⚡️ Бугун Давлат божхона хизмати органлари ходимлари куни

Азиз божхоначилар!

Сизларнинг Ватанимиз равнақи, юртимиз тинчлиги ҳамда халқимиз фаровонлиги йўлида олиб бораётган шарафли ва масъулиятли хизмат фаолиятингизда улкан муваффақиятлар тилаймиз.

Ватаннинг заррасин асраб қолган кун,
Байрамдир божхона ходими учун.
Ҳар куни қутламай мен сизни нечун,
Божхона заҳмати фақат бож эмас!

💐 Касб байрамингиз муборак бўлсин!

🌐 https://t.iss.one/AOKA_Surxondaryo

Якшанбани яқинларга бағишланган эътибор билан безанг

Якшанба – ҳаётимиздаги бир оз танаффус, дунё шовқинидан, кундалик шошилишлардан ҳаловат олиш  вақти. Бу кун нафақат дам олиш учун, балки қалбингизга ором бериш, ўзингизни руҳан қайта тиклаш ва янги ҳафтани режалаштириш учун ажойиб имкониятдир.

Якшанба – бизга ҳаётнинг зебини, яқинларимиз қадрини ва оддий лаҳзаларнинг гўзаллигини эсга соладиган кун. Яқинларингизга қўнғироқ қилинг, бу қўнғироғингиз, самимий бир гапингиз улар учун энг катта туҳфа бўлиши мумкин. Улар билан дастурхон атрофида йиғилинг – ҳаётнинг энг чиройли лаззати айнан ана шу содда ва самимий лаҳзалардадир.

Якшанба – бу янги ҳафтага куч-қувват тўплаш куни. Табиат қучоғига чиқинг ёки кўнгилочар фаолият билан машғул бўлинг. Бу кунни бахт, ишонч ва орзу-умидлар билан тўлдиринг. Чунки эртасига янги имкониятлар эшиги очилади.

Якшанбанинг ҳар дақиқасини қадрланг. Сизга бугунги кун тинчлик, ором ва чексиз завқ олиб келсин!

🌐 https://t.iss.one/AOKA_Surxondaryo

⚡️ Ўзбекистон ва Афғонистон Ҳайратон—Мозори Шариф темирйўлидан фойдаланиш бўйича шартномани узайтирди

2025 йил 21-23 январь кунлари Тошкент шаҳрида Афғонистон Жамоат ишлар вазирининг темир йўл масалалари бўйича ўринбосари М.И. Соҳибзода бошчилигидаги делегация билан самарали учрашувлар ташкил этилди.

Ўзбекистон Республикаси Транспорт вазири И.Маҳкамов бошчилигида ўтказилган учрашувда афғон томони билан трансафғон темир йўл қурилиш лойиҳасини амалга оширишни жадаллаштириш юзасидан фикр алмашилди ва томонлар келгуси ишларни ташкил этиш бўйича келишиб олдилар.

Шу билан бирга, икки давлат темир йўл маъмуриятлари ўртасида фаол ҳамкорликни янада мустаҳкамлаш мақсадида «Ҳайратон – Мозори-Шариф» темир йўлидан фойдаланиш ва унга хизмат кўрсатиш бўйича шартномани узайтириш юзасидан келишувга эришилди.

Бунда «Ўзбекистон темир йўллари» АЖнинг «Согдиана транс» МЧЖ «Ҳайратон – Мозори-Шариф» темир йўлига хизмат кўрсатувчи оператор сифатида сақланиб қолади.

🌐 https://t.iss.one/AOKA_Surxondaryo

🇺🇿 Ўзбекистон Республикаси доимий аҳолисининг яшаш жойлари бўйича тақсимланиши

🏢 Статистика агентлиги маълумотларига кўра, 2025 йил 1 январь ҳолатига доимий аҳоли сони 37 543,2 минг кишини ташкил этган. Шундан:

🏣 Шаҳар аҳолиси – 19 135,8 минг киши

🏡 Қишлоқ аҳолиси – 18 407,4 минг киши

✅ 2025 йилнинг 1 январь ҳолатига доимий аҳоли таркибида шаҳар ҳудудида яшовчилар сони қишлоқ ҳудудида яшовчилар сонидан 728,4 минг нафарга кўп.

🌐 https://t.iss.one/AOKA_Surxondaryo

Қизириқ туманига ҳоким тайинланди

Бугун Қизириқ туманида Халқ депутатлари туман Кенгашининг навбатдан ташқари сессияси бўлиб ўтди.

Вилоят раҳбари Улуғбек Қосимов шу вақтга қадар туман ҳокими вазифасида ишлаб келган Анвар Орипов ўз аризасига биноан лавозимидан озод этилганлигини билдириб, Алламуротов Шерхон Йўллиевич номзодини Қизириқ тумани ҳокими этиб тайинлаш таклифини билдирди. Номзод депутатлар томонидан бир овоздан маъқулланди.

Шерхон Алламуротов 1986 йилда Жарқўрғон туманида туғилган. 2011 йилда Ўзбекистон Республикаси Ички ишлар вазирлиги академиясини тамомлаган. Маълумоти бўйича мутахассислиги – ҳуқуқшунос. Подполковник ҳарбий унвонига эга.

Фаолияти давомида Ички ишлар органларида турли вазифаларда, хусусан, вилоят Ички ишлар бошқармасида бўлим бошлиғи, Жарқўрғон тумани ИИБ бошлиғи лавозимларида меҳнат қилган. Тайинловга қадар у 2023 йилдан буён Қизириқ тумани Ички ишлар бўлими бошлиғи вазифасида фаолият юритиб келаётган эди. 

🌐 https://t.iss.one/AOKA_Surxondaryo

Жисмоний тарбия фани ўқитилиши тубдан такомиллаштирилмоқда

🔰 “Умумий ўрта таълим мактабларида жисмоний тарбия фани ўқитилишини тубдан такомиллаштириш ҳамда ушбу фан ўқитувчиларининг касбий фаолиятини ривожлантириш чора-тадбирлари тўғрисида”ги Президент қарорига кўра:

✅ Жисмоний тарбия фани ўқитувчиларига малака тоифаси беришнинг янги тартиби ишлаб чиқилади.

⚡️2025 йил:

➖1 мартга қадар бошланғич, ўрта ва юқори синф ўқувчилари ёш тоифаси бўйича ҳаракатли ўйинлар, олимпия ва оммавий спорт турларига устуворлик бериш орқали спорт турлари рўйхати шакллантирилади;

➖1 июнга қадар мактаб ўқувчиларининг спорт мусобақаларидаги иштироки, мактаб спорт клубларининг фаолияти, ўқувчиларни спортга қамраб олинганлик даражасини аниқлаш юзасидан рейтинг тизими ишлаб чиқилади;

➖1 майга қадар мактаб спорт клублари аъзолари учун Зомин тумани “Лочин” дам олиш масканида ўқувчиларни спорт мусобақаларига тайёрлаш базаси ташкил эталади;

➖1 июлга қадар жисмоний тарбия фани ўқитувчиларининг билим даражаси ва касбий маҳоратини аниқлаш бўйича миллий баҳолаш тизими ишлаб чиқилади ва амалиётга жорий этилади.

🗓 2025/2026 ўқув йилидан бошлаб:

🔹5–11-синфлар жисмоний тарбия фани ўқитувчилари учун ўқув-методик қўлланмалар ишлаб чиқилади;

🔹ҳар бир мактабда босқичма-босқич мактаб спорт клублари фаолияти йўлга қўйилади;

🔹ҳар йили анъанавий тарзда мактаблар ўқувчилари ўртасида “Беш ташаббус олимпиадаси” спорт мусобақалари ташкил этилади.

🌐 https://t.iss.one/AOKA_Surxondaryo

Бугун "Ўзбекистон ҳаво йўллари" миллий авиакомпанияси ташкил этилган кун

1992 йил 28 январь куни Ўзбекистон Республикаси Президенти фармонига кўра “Ўзбекистон ҳаво йўллари" миллий авиакомпанияси ташкил этилди.

2019 йилнинг ноябридан авиакомпания ўз фаолиятини “Uzbekistan Airways” акциядорлик жамияти бренди остида давом эттирмоқда.

🌐 https://t.iss.one/AOKA_Surxondaryo

Яхшилик кўрмасангиз ҳам яхшилик қилинг

Дунё ғамини елкангизга ортиб олманг. У Аллоҳники. Ризқ келишидан ташвиш тортманг. У Аллоҳдан. Келажакни қайғурманг. У Аллоҳнинг қўлида.

Қалбингизни йиғлатган ҳаётдан нолиманг. Унинг ўрнига «Аллоҳим, дунё ва охиратда бир яхши эваз бергин», дея дуо қилинг. Зеро, хафалик сажда билан барҳам топиб, шодлик дуо ила қадам ранжида қилур.

Бировга қилган яхшилигингизни ҳам, бировнинг ғамини аритганингизни ҳам, кўз ёшини артиб, қалбига қувонч олиб кирганингизни ҳам Аллоҳ ҳеч қачон унутмайди.

Яхшилик кўрмасангиз ҳам яхшилик қилинг. Одамлар учун эмас, Аллоҳ яхшилик қилувчиларни севгани учун шундай қилинг ва шу қоидага биноан ҳаёт кечиринг.

Очиққўл бўлинг ва шу билан мусибатларингиз кетади. Билингки, садақангизни олаётган одамдан кўра уни беришга ўзингиз муҳтожроқсиз.

Имом Ибн ЖАВЗИЙ.

🌐 https://t.iss.one/AOKA_Surxondaryo

#Бу_қизиқ

🔥 Хитойликлар болалигидан ҳар қандай кутилмаган ҳолатларга тайёр

Хитой боғчаларида ёнғин сигнализацияси пайтида болалар қандай ҳаракат қилиши кераклигини ўргатишади.

🌐 https://t.iss.one/AOKA_Surxondaryo

#Янгиланаётган_Сурхондарё

Вилоятимизнинг барча ҳудудларида бўлгани каби Денов туманида ҳам сезиларли ижобий ўзгаришлар юз бермоқда, олиб борилаётган ислоҳотлар самаралари яққол кўзга ташланмоқда.

🌐 https://t.iss.one/AOKA_Surxondaryo

Бугун Ўзбекистон Республикасининг Биринчи Президенти Ислом Каримов таваллуд топган кун

Ислом Абдуғаниевич Каримов 1938 йил 30 январда Самарқанд шаҳрида туғилган.

2016 йил 2 сентябрь куни, 78 ёшида Тошкент шаҳрида вафот этди, 3 сентябрда Самарқанд шаҳрида дафн этилди.

🌐 https://t.iss.one/AOKA_Surxondaryo