▪️Davlatimiz rahbari Qoraqalpog‘istonda ▪️

⚜️ Xabaringiz bor, O‘zbekiston Respublikasi Prezidenti Shavkat Mirziyoyevning Qoraqalpog‘iston Respublikasiga tashrifi Kegeyli tumanidagi “Aqtuba tekstil” korxonasidan boshlandi.

◼️ Shuningdek, Kegeyli tumanida Qoraqalpog‘iston Respublikasini iqtisodiy-ijtimoiy rivojlantirish masalalari muhokamasi bo‘yicha yig‘ilish o‘tkazildi. Tadbir avvalida Prezident Shavkat Mirziyoyev Qoraqalpog‘istonda yangi ishlab chiqarish quvvatlarini ishga tushirdi.

◼️So'ngra yig‘ilishda davlatimiz rahbari Qoraqalpog‘iston aholisi farovonligini yanada oshirishga qaratilgan uchta yangi tashabbus bildirdi.

▪️Birinchisi, Qoraqalpog‘istondagi 452 ta mahallaning har biriga to‘g‘ridan-to‘g‘ri 500 million so‘mdan qo‘shimcha mablag‘ ajratiladi. Buning uchun alohida Qoraqalpog‘iston mahallalarini qo‘llab-quvvatlash jamg‘armasi tashkil qilinib, unga joriy yilda 250 milliard so‘m yo‘naltiriladi.

▪️ Ikkinchisi, kadastri yo‘q 38 ming uy-joy va ko‘chmas mulklar bo‘yicha tegishli hujjatlar qilib beriladi.

▪️Uchinchisi, aholi talabini inobatga olib, joriy yilda 4 mingta uy-joy quriladi. Bunga qo‘shimcha, zamonaviy loyiha asosida 4 ming yakka tartibdagi uy-joy qurishga 4 sotixdan yer ajratiladi.

#DavKadastrPalata #Prezident #Qoraqalpog_iston

Ijtimoiy tarmoqlardagi sahifalarimiz:
🌐Telegram 🌐Instagram 🌐YouTube 🌐 Facebook

🇺🇿🇺🇿🇺🇿🇺🇿🇺🇿

🇺🇿O‘zbekiston Respublikasi Prezidentining "Qoraqalpog‘iston Respublikasi aholisini ijtimoiy qo‘llab-quvvatlash hamda jismoniy shaxslar tomonidan qurilgan uy-joylarga bo‘lgan huquqlarni eʼtirof etish to‘g‘risida"gi 119-son Farmoni bo‘yicha tegishli tartibda ishlar tashkil qilinmoqda.

📃Farmon bilan manzil ro‘yxatga kiritilgan 43 432 ta turar joylar xatlovdan o‘tkazilib, tegishli tuman, shahar ishchi guruhlar tomonidan 30 787 ta turar joyga mulk huquqlarini eʼtirof etish bo‘yicha ijobiy xulosalar tegishli tartibda to‘liq berilgan.

🌐 Bugungi kunda Qoraqalpog‘iston Respublikasi Jo‘qorg‘i Kengashi Prezidium qarorlari bilan 2 877 ta turar joy egalariga yer uchastkasiga ijara huquqi, bino-inshootga esa mulk huquqni eʼtirof etish to‘g‘risida qaror hujjatlar taqdim qilindi.

🫥 Shuningdek, hozirda "O'zbekkosmos" agentligi tomonidan bugungi kunda 27 750 ta turar joylarning 2018-yil 1-may holatidagi rasmlari taqdim qilingan.Boshqa turar joylar bo‘yicha tegishli idoralar bilan ishlar davom ettirilib, soliq qarzdorliklarini undirish, "O'zbekkosmos" agentligidan yillar kesimida tegishli obyekt fotosuratlarini olish ishlari olib borilmoqda.

👔Maʼlumot uchun, Prezidentning 119-son Farmonida turar joylarga mulk huquqini eʼtirof etishda fuqaro ushbu uy-joydan 2018-yil 1-maygacha bo‘lgan davrdan boshlab o‘ziniki kabi halol, oshkora va uzluksiz foydalangan bo‘lishi, ushbu holat kosmik suratlarni qayta ishlash orqali hamda so‘nggi besh yil uchun yer solig‘i va mol-mulk solig‘i to‘langanligi bilan tasdiqlangan bo‘lishi, huquqni eʼtirof etish boshqa shaxslarning huquqlari va qonun bilan muhofaza qilinadigan manfaatlarini buzmasligi ko‘rsatilgan.

▶️ Mazkur videolarda Muynoq tumani Qazaqdaryo OFY hududidagi 50 ga yaqin, Chimboy tumani Qosterek mahallasida 23 ta va Bo'zatov tumani Bo'zatov ShFY 45 ta turar joy egalarining mulk huqiqini tasdiqlovchi hujjatlarni qo'lga kiritgan damlaridagi quvonchlariga sherik bo'lishingiz mumkin.

#DavKadastrPalata #Qoraqalpog_iston

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter