#ИнноWеек_2023

Чирчиқ шаҳрида "INNОWЕЕК" – инновацион ғоялар ҳафталигига старт берилди

Ўзбекистон Республикаси Президентининг 2018 йил 27 апрелдаги “Инновацион ғоялар, технологиялар ва лойиҳаларни амалий жорий қилиш тизимини янада такомиллаштириш чора-тадбирлари тўғрисида”ги 3682-Қарори, шунингдек, 2022 йил 6 июлдаги “2022-2026 йилларда Ўзбекистон Республикасининг инновацион ривожланиш стратегиясини амалга ошириш бўйича ташкилий чора- тадбирлар тўғрисида”ги 307-Қарорига асосан ҳар йили республика бўйлаб “InnoWeek.uz” инновацион ғоялар ҳафталиги тадбирлари ўтказилиб келинмоқда.

Чирчиқ шаҳрида жойлашган Чирчиқ давлат педагогика университетида бугун “Креатив таълим ва инновациялар – янги Ўзбекистон тараққиётининг асоси” шиорида остида “InnoWeek.uz-2023” халқаро инновацион ғоялар ҳафталигига старт берилди.

Тадбирни шаҳар ҳокими Даврон Хидоятов очиб берди.

Ҳафталик доирасида ёшлар ўртасида стартап лойиҳалар танлови, кўргазма ва семинарлар ташкил этилди. Уларда тақдим этилган лойиҳалар муқобил энергетика, биотехнология, кимё саноати, робототехника, материалшунослик ва бошқа йўналишларда олиб борилган тадқиқотлар натижаларидир.

Ушбу тадбир жорий йил 17-20 октябрь кунига қадар республикамиз бўйлаб давом этади.

Чирчиқ шаҳар ҳокимлигининг Ахборот хизмати

💬 Telegram 🌐 Facebook
🌐 Instagram 🌎 Web-site