Ўзингизни эҳтиёт килинг!

Замон оғир, дунё мураккаб,
Яшаяпмиз, юракни алдаб,
Ташвишлар ҳам бўларда, бир гап,
Ўзингизни эҳтиёт килинг!

Майли ҳаёт азобга солсин,
Дард дегани домига олсин,
Дунёлари бошидан қолсин,
Ўзингизни эҳтиёт қилинг!

Одамларга боқасиз, қуюқ,
Дейсиз: "унинг зарра гарди йўқ",
Қўйинг дўстим, кимнинг дарди йўқ,
Ўзингизни эҳтиёт қилинг!

Мана яшаб юрибмиз биз ҳам,
Босилгайдир, изтироб, из ҳам,
Туғилгансиз бир марта, сиз ҳам,
Ўзингизни эҳтиёт қилинг!

Қаранг, кўкда ой кўзин сузар,
Умр тотли, яшамоқ гўзал,
Ҳар неда бир ҳикмат бор, азал,
Ўзингизни эҳтиёт қилинг!

Ҳар умрнинг бордир ёз-қиши,
Тугамайди ҳаёт ташвиши,
Жуда яқин ойнинг ўн беши,
Ўзингизни эҳтиёт қилинг!

Гоҳ дўстлардан кўнглингиз оғрир,
Ҳамма сиздан тортгандай бағир,
Оилангизга кераксиз ахир,
Ўзингизни эҳтиёт қилинг!

Фарзандлар хам борар улғайиб,
Яшаманг ҳеч маюс-мунғайиб,
Қани дўст, бир қўйинг жилмайиб,
Ўзингизни эҳтиёт қилинг!

✍ Ўлмасбек Самарқандий

•┈┈┈•❈••✾••❈•┈┈┈•
🌐 https://t.iss.one/AOKA_Surxondaryo

Расулуллоҳ соллаллоҳу алайҳи васаллам дедилар:

«Ҳақ бўла туриб жанжални тарк этган кишига жаннат ёнидаги бир уйга кафилман.

Ҳазилдан бўлса ҳам, ёлғонни тарк этган кишига жаннат ўртасидаги бир уйга кафилман.

Хулқи чиройли кишига жаннатнинг энг юқорисидаги бир уйга кафилман».

Кунингиз хайрли бўлсин, азизлар!

https://t.iss.one/AOKA_Surxondaryo

Клавиатура овозидан матнларни ўқий оладиган алгоритм ишлаб чиқилди

Британиялик мутахассислар фойдаланувчилар томонидан босилган тугмаларни товуш орқали аниқлайдиган алгоритмни ишлаб чиқди. Бу ҳақда “Hackaday” нашри хабар берди.

Ушбу алгоритм клавиатурада босилган тугмаларни уларнинг товушидан 97 фоиз аниқлик билан ажрата олади. Бу усулдан фойдаланиб хакерлар барча ёзилган хабарларни ўқиши мумкин. Махфийликнинг бузилиши маълумотлар ва паролларнинг хавфсизлигига ҳам дахл қилади.

“Масалан, паролни тераётганда одамлар мунтазам равишда экранларини яширишади, лекин клавиатура овозини пасайтиришмайди”, дейди тадқиқотчилардан бири.

🌐 https://t.iss.one/AOKA_Surxondaryo

📲 Telegram | Facebook | Web-site

Нима учун иссиқда помидор шарбатини ичиш керак?

▪️ Помидор шарбати витамин ва минераллар омборидир. У асаб тизимининг барқарорлиги учун масъул бўлган Б гуруҳининг элементларини ўз ичига олади.

▪️ Шунингдек, помидор шарбати иссиқ ҳавода ташналикни қондиришнинг ажойиб усули ҳисобланади. Бу танани терлаш билан фаол равишда тарк этадиган электролитларни тўлдиришга ёрдам беради.

▪️ Электролитлар – организм учун етарли миқдорда қабул қилиниши муҳим бўлган минералларнинг ионли эритмалари (тузлари). Ушбу моддалар соғлом асаб ва мушакларнинг фаолиятини қўллаб-қувватлайди. Бу эса танадан токсинларни олиб ташлашга ёрдам беради.

▪️Помидор шарбати эса нафақат ташналик билан курашади, балки қонни суюлтиради, бу ҳам иссиқда жуда муҳимдир.

🌐 https://t.iss.one/AOKA_Surxondaryo

📲 Telegram | Facebook | Web-site

“Бир Ватанда, бир вақтда, бир масофага, бир мақсадда – бирга югурамиз”

Ўзбекистон Республикаси мустақиллигининг 32 йиллиги муносабати билан 2023 йилнинг 3 сентябрь куни мамлакатимизнинг 16 та шаҳри – Тошкент, Нурафшон, Гулистон, Андижон, Наманган, Фарғона, Жиззах, Самарқанд, Навоий, Бухоро, Қоровулбозор, Термиз, Қарши, Ғузор, Хива ва Нукусда “Янги нафас” оммавий югуриш мусобақаси бўлиб ўтади.

7 ёшдан 70 ёшгача бўлган фуқаролар иштирокида “Бир Ватанда, бир вақтда, бир масофага, бир мақсадда – бирга югурамиз” шиори остида ўтказиладиган мусобақада югурувчиларга пойтахтда 3 ва 10 километрга тенг бўлган икки хил масофа, бошқа шаҳарларда 3 километрлик битта масофа тақдим этилади.

3 км масофада 9 ёш ва ундан катталар, 10 км масофада 14 ёш ва ундан катталарнинг иштирок этишига рухсат берилади. Югуриш мусобақаси барча шаҳарларда бир вақтда – соат 6:30 да старт олади. Ғолиблар қимматбаҳо совғалар билан тақдирланади.

Соғлом ҳаётни танланг ва сафимизда бўлинг!

🌐 https://t.iss.one/AOKA_Surxondaryo

Ўқишга киритиб қўйишни ваъда қилган фирибгар ушланди

Бош прокуратура ҳузуридаги Департаментнинг Денов туман бўлими томонидан ИИБ ходимлари билан ҳамкорликда ўтказилган тезкор тадбирда Шўрчи Абу Али Ибн Сино номидаги жамоат саломатлиги техникуми ўқитувчиси С.О. фуқаро Д.И.ни юқори лавозимда ишловчи танишлари ёрдамида ушбу техникумга ўқишга киритиб қўйиш эвазига 8,1 млн сўмни олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.

🌐 https://t.iss.one/AOKA_Surxondaryo

📲 Telegram | Facebook | Web-site

Она бор дунёда яшаш бошқача

Она бор дунёда яшаш бошқача,
Онанинг таърифию меҳри бошқача.
Кирса ҳамки ҳатто тўқсон, юз ёшгача,
Она бор ҳаётда яшаш бошқача.

Яшайди онамиз бизларни ўйлаб,
Туну кун Худодан бахтимиз сўраб.
Онасиз қолганлар тўймайди йиғлаб,
Она бор ҳаётда яшаш бошқача.

Одамда мартаба, обрў бўлса ҳам.
Қўлида миллионлаб пули бўлса ҳам,
Ёнида отаси ҳаёт бўлса ҳам,
Она бор ҳаётда яшаш бошқача.

Оналар доимо ҳурматда бўлсин,
Фарзандин бахтини албатта кўрсин.
Етимлик дардининг азоби қурсин,
Она бор ҳаётда яшаш бошқача.

Етимлик дардини етим билади,
Унинг бу дунёси бир кам бўлади.
Ўзидан ўтганин ўзи билади,
Она бор ҳаётда яшаш бошқача.

Онангиз умрига умр тилайман,
Бир умр туганмас бахтни тилайман.
Онаси йўқлардан узр сўрайман,
Она бор ҳаётда яшаш бошқача!

🌐 https://t.iss.one/AOKA_Surxondaryo

📲 Telegram | Facebook | Web-site

Бугун туғилган кун — Ҳусниддин Мамадиев

Сурхондарё вилояти Мактабгача ва мактаб таълими бошқармаси бошлиғи Мамадиев Ҳусниддин Норбоевич 1984 йилда Ангор туманида туғилган.

2005 йил Ўзбекистон миллий университети, 2012 йил Тошкент давлат маданият институтини тамомлаган. Маълумоти бўйича мутахассислиги – социолог, ҳуқуқшунос, маданият, таълим ва фан социологияси.

Меҳнат фаолияти давомида Давлат бошқаруви академияси бўлим бошлиғи, Республика ёшлар маркази директори, Олмазор тумани ҳокимининг ўринбосари – “Ёшлик” шаҳарчаси ҳокими, Президент таълим муассасалари агентлиги Сурхондарё вилояти ҳудудий бўлими бошлиғи лавозимларида ишлаган.

🌐 https://t.iss.one/AOKA_Surxondaryo

📲 Telegram | Facebook | Web-site

Президентнинг тадбиркорлар билан ўтказиладиган очиқ мулоқотига тайёргарлик

10 август ҳолатига кўра,
«Тадбиркор виртуал офиси» ахборот порталига 1982 та мурожаат келиб тушган.

1100 қисқа рақамли ишонч телефони орқали
– 734 та
Business.gov.uz ахборот портали орқали
– 318 та
Бизнес-омбудсман сайёр қабули орқали
– 930 та

Мурожаатларда кўтарилган асосий масалалар

Банк, молия ва кредит масалалари – 642 та
Инфратузилма масалалари – 285 та
Ер, кадастр, архитектура масалалари – 277 та
Солиқ масаласи – 179 та
Бошқа масалалар – 615 та

Энг кўп мурожаат тушган ҳудудлар

Қорақалпоғистон Республикаси – 274 та
Қашқадарё вилояти – 181 та
Тошкент шаҳри – 182 та
Самарқанд вилояти – 177 та
Навоий вилояти – 147 та

🌐 https://t.iss.one/AOKA_Surxondaryo

📲 Telegram | Facebook | Web-site

Термиз туманидаги таълим муассасалари янги ўқув йилига тайёр

2023-2024 янги ўқув йилига Термиз туманидаги 30 та умумий ўрта таълим мактаблари шай ҳолатга келтирилди. Қолган 3 та (3-, 22-, 25-сонли мактаблар) умумий ўрта таълим мактабларида бугунги кунда қурилиш-таъмирлаш ишлари олиб борилмоқда.

🌐 https://t.iss.one/AOKA_Surxondaryo

📲 Telegram | Facebook | Web-site

Мактабларда дарслар 4 сентябрдан бошланади

Ўзбекистон Республикаси Президентининг "2023 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида" 2022 йил 23 декабрдаги ПФ-270-сон фармони асосида, Мустақиллик байрами муносабати билан ўзбекистонликлар кетма-кет 3 кун дам олади.

Ушбу дам кунлари сентябрнинг дастлабки 3 кунини ўз ичига олади:

1 сентябрь – жума (ишланмайдиган байрам куни);
2 сентябрь – шанба (олти кунлик иш ҳафтасидаги ходимлар учун қўшимча дам олиш куни);
3 сентябрь – якшанба (дам олиш куни).

Шу муносабат билан таълим муассасаларида дарс жараёнлари 4 сентябрдан бошланади.

🌐 https://t.iss.one/AOKA_Surxondaryo

📲 Telegram | Facebook | Web-site

Кредит маблағларини талон-торож қилиш ҳолати аниқланди
 
Бош прокуратура ҳузуридаги Департаментнинг Қумқўрғон туман бўлими томонидан ўтказилган терговга қадар текширувда “S.L.” ва “Қ.Т.” МЧЖ норасмий раҳбари У.Ж. ва бошқалар тижорат банки хизматлар марказидан “S.L.”  МЧЖга лимончилик учун иссиқхона қуришга мақсадида ажратилган кредитни “Қ.Т.” МЧЖга ўтказиб, амалда замонавий иссиқхона ташкил этмосдан, сохта ҳужжатлар орқали ушбу маблағни лизинг тўловлари ва бошқа мақсадларга йўналтириш орқали жами 1 млн АҚШ долларлик маблағларни ўзлаштириш йўли билан  талон-торож қилганликлари аниқланган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 209-моддаси (мансаб сохтакорлиги) билан жиноят ишлари қўзғатилиб, тергов ҳаракатлари ўтказилмоқда.   

🌐 https://t.iss.one/AOKA_Surxondaryo

📲 Telegram | Facebook | Web-site

1-синфга борадиган ўқувчилар учун “Президент совғаси” жамланмасини мактабларга етказиб бериш бошланди

“Президент совғаси” таркибида 12 турдаги ўқув қуроллари мавжуд:

- Ўқувчи сумкаси
- 12 дона дафтар
- Расм дафтари
- Aкварел бўёқлари
- Рангли қоғоз
- Қаламдон
- Шарикли ручка
- Рангли қалам
- 2 дона оддий қалам
- Пластилин
- Елим
- 2 дона ўчирғич

🌐 https://t.iss.one/AOKA_Surxondaryo

📲 Telegram | Facebook | Web-site

Қандай маҳсулотлар ёғни тезроқ эритишга ёрдам беради?

🌶 Аччиқ қизил қалампир таркибидаги мавжуд моддалар ёғларнинг эришини тезлаштиради ва энергия сарфини оширади, қорин ёғларидан халос бўлишга ёрдам беради.

🫖 Кўк чой кўпроқ калория сарфлашга ёрдам беради.

🌱 Ялпиз калория сарфини оширади, ёғли таомлар туфайли килограмм ортишининг олдини олади ва инсулин сезгирлигини ўзгартиради.

🐟 Ёғли балиқ таркибида омега-3 ёғ кислоталари мавжуд бўлиб, улар ортиқча вазн билан курашишда ёрдам беради.

🌐 https://t.iss.one/AOKA_Surxondaryo

📲 Telegram | Facebook | Web-site

⚡️ Бугун — Давлат солиқ хизмати органлари ходимлари куни

12 август — Ўзбекистон Республикаси Давлат солиқ хизмати органлари ходимлари куни муносабати билан соҳа ходимлари ва фахрийларини самимий табриклаймиз.

Азиз солиқчилар!

Сизнинг давлат ва жамият тараққиёти, ижтимоий соҳа ривожи ҳамда аҳоли турмуш даражасини ошириш йўлидаги фидокорона меҳнатларингиз биз учун доимо қадрлидир.

Барчангизга мустаҳкам соғлик, хонадонларингизга файз-у барака, масъулиятли фаолиятингизда янги зафарлар тилаймиз.

Касб байрамингиз муборак бўлсин!

🌐 https://t.iss.one/AOKA_Surxondaryo

📲 Telegram | Facebook | Web-site

Сурхондарёда қамишлар орасига яшириб кетилган 10 кгдан ортиқ наркотик модда топилди

Сурхондарё вилояти Музработ тумани ҳудудидаги қамишзордан 10 килограмдан ортиқ опий моддаси топилди. Бу ҳақда Давлат хавфсизлик хизмати хабар берди. 

Қайд этилишича, ДХХ ходимлари томонидан туман ҳудудидан оқиб ўтувчи Амударё қирғоғидаги қамишлар орасига номаълум шахслар томонидан яширилган шубҳали полиэтилен қоп топиб олинган. Холислар иштирокида ушбу қоп кўздан кечирилганда унинг ичида 10 дона ўрамда гиёҳвандлик воситаси борлиги маълум бўлган. Экспертиза хулосасига кўра, ушбу ўрамларда соф вазни 10 килограмм 38 грамм бўлган опий моддаси борлиги аниқланган.
 
Ҳозирда мазкур ҳолат юзасидан хизматнинг Сурхондарё вилояти бўйича бошқармаси тергов бўлими томонидан Жиноят кодексининг 246-моддаси (контрабанда) 2-қисми билан жиноят иши қўзғатилиб, ушбу гиёҳвандлик моддаси эгаларининг шахсига аниқлик киритиш бўйича зарур чора-тадбирлар олиб борилмоқда. 

🌐 https://t.iss.one/AOKA_Surxondaryo

📲 Telegram | Facebook | Web-site

Биз севиб истеъмол қиладиган чипслар саратонга олиб келишини биласизми?

Баъзилар картошка чипсларининг зарарини фақат унинг кўп ёғлилиги билан чегараланган деб ҳисобласа, баъзилари эса унинг хавфлилиги омили сифатида юқори шўрлигини кўришади.

Лекин юқорида санаб ўтилган зарарлардан ташқари, маълум шароитларда картошка чипслари таркибида саратон қўзғатувчи акриламид деб аталадиган заҳар бўлишини кўпчилик ҳисобга олмайди.

Бу заҳарли моддалар саратон эҳтимолини оширишдан ташқари, тананинг иммунитетини заифлаштириши ва ҳатто бепуштликка олиб келиши мумкин.

🌐 https://t.iss.one/AOKA_Surxondaryo

📲 Telegram | Facebook | Web-site