#MUNOSABAT

🗺 Toshkent viloyatining Chirchiq shahri “Iftixor” MFY hududida bunyod etilayotgan “Yangi Oʻzbekiston” massividagi 11 va 12-sonli  uylarda yuzaga kelgan holatni oʻrganish va yechim topish maqsadida  ishchi guruhi tashkil etilganidan xabaringiz bor.

Respublika Qurilish va uy-joy kommunal xoʻjaligi sohasida nazorat qilish inspeksiyasi rahbari Kozim Toʻlaganov boshchiligidagi ishchi guruh tarkibida Qurilish va uy-joy kommunal xoʻjaligi vazirligi va uning huzuridagi loyiha institutlari, “Qishloqqurilishloyiha”, shuningdek, “OʻzGASHKLITI” loyiha-qidiruv tashkilotlari masʼullari, Toshkent viloyati va Chirchiq shahri hokimligi mutasaddilari, sektor rahbarlari, qurilish-pudrat tashkiloti vakillari bor.

Bugungi kunda yuzga kelgan holat yuzasidan ushbu ko'p qavatli turar-joyning holati o'rganilib, holatni oldini olishda bir qator ishlar amalga oshirilmoqda. Xususan, ko'p qavatli turar-joy binolarining foydalanuvchilariga vaziyat o'rganilib, nazoratga olinganligi ta'kidlandi.

Rasmiy sahifalarimizga a'zo bo'ling👇
|Web| Instagram|Facebook|Telegram|

#MUNOSABAT

➡️Qurilish va uy-joy kommunal xo'jaligi sohasida nazorat qilish inspeksiyasi boshlig'i Kozim To'laganov topshirig'iga asosan "Qishloqqurilishloyiha" MJCH bosh loyiha qidiruv instituti mutaxassislari tomonidan Chirchiq shahar "Iftixor"MFY hududida qurib bitkazilgan turar-joy binosi ya'ni 11 hamda 12-uylarning texnik holati o'rganildi.

Unga ko'ra:

➖ 11 va 12-turar joy binolarining yuk ko'taruvchi konstruksiyalarida nuqsonlar, yoriqlar va boshqa shikastlanishlar kuzatilmaganligi sababli qoniqarli holatda ekanligi aniqlandi;

➖ turar joylarning yer to'la devorlari beton sinfi B20 (M250), devor panellari beton sinfi B (M250) va tom yopma plitalari beton sinfi B25 (300M)ni tashkil etmoqda.

Ayni damda ushbu qurilish obyektida SHNQ 2.02.01.98 "Bino inshootlar asoslari" me'yorlarining 2.68, 2.69 va 3-13-bandlari talablariga asosan har 300 mmda qatlam-qatlam gruntning mustahkamligi 1.65/m3 ga yetgunga qadar shibbalab, uni qayta ko'mish ishlari bajarilmoqda hamda SHNKning 2,01,09-97 ya'ni "Cho'kuvchan va o'ta cho'kuvchan gruntli hududlarda quriladigan bino va inshootlar" 9-bandiga talablariga muvofiq bino premetri bo'ylab eni 200mmli tarkibida nometall armaturasi bo'lgan qalinligi 100mmli beton yo'lak ya'ni (otmostka) ishlari amalga oshirilmoqda.

Mazkur ilk bosqichdagi ishlarni bajarish uchun pudrat tashkilotiga loyihaviy yechimlar taqdim etildi.

Amalga oshirilayotgan loyihaviy yechimlar pudrat tashkiloti tomonidan to'liq bajarilgandan so'ng ushbu binolarni kelajakda xavfsiz ravishda ekspluatatsiya qilish bo'yicha ikkinchi navbatdagi konstruktiv loyiha yechimlari ishlab chiqiladi.

Yuqoridagi holatdan kelib chiqqan holda mutaxassislar tomonidan hozirda ushbu turar-joy binolari avariya holatida emasligi aniqlandi.

Rasmiy sahifalarimizga a'zo bo'ling👇
|Web| Instagram|Facebook|Telegram|