#Izoh

Bir oz avval ijtimoiy tarmoqlarda “Bekobodda bir to‘da fuqarolar ishtirokida janjal, ichki ishlar xodimlari ularni ajratmoqda” izohi tarqatilgan video xabar yuzasidan

Holatga ko‘ra, 2022 yilning 11 mart kuni taxminan soat 11:30 larda Bekobod tuman IIB Navbatchilik qismiga tuman “Qoraqo‘yli” MFY hududida 1991 y.t. F.M. o‘ziga avvaldan tanish bo‘lgan fuqaro Y.X. bilan kelishmovchilik natijasida janjallashib qolgani haqida xabar kelib tushgan (ular orasida avvaldan oilaviy kelishmovchilik bo‘lgan).

Shundan so‘ng, fuqaro Y.X. tan jarohati bilan tuman markaziy shifoxonasiga murojaat qilgan va voqea haqida ikki nafar o‘g‘liga xabar bergan. Shuningdek, fuqaro F.M. ham yaqinlariga xabar bergan.

Xabar yuzasidan yetib borgan IIB xodimlari shifoxona hovlisida 7 nafar fuqarolar o‘rtasida yuzaga kelgan nizoli vaziyatni bartaraf etib, xizmat vazifasini bajargan.

Hozirda mazkur holat yuzasidan tergovga qadar tekshiruv harakatlari olib borilmoqda.

@BB_Tulyaganov

#Izoh

❗️Yolgʻon axborot tarqatish maʼmuriy va jinoiy javobgarlikka sabab boʻladi

Bugun “Oʻzbekiston 24” va “Kun u Tun” nomli norasmiy telegram kanallarida ruhiy kasalliklar dispanserida roʻyxatda turuvchi ayolning surati qoʻyilib, “U Boʻstonliq tumanida voyaga yetmagan bolalarni oʻgʻirlashga urinmoqda” mazmunidagi xabar tarqatildi.

Ushbu xabarlar yolgʻon va mutlaqo haqiqatga toʻgʻri kelmaydi.

Batafsil👉 https://bit.ly/3twetc6


@BB_Tulyaganov

#Izoh

Ayni damda ijtimoiy tarmoqlarda “Toshkent viloyati hududida "kamera"lar kamarsiz harakatlangan va telefondan foydalangan haydovchilarni ham suratga olmoqda” kabi xabarlar tarqalmoqda.

Mazkur xabar haqiqatga mos emas. Bugungi kunga qadar Toshkent viloyati hududida xavfsizlik kamari taqmaganlik yoki telefondan foydalanganlik holati radar kamera orqali qayd etilib, jarima belgilanmagan.


@BB_Tulyaganov

#Izoh

Piskent tumanida yashovchi fuqaroning ijtimoiy tarmoq orqali yo‘llagan murojaati yuzasidan

Bugun, 14 dekabr kuni Toshkent viloyati Piskent tumani “Murodali” MFYda yashovchi 1973 y.t. fuqaro Shaxlo Shokirovaning internet ijtimoiy tarmog‘i orqali yo‘llagan video murojaati yuzasidan.

Murojaat tegishli tartibda Toshkent viloyati IIBB xodimlari tomonidan o‘rganildi.

Aniqlanishicha, joriy yil 2 dekabr kuni Piskent tumanida o‘tkazilgan ochiq sud majlisida, IIB Probatsiya hisobida turuvchi 24 yoshli fuqaro J.Q. (Sh.Shokirovaning jiyani) bir necha bor ogohlantirilgan bo‘lsada sudning hukmi bilan o‘tashi lozim bo‘lgan 2 yil axloq tuzatish ishlari jazosidan bo‘yin tovlab kelganligi hamda belgilangan cheklovlarga amal qilmaganligi sababli unga tayinlangan jazo shu muddatga ozodlikdan mahrum qilish jazosiga almashtirilgan.

Sud ajrimiga ko‘ra, fuqaro J.Q. Sayyor sud majlisida shu zaldan qamoqqa olingan va tegishli tartibda hibsxonaga joylashtirilgan.

IIB Probatsiya bo‘limi xodimlari tomonidan shu kunning o‘zida fuqaro J.Q.ning ota-onasi bilan profilaktik suhbat o‘tkazilib, jarayonda o‘g‘lining qonun buzilishiga yo‘l qo‘ygani uchun sudda o‘g‘lining jazosi almashtirilgani to‘g‘risida huquqiy tushuncha berilgan.

Maʼlumot o‘rnida, fuqaro 1998 y.t. J.Q. 2022 yil 12 avgust kuni JIB Piskent tuman sudi tomonidan O‘zbekiston Respublikasi JKning 266-moddasi 2 qismi bilan aybli deb topilib, 2 yil muddatga ATI jazosiga hukm qilingan.


@BB_Tulyaganov

#Izoh

Olmaliq shahrida sodir bo‘lgan YTH yuzasidan

Bugun, 8 noyabr kuni soat taxminan 07:20larda Olmaliq shahar Totuvlik va Ehtirom ko‘chalari kesishgan chorrahada (24 yoshli haydovi A.G‘. boshqaruvida bo‘lgan) Cobalt transport vositasi va (56 yoshli xaydovchi S.S. boshqaruvida bo‘lgan) Isuzu avtobus ishtirokida yo‘l transport hodisasi sodir bo‘lgan.

YTH natijasida tan jarohati olganlar yo‘q. Cobalt transport vositasining motor qismida qisqa tutashuv sodir bo‘lishi oqibatida avtoulov qisman yongan. Yong‘in qisqa muddat ichida hududiy FVB tomonidan bartaraf etilgan.

Hozirda holat yuzasidan Toshkent viloyati IIBB JXX YHXB tomonidan surishtiruv olib borilmoqda.


@BB_Tulyaganov

#Izoh

❗️Ijtimoiy tarmoqlarda tarqalgan “Parkent tumanida sodir bo‘lgan hodisa” yuzasidan

Bugun, 17-dekabr kuni Toshkent viloyati Parkent tumanida joylashgan “Lion park” xususiy hayvonot bog‘ida bir qafasda saqlanayotgan 3 ta sher hayvoni qafasdan hayvonot bog‘i hovlisiga chiqib ketgan.

Voqea vaqtida maskan ish faoliyatida bo‘lmagan va yopiq bo‘lgan. Hovliga chiqib ketgan sherlar shu yerda qorovul bo‘lib ishlovchi, 1980 y.t. fuqaro (F.I.)ga tashlanib unga jarohat yetkazgan. Afsuski, 44 yoshli fuqaro olgan tan jarohati natijasida vafot etgan.

Ko‘rilgan choralar natijasida sherlar maxsus qafasga qaytarilgan. Atrofdagi boshqa shaxslarga zarar yetmagan. Hozirda mahalliy aholi uchun xavf-xatar yoq.

Holat yuzasidan Parkent tumani IIB tomonidan tergovga qadar tekshiruv harakatlari olib borilmoqda.


@BB_Tulyaganov

#Izoh

Ijtimoiy tarmoqlarda tarqalgan, bolalar bog‘chasida kobra ilonlari bilan tomosha ko‘rsatilgani aks etgan videodagi holat Toshkent viloyati IIBB nazoratiga olingan. Holat yuzasidan Piskent tumani IIB xodimlari tomonidan tergovga qadar tekshiruv harakatlari olib borilmoqda.

Natijasi bo‘yicha qo'shimcha axborot beriladi.

@BB_Tulyaganov

#Izoh

❗️Fuqarolar oʻrtasidagi janjal aks etgan video internetda tarqalib muhokamalarga sabab boʻlmoqda

Mazkur holat bundan bir oy avval, 25-iyun kuni soat 21:30 larda Chirchiq shahrida sodir boʻlgan. Shu kuni Chirchiq shahar IIBga 10-kichik nohiyada fuqarolar oʻrtasida o'zaro janjal boʻlayotgani haqida xabar kelib tushgan.

Tarqalgan videoda chaqiruvga asosan yetib borgan ichki ishlar xodimlarining janjalli vaziyatni bartaraf etish harakatlari aks etgan.

Holat yuzasidan surishtiruv yakunlanib, tegishli hujjatlar rasmiylashtirilgan va qonuniy chora koʻrish uchun sudga yuborilgan.


@BB_Tulyaganov

#Izoh

❗️Yangiyo‘l tumanida sodir bo‘lgan holat internetda tarqalib, jamoatchilik muhokamasiga sabab bo‘lmoqda

Mazkur holat yuzasidan tuman IIB xodimlari tomonidan olib borilgan dastlabki surishtiruvga ko‘ra, voqea bugun, 31-iyul kuni tonggi soat 05:00larda sodir bo‘lgan.

Yangiyo‘l tumanida yashovchi 27 va 20 yoshli er-xotin uyda o‘zaro janjallashib, natijada ayol turmush o‘rtog‘i boshqaruvidagi avtomashina shinasini uydan olgan oshxona pichog‘i bilan teshgan.

Shundan so‘ng er pichoqni olib qo‘yishga uringanida, ayol pichoqni bermaganligi va o‘tgan vaqt davomida ular mazkur holat bo‘yicha ichki ishlar organlariga murojaat qilmagani aniqlangan.

Ayni vaqtda holat yuzasidan tergovga qadar tekshiruv ishlari olib borilmoqda. Qonun doirasida tegishli choralar ko‘rilishi ta’minlanadi.

Surishtiruv jarayonda fuqarolar bilan IIB mas’ul rahbarlari tomonidan profilaktik suhbat o‘tkazilib, oila “mahalla yettiligi” tomonidan nazoratga olindi.


@BB_Tulyaganov