzod Toshpo‘latov arnasoyliklar ishtirokida o‘tkazgan sayyor qabulida fuqarolardan ko‘prikni ta’mirlash borasida murojaat tushgan edi. Ushbu murojaatga asosan, o‘tgan yilning 1-dekabr kuni eski ko‘prikni ta’mirlash boshlandi. Mustahkamlik darajasini oshirish maqsadida beton plitalar yotqizilib, ko‘prik suv sathidan balandlatildi. Shundan so‘ng, ko‘prikning xavfsizligini ta’minlash maqsadida ikki yoniga to‘siqlar o‘rnatildi.

Kuni kecha esa so‘nggi ta’mirlash ishlariga kirishildi. Ko‘prikning yon tomonlariga beton quyilib, mustahkamlik darajasi yana ham oshirildi. Piyodalarga qulay bo‘lishi uchun esa yo‘laklar ham to‘liq betonlashtirildi.

Telegram | Facebook

#4_sektor
#Arnasoy
#Jizzax

“Baxtli” MFY jami xonadonlar soni bugungi kunda 242 tani tashkil etadi. 316 ta oilada 1180 nafardan ortiq aholi istiqomat qiladi. Ayni paytda har bir xonadonning o‘z tomorqasi, ekin maydoni mavjud bo‘lsada, yozning issiq mavsumida ulardan unumli foydalanishning imkoni yo‘q edi.

Sektor rahbariyatining sayyor qabulida aholi xonadonlaridagi tomorqani sug‘orish uchun “Oqbuloq” kanalidan oqova suv chiqarish bo‘yicha murojaat tushgan edi. Ushbu murojaatga ham yechim topilib, bugungi kunda “Verbud” MChJ tomonidan quvur orqali oqova suv keltirish choralari ko‘rilmoqda.

Mazkur ishlar O‘zbekiston Respublikasi Prezidentining “2022-2023 yillarda mahallalar infratuzilmasini yanada yaxshilash bo‘yicha qo‘shimcha chora-tadbirlar to‘g‘risida”gi 408-conli qaroriga muvofiq amalga oshirilmoqda.

Joriy yilning mart oyi yakuniga qadar “Baxtli” va “Zarafshon” MFY aholisi ehtiyoji uchun zarur oqovasuv loyihasi yakunlanadi.

Shuningdek, 4-sektor hududida joylashgan Bo‘ston mahallasigacha 14 km, Do‘stlik tumani Mamajon Dadajonov suv iste’molchilar uyushmasiga qadar yana 4 km, jami 18 km uzunlikdagi ichimlik suvi loyihasi ham aholi manfaatlarini ko‘zlab amalga oshirilayotgan loyihalardan sanaladi. Bo‘ston mahallasiga boradigan 14 kmlik suv quvuri tarmog‘i bosimi pastligi va quvurlarning eskirganligi tufayli uni rekonstruksiya qilishga ehtiyoj yuzaga kelgan edi. Hozirda “Qurilish ta’minoti” korxonasi tomonidan qiymati 18 milliard 618 million so‘mlik qurilish-montaj ishlari amalga oshirilmoqda. Ushbu loyiha joriy yilning dekabr oyida yakunlanishi rejalashtirilgan.

Telegram | Facebook