🇺🇿🇺🇿🇺🇿🇺🇿🇺🇿

15-may - Xalqaro oila kuni

👨‍👩‍👧 Oila — jamiyatning asosiy boshlang‘ich bo‘g‘ini, go‘zal urf-odatlar, milliy qadriyat va an’analarlarni o‘zida asrovchi, asrlar osha tarbiyada o‘ziga xos milliylikni shakllantiruvchi muqaddas maskan, Vatan ichida kichik Vatandir.

🇺🇿 O'zbekistonda, qolaversa, Sharq dunyosida oila qadimdan muqaddas dargoh sifatida qadrlangan. Oilada vatanga sadoqat, ota-onaga oqibat, oila aʼzolari o‘rtasida o‘zaro hurmat, mehr-muruvvat omillari o‘sib kelayotgan yosh avlod ongiga singdirilib, oiladagi maʼnaviy muhitni barqarorlashtirishga, ularning jamiyat oldidagi masʼuliyatini kuchaytirishga xizmat qiladi.

◼️Shu o'rinda, mamlakatimizda oila institutining huquqiy asoslari ham mustahkamlangan. Oila kodeksi hamda qator qonun va qarorlar, qonunosti hujjatlari oilalar mustahkamligi yo‘lida zamin bo‘lmoqda.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Bugun, 18 may – Xalqaro muzeylar kuni

🏯Shu munosabat bilan Toshkentdagi barcha muzeylarda “Ochiq eshiklar kuni” tadbiri o‘tkaziladi.

◼️Biz sizga shahardagi eng ko‘rkam 5 ta muzeyga borishni taklif qilamiz.

😏O‘zbekiston tarixi davlat muzeyi
Tel: +99871 239 10 83
Soat 9:00dan 20:00gacha;

😞Temuriylar tarixi davlat muzeyi
Tel: +99871 232 02 13
Soat 10:00dan 22:00gacha;

😟 O‘zbekiston amaliy san’at muzeyi
Tel: +998 71 256 40 42,
Soat 09:00dan 17:00gacha;

😕 Qurolli kuchlar muzeyi
Tel: +99871 269 89 29
Soat 10:00dan 17:00gacha;

😫 Shon-sharaf muzeyi
Tel: +99895 061 07 49
Soat 9:00dan 18:00gacha faoliyat ko‘rsatadi.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

25-may - Maktablarda so'nngi qo'ng'iroq kuni

🇺🇿 Bugun erta tongdan yurtimizning barcha umumta'lim dargohlari bitiruvchilari uchun eng esda qolarli va o'zgacha hayajonli kun. Har bir o'quv dargohlarida "So'nggi qo'ng'iroq" lar yangrab, o'quvchilar qadrdon maktablari, mehribon ustozlari va jonajon sinfdoshlari bilan xayrlashuv tadbirlarini o'tkazadilar. 25-may sanasini bitiruvchilar uchun bir vaqtning o'zida ham quvonchli, ham biroz qayg'uli kun desak yanglishmaymiz.
Shu o'rinda, bugun kadastrchilar uchun ham quvonchli kun. Kadastr agentligining Toshkent geodeziya va kartografiya texnikumini geodeziya yoʻnalishida 31 nafar, kadastr yoʻnalishida 30 nafar, jami 61 nafar o'quvchilar bitirmoqda.

Aziz bitiruvchilar!

📚Sizlarni o'rta-maxsus ta'limni muvaffaqiyatli tugatganingiz, umringizning yanada go'zal va mas'uliyatli bosqichiga qadam qo'yganingiz bilan samimiy muborakbod etamiz.
Kelgusi hayotingizda ulkan yutuqlar va yuksak marralarni zabt etishingizga tilakdoshmiz. Oldingizga aniq maqsad qo'yib, bor kuch-g'ayratingiz va salohiyatingiz bilan yuqori cho'qqilarga erishishingizni va el-yurt manfaati uchun xizmat qilishingizni tilaymiz. Umid va ishonch ramzi bo'lgan yetuklik shahodatnomalaringiz barchangizga muborak bo'lsin!

🌟Davlat kadastlari palatasi jamoasi

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Bugun 1-iyun xalqaro bolalarni himoya qilish kuni

🌈 Yurtimizdagi barcha bolajonlarni doimo ana shunday beg‘ubor bo‘lib qolishlarini, ko‘zlari quvonchdan porlab, sho‘x-shodon kulgulari doimo yangrab turishini tilab qolamiz.

🌟 Davlat kadastrlari jamoasi yurtdoshlarimizni mamlakatimizdagi barcha bolajonlarni himoya qilib, g‘amxo‘rlik ko'rsatishga chorlab qoladi.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Aziz yurtdoshlar!

💐 Bag‘rikeng va sahovatli xalqimiz orziqib kutadigan, o'zaro mehr ulashiladigan qutlug‘ kun - fazilatli Hayit ayyomi - Iyd Al-Adha barchamizga muborak bo'lsin.

🌱 Tabarruk dinimiz va oʻlmas qadriyatlarimiz, oʻzaro hurmat, saxovat va hamjihatlik singari ulugʻ fazilatlarni mustahkamlab kelayotgan muborak Qurbon hayitining barhayot anʼanalari asrlar osha insonlarni, turli xalqlar va elatlarni birlashtiruvchi beqiyos maʼnaviy kuch boʻlib xizmat qilayotganidan faxrlanamiz.

🥀 Qurbon hayiti bayrami munosabati bilan, Sizlarga sihat-salomatlik, baxtu saodat, oilalaringizga tinchlik-xotirjamlik va fayzu baraka, kasbiy faoliyatingiz davomida olib borayotgan ishlaringizda ulkan muvaffaqiyatlar tilaymiz. Aziz yurtimizda tinchlik va barqarorlik hamisha bardavom boʻlsin!

Davlat kadastrlari palatasi jamoasi

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

17-iyun - Butunjahon cho'llanish va qurg'oqchilikka qarshi kurash kuni

🌐 Ushbu xalqaro sana BMT Bosh Assambleyasi tomonidan 1995-yil 30-yanvarda ta’sis etilgan bo‘lib, Birlashgan Millatlar Tashkilotining Cho‘llanishga qarshi kurash konvensiyasi qabul qilingan kun munosabati bilan tanlangan. O‘zbekiston Osiyo mintaqasidagi davlatlar orasida birinchilar qatorida BMTning Cho‘llanishga qarshi kurash konvensiyasiga a’zo bo‘lgan.

💦🌫 O'tgan yilgi ma’lumotlarga ko‘ra, bir daqiqada O‘zbekistonning 9 kvadrat metr hududi cho‘llanib boryapti. Har soniyada dunyo bo‘ylab 23 gektar cho‘llanib boryapti. Bu holat davom etaversa, 2050-yilga borib, Yer yuzining 95 foizi cho‘llanishi va bu 3 milliarddan ziyod odamni oziq-ovqat tanqisligida qoldirishi mumkin.

◼️Qurg‘oqchilik va cho‘llanishga qarshi kurash Markaziy Osiyo va O‘zbekiston uchun hayot-mamot masalasiga aylanib bormoqda. Shu sababli, Davlat kadastrlari palatasi jamoasi har bir fuqaroni tabiatga yaxshi munosabatda bo‘lishga va suv resurslaridan oqilona foydalanishga chorlab qolamiz.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

27-iyun - Matbuot va ommaviy axborot vositalari xodimlari kuni

📝 Bugun jamiyatning, insonning manfaat va qiziqishlari, ijtimoiy taraqqiyot maqsadlaridan kelib chiqib, amaliyotga tadbiq etuvchi, qayta tashkil etuvchi, ta’sir ko‘rsatishda o'z o'rniga ega bo'lgan, ijtimoiy taraqqiyotning ulkan harakatlantiruvchi kuchi hisoblangan matbuot va ommaviy axborot vositalari xodimlari kuni.

✏️ Kezi kelganda insonlar o‘z fikrini to‘g‘ri ifoda eta olishga ham ojizlik qilgan bir pallada, o'z mahorati bilan nafaqat aholi o‘rtasida, balki xalqlar, mamlakatlar, millatlar o‘rtasidagi muvozanatni saqlash, axborot sohasidagi erkinlik va oshkoralikni ta'minlash hamda keng jamoatchilikka yetkazishda ommaviy axborot vositalarining o'rni beqiyos.

🫥 Ma’lum qilinishicha, 2023-yilda O‘zbekistonda 2 140 ta yoki 2016-yilga nisbatan 626 taga ko‘p ommaviy axborot vositasi faoliyat yuritgan. Anʼanaviy nashrlar bilan birga internet nashrlar ham jadal rivojlanib, ularning soni 745 taga yetgan. So‘nggi yillarda respublika nashriyotlari tomonidan 132 million nusxa badiiy kitob va boshqa adabiyotlar chop etilgan.

💐 Fursatdan foydalanib, sadoqatli va zahmatkash ommaviy axborot vositalari va soha axborot xizmati xodimlarini ushbu bayram bilan chin yurakdan tabriklab, ularga mustahkam sog‘lik, oilaviy xotirjamlik, mashaqqatli mehnat yo‘llarida muvaffaqiyatlar tilaymiz!

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

30-iyun - Yoshlar kuni

🌱 Yurtimizda yoshlarga qaratilayotgan e’tibor, g‘amxo‘rlik mamlakatimizda olib borilayotgan siyosatning eng ustuvor yo‘nalishidir. Zero, yoshlar bu mamlakat kelajagi ekanligi va butun jamiyatning istiqboldagi rivojlanishi ular faoliyatining boshlang‘ich sharoitlariga bog‘liqligi bilan belgilanadi.

🌏 Prezidentimiz tomonidan 2024-yilning - "Yoshlar va biznesni qo'llab-quvvatlash yili" deb e'lon qilinishi ham yoshlarimizning mamlakatimiz ravnaqi va yuksalishi, fuqarolarning farovon turmush, munosib hayotga ega bo‘lishi, jahondagi ilg‘or jamiyatlar safidan o‘rin olishi kabi maqsadlarni hayotga tatbiq etishdagi o‘rni va roli sezilarli ekanligining e’tirofi bo‘ldi, desak mubolag‘a bo‘lmaydi.

📊 2023-yil ma'lumotlariga ko'ra, respublika bo‘yicha 14-30 yoshgacha bo'lgan yoshlar soni 9 654 351 kishi tashkil etgan. Ya'ni jami aholining 26,8 foizini yoshlar tashkil etmoqda.

💐 Bugungi kun munosabati bilan respublikamizning barcha yoshlarini muborakbod etib, muqaddas zaminni asrab-avaylash, mehnatkash xalqimizning orzu-umidlarini ro‘yobga chiqarish, yurtimizni dunyoning taraqqiy etgan davlatlar qatoriga olib chiqishdek nihoyatda sharafli ishda faollik ko'rsatishlarini tilab qolamiz.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Bugun, Oʻzbekiston Respublikasi Davlat gerbi qabul qilinganiga 32 yil to'ldi

🌏 “Oʻzbekiston Respublikasi Davlat gerbi toʻgʻrisida”gi qonun 1992-yil 2-iyulda Oʻzbekiston Respublikasi Oliy Kengashining X sessiyasida qabul qilingan.

🇺🇿 Ushbu muqaddas ramzni kattayu kichik birdek qadrlaydi. Unda jonajon O‘zbekistonimizning tom maʼnodagi asl tasvirini ko‘radi. Gerbimizga har bir hamyurtimiz alohida ehtirom bilan munosabatda bo‘lishi mamlakatimizda ezgu qadriyatga aylangan.

🇺🇿Davlat gerbining soʻl tomoni rizq-roʻzimiz timsoli — bugʻdoy boshoqlaridan, oʻng tomoni esa oʻzbekning dongʻini dunyoga taratgan bebaho boyligimiz — chanoqlari ochilgan gʻoʻza shoxlaridan iborat chambarga oʻralgan. Uzoqdagi togʻlar va daryolar manzarasida gullagan vodiy uzra quyosh zarrin nurlarini sochib turadi, ayni paytda bu Oʻzbekistonning serquyosh mamlakat ekanligini ham bildiradi. Gerbning yuqori qismida esa Oʻzbekiston ozodligining ramzi sifatida sakkizburchak yulduz, uning ichki qismida yarimoy va yulduz ma`nosi mamlakat aholisining ko`p qismi islom diniga etiqod qilishi, markazida — baxt va erksevarlik ramzi — qanotlarini yozgan Humo qushi tasvirlangan.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

20-avgust-Tadbirkorlar kuni

🇺🇿Davlatimiz rahbari tomonidan 2021-yil 23-dekabrda "Tadbirkorlar kunini belgilash to`g`risidagi" Qonun imzolangan bo`lib, 20-avgust sanasi mamlakatimizda "Tadbirkorlar kuni" deb e`lon qilingan.

💼 Yurtimizda tadbirkorlik subyektlari faoliyatini rivojlantirish maqsadida bir qancha ishlar amalga oshirib kelinmoqda. Xususan, O`zbekiston Respublikasi "Tadbirkorlik faoliyati erkinligining kafolatlari to`g`risida" gi Qonuni qabul qilingan bo`lib, ushbu qonun fuqarolarning tadbirkorlik faoliyatida erkin ishtirok etishlarini hamda tadbirkorlik faoliyati subyektlarining huquqlari va qonuniy manfaatlari himoya qilinishini ta`minlab kelmoqda.

🌟 Davlat kadastrlari palatasi jamoasi respublikamizda faoliyat olib borayotgan barcha tadbirkorlarni ushbu kun munosabati bilan samimiy qutlaydi va barcha tadbirkorlik subyektlari faoliyatiga omad va zafarlar tilaydi.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Davlat xavfsizlik xizmati organlari xodimlari kuni

🇺🇿 O'zbekiston Respublikasi Davlat xavfsizlik xizmati — O'zbekiston Respublikasi Qurolli Kuchlarining tarkibiga kiruvchi, huquqni muhofaza qiluvchi va nazorat organlaridan biridir.

🇺🇿 O'zbekiston Respublikasining konstitutsiyaviy tuzumi, suvereniteti, hududiy yaxlitligi va manfaatlarini tashqi va ichki tahdidlardan himoya qilishdek sharafli vazifani sidqidildan bajarayotgan Davlat xavfsizlik xizmati organlari xodimlarini bugungi kasb bayrami bilan samimiy muborakbod etamiz.

💐 Xalqimizning tarixiy-madaniy va boy ma'naviy merosini himoya qilish, tinch va osoyishta turmush kechirishini ta'minlash yo‘lida amalga oshirayotgan ishlarida ulkan muvaffaqiyat va zafarlar tilab qolamiz.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

27-sentabr - Xalqaro turizm kuni

🌎Xalqaro turizm kuni - Xalqaro turizm tashkiloti (UNWTO) Bosh Assambleyasi tomonidan 1979-yilda Ispaniyaning Torremolinos shahrida ta'sis etilgan va har yili 27-sentabrda nishonlanadi.

🇺🇿 Yurtimizga 2024-yilning yanvar-may oylarida 2,8 milliondan ortiq chet el fuqarolari turistik maqsadda tashrif buyurgan bo'lib, ushbu ko'rsatkich o'tgan yilning mos davri bilan taqqoslanganda 248,2 ming nafarga ya'ni 9,6 % ga oshganligi mamlakatimizda turizm sohasida sezilarli darajada o'sish bo'layotganidan dalolat beradi. Joriy yilning 5 oyi davomida quyidagi davlatlar fuqarolarining tashrifi amalga oshirilgan:

◼️Tojikiston – 871,5 ming nafar;
◼️Qirg'iziston – 857 ming nafar;
◼️Qozog'iston – 498,2 ming nafar;
◼️Rossiya – 289,6 ming nafar;
◼️Turkmaniston – 53,8 ming nafar;
◼️Turkiya – 42,1 ming nafar;
◼️Hindiston – 23,2 ming nafar;
◼️Xitoy – 22,8 ming nafar;
◼️Italiya – 15,3 ming nafar;
◼️Janubiy Koreya – 15,1 ming nafar;
◼️Boshqa davlatlar – 148,7 ming nafar

💐 Shu o'rinda, barcha turizm sohasi xodimlarini hamda fuqarolarimizni ushbu bayram bilan samimiy qutlaymiz. Mamlakatimizga tashrif buyurayotgan turistlar soni yanada ko'payaverishini hamda O'zbekiston iqtisodiyotida turizmning tutgan o'rni yanada yuqori bo'laverishini tilab qolamiz!

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

ISHONCH VA UMIDLARINI BOG'LOVCHI KO'PRIK

Assalomu alaykum hurmatli hamkasblar!
Bugun 2024 yil, 8-noyabr!

🗓 Bu kun tarixga "O'zboshimchalik bilan egallab olingan yer uchastkalariga hamda ularda qurilgan binolar va inshootlarga bo'lgan huquqlarni e'tirof etish to'g'risida"gi O'zbekiston Respublikasining 937-sonli Qonuni kuchga kirgan kun sifatida muhrlandi.

🇺🇿Bu kun necha yillardan buyon vatandoshlarimizni qiynab kelayotgan ulkan muammolaridan biriga bosqichma-bosqich barham berilishining muqaddimasidir.

⭐️🌟Mazkur sharafli, shuning bilan birga mashaqqatli faoliyatni ya'ni yurtimiz bo'ylab xatlov jarayonlarini boshlash arafasida ekanmiz, barchangizga kuch-quvvat, metin iroda, sabr-toqat, shijoat va g'ayrat tilab qolaman. Tashkilotimizdagi har bir xodimning, ayniqsa, kadastr muhandislari va topograflarning amalga oshirajak har bir zahmatli ishlari, mehnatlari biz uchun qadrlidir!

❕ Zero, mazkur muhim hodisada vatanimiz va yurtdoshlarimiz orasida ularning ishonch va umidlarini bog'lovchi ko'prik vazifasini bajarish aynan bizning zimmamizdagi burchimizdir.

🇺🇿 Ishonch bilan ayta olamanki, sizdek o'z kasbiga sadoqatli hamkasblarimiz bor ekan, yurtboshimiz, davlatimiz va xalqimizning bizga bildirayotgan yuksak ishonchlarini albatta yorug' yuz bilan oqlaymiz!

➡️ Shunday bo'lsada, har biringizdan yana bir bor o'z vazifalaringizni xalqimizni rozi qilish yo'lida halol, pok va vijdonan hamda sidqidildan bajarishingizni so'rab qolaman!

Hurmat ila
Davlat kadastrlari palatasi raisi M.K.Valiyev

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

O‘zbekistonda 11-noyabr - kasaba uyushmalari kuni

🇺🇿 Yurtimizda 2020-yil 23-noyabrdagi “O‘zbekiston kasaba uyushmalari kunini belgilash to‘g‘risida”gi 648-sonli qonuniga muvofiq, 11-noyabr mamlakatimizda kasaba uyushmalarining rasmiy kuni sifatida belgilanib, nishonlab kelinmoqda.

🇺🇿 O‘zbekiston Kasaba uyushmalari federatsiyasi 34,5 mingdan ortiq boshlang‘ich tashkilotni o‘z ichiga olgan 14 tarmoq kasaba uyushmasi tarkibida 5,5 million a’zoni, jumladan, 2,6 million nafar xotin-qizlar va 2 million nafardan ortiq 30 yoshgacha bo‘lgan yoshlarni birlashtirgan.

👍 Davlat kadastrlari palatasi Markaziy apparati Kasaba uyushmasi qo'mitasi tomonidan xodimlarni har tomonlama qo‘llab-quvvatlash va manfaatlarini himoya qilish, qulay va xavfsiz mehnat sharoitlarini ta'minlash, ularning madaniy xordiq olishlariga imkon yaratish hamda sog‘lom turmush tarzini targ‘ib qilish maqsadida turli madaniy hamda sport tadbirlari doimiy ravishda o'tkazib borilmoqda.

🇺🇿Davlat kadastrlari palatasi jamoasi barcha kasaba uyushmalari xodimlari, faollari hamda a'zolarini samimiy muborakbod etadi hamda xonadonlaringizdan hech qachon tinchlik-xotirjamlik, fayzu baraka, baxt va omad arimasligini tilaydi!

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

18-noyabr - O'zbekiston Respublikasi davlat bayrog'i qabul qilingan kun

Bugun
🟦Musaffolik
⬜️Tinch-totuvlik
🟩Yangilanish va yasharish
🩸Tomirlarimizda jo'shib oqayotgan qudrat ramzlarini o'zida mujassam etgan milliy ramzimiz – O'zbekiston Respublikasining Davlat bayrog'i qabul qilinganiga 33 yil to'ldi!

🇺🇿 Bayrog‘imiz xalqaro maydonda, jumladan, O‘zbekiston Respublikasi rasmiy delegatsiyalarining xorijiy mamlakatlarga safarlari chog‘ida, xalqaro tadbirlarda, konferensiyalarda, jahon ko‘rgazmalarida, sport musobaqalarida vatanimizni dunyo miqyosidagi o'rni yuqoriligini ifodalab kelmoqda.

🇺🇿 Vatanimiz bayrog'i qabul qilinganligining 33 yilligi munosabati bilan barcha yurtdoshlarimizni samimiy muborakbod etamiz. Ona yurtimiz bayrog'i xalqimizning asriy orzu-istaklari, g‘ayrati va shijoatini, o'zbekona urf-odatlarimizni mujassam etgan holda abadiy yuksaklarda hilpirab tursin!

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Konstitutsiya - mustaqilligimiz va farovonligimiz garovidir!

🇺🇿 Bugun 8-dekabr, istiqlolimizning dastlabki yillarida, davlatimizni rivojlantirish va unga erkin va adolatli jamiyat sifatida qarashimizda muhim asos bo'lib xizmat qilgan, qisqa davr mobaynida turli yo'nalishlarda ulkan yutuq va natijalarni zabt etishimizda mustahkam poydevor bo'lgan Bosh qomusimiz qabul qilingan kun.

🇺🇿 2023-yilning 30-aprel kuni esa umumxalq referendumi o'tkazilib, unda 65 foizga yangilanib, zamon talablariga muvofiq takomillashtirilgan yangi tahrirdagi Oʻzbekiston Respublikasi Konstitutsiyasi qabul qilinib, "Yangi O‘zbekiston"ni barpo etishga qaratilgan keng ko‘lamli islohotlarning huquqiy kafolati yanada mustahkamlandi!

🇺🇿 Xususan, yangi qomusimizda yerlarning xususiylashtirilishi mumkinligi haqidagi normalarning joriy etilishi, kadastr tizimi tomonidan yer bilan bog'liq mulkiy huquqlarni yanada samarali tashkil etilishida yirik ahamiyat kasb etdi.

📖 Konstitutsiya qaysi kasb, millat yoki din vakili bo'lishimizdan qat'iy nazar, har birimizning huquq va manfaatlarimizning bosh himoyachisidir. Shu munosabat bilan barcha vatandoshlarimizni ushbu tarixiy va buyuk sana - Oʻzbekiston Respublikasi Konstitutsiyasi qabul qilinganligining 32-yilligi bilan samimiy qutlaymiz. Yurtimizda tinchlik, osoyishtalik, adolat va qonun ustuvorligi hamisha bardavom bo'lsin.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

10-dekabr O'zbekiston Respublikasi davlat madhiyasi qabul qilingan kun!

🇺🇿 Bugun 10-dekabr, xalqimizning asriy orzu-umidlarini, milliy qadriyatlarimizni o'zida mujassamlashtirgan, mamlakatimiz ramzlari ichida badiiyligi jihatidan ajralib turadigan davlatimiz madhiyasi qabul qilingan kun.

🎼 Madhiyamiz o'zbek xalqining mustaqilligi, ozodligi va farovonligi, tarixiy yuksalishi va qadriyatlari, hamjihatligi, kelajakka bo'lgan ishonchi va yurtga sadoqati, shuningdek, vatanimizning tinchliksevar siyosati va millatlararo totuvlik kabi umumbashariy tuyg‘ularni tarannum etadi.

🎵 U nafaqat O‘zbekistonda, balki dunyo bo‘ylab milliy g‘ururimiz va yurtimizni barqaror rivojlanishiga bo‘lgan ishonchimiz, xalqimizning mardlik, ezgulik va yuksak qadriyatlarini madh etib, ona zaminimiz ravnaqi yo‘lida yanada mustahkam poydevor yaratishda davom etmoqda.

🎶 O'zbekiston Respublikasi davlat madhiyasi qabul qilinganining 32 yilligi bilan samimiy qutlaymiz. Vatanimiz madhiyasi yuksak marralarni zabt etayotgan hamyurtlarimiz sharafiga, xalqaro tashkilotlar va jahon arenalarida milliy g'urur hissini baxsh etgan holda, baralla yangrashda davom etishini tilaymiz.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

22-dekabr - Energetika xodimlari kuni

⚡️ Bugun hayotimizning ajralmas qismiga aylangan, barcha sohalar va tarmoqlar faoliyatining uzluksizligi bevosita bog'langan energetika tizimi xodimlari kuni. Hozirgi texnologiyalar jadal rivojlangan ayni zamonda elektr energiyasi ta'minotida bir kun, hatto bir soatga uzilish kuzatilishi hammamizni havotirga solishi shubhasiz.

💡 Zamonaviy hayotimizdagi jamiki vositalar va uskunalarning harakatlanishi, uylarimiz va ishxonalarimizning yorug', qishda issiq, yozda esa salqin bo'lishi soha xodimlarining tun-kun olib borayotgan mashaqqatli mehnatlari samarasidir desak, mubolag'a bo'lmaydi.

🌟 Shunday ekan, Davlat kadastrlari palatasi jamoasi mazkur mas'uliyatli va sharafli kasb vakillari bo'lgan barcha - energetiklar,elektriklar, montyorlar va muhandislarni kasb bayramlari bilan samimiy qutlaymiz. Faoliyatingiz xavfsiz, samarali va uzluksiz bo'lishiga tilakdoshmiz!

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter