#Sayyor_qabul
#Forish_tumani

Qumliklar orasida joylashgan kichik qishloqda sayyor qabul bo‘lib o‘tdi

Aholining turmush tarzi bilan yaqindan tanishish, ularni qiynayotgan muammolarni o‘rganish va ularga o‘z vaqtida yechim topish, fuqarolarning turmushini yanada yaxshilash maqsadida viloyat 4-sektori rahbari tomonidan hududlarda muntazam sayyor qabullar o‘tkazilmoqda.

Aholi bilan bevosita muloqotning navbatdagisi tuman markazidan 260 kilometr uzoqlikda joylashgan “Darvoza“ mahalla fuqarolar yig‘inida maktabga tashrif bilan boshlandi. B.Tashpulatov ta’lim muassasalarining kuz-qish mavsumiga tayyorligi, isitish tizimining sozligi hamda mavjud ko‘mir zaxiralari bilan tanishdi. Shuningdek, maktab jamoasi bilan suhbatlashib, ta’lim muassasasiga qanday yordam kerakligi bo‘yicha suhbatlashildi.

Shundan so‘ng sektor rahbari boshchiligidagi mutasaddilar qishloq aholisi murojaatlari bilan yaqindan tanishdi.
Mazkur qishloq cho‘l hududida joylashganligi bois, aksariyat murojaatlar suyultirilgan gaz ta’minoti va ko‘mir zaxirasi bilan bog‘liq bo‘ldi. Shundan kelib chiqib, sektor rahbari tomonidan tuman soliq inspeksiyasi va mas’ul tashkilotlar rahbarlariga tegishli vazifalar yuklatildi.

Sayyor qabulda aholining kuz-qish mavsumiga tayyorgarlik, kadastr hujjatlari, simyog‘ochlarni almashtirish, bandlik, yo‘llarga asfalt yotqizish kabi masalalar bo‘yicha murojaatlari tinglanib, muammoli murojaatlar tegishli tashkilotlarga yo‘naltirilib, ijrosi nazoratga olindi.

✅Jizzax viloyat soliq boshqarmasining ijtimoiy tarmoqlardagi sahifalariga aʼzo boʻling!

🟦Telegram |👍 Facebook |❤️ Instagram|🕊Twitter