⚡️Алматы облысында түрмеде жазасын өтеуші 3 жылдай интернет арқылы алаяқтықпен айналысып келген.

Ол 2020 жылдың маусым айынан 2023 жылдың қаңтар айына дейін түзеу мекемесі жағдайында ұялы телефондар мен ұялы операторлардың түрлі сим-карталарын пайдалану арқылы 25 млн теңгеден астам сомаға 200-ге жуық алаяқтық іс-қимыл жасаған.

Мамандандырылған прокуратура бұл деректі 2 наурызда ҚР ҚК 4-тармағының 190-бабы 3-бөлігі («Алаяқтық») бойынша көзделген құқық бұзушылық құрамы белгілері бойынша тіркеп, Қонаев қаласы ПБ тергеу бөлімшесіне берді.

Тергеу іс-қимылдарын жүргізу барысында сотталғаннан 2 ұялы телефон және 41 сим-карта тәркіленді. Ол осы арқылы ватсаппен қоңырау шалып, хат жазып отырған.

Қазіргі уақытта сотталғандар жасаған басқа да құқық бұзушылықтарды анықтау үшін облыста және өзге өңірлеріне қатысты деректер базасына мониторинг жүргізіліп жатыр.

👉 Бізге жазыл | zakon.kz

⚡️Астанадағы «Сарыарқа» сауда, ойын-сауық орталығында эскалатор кенеттен қатты жүріп кетіп, салдарынан екі ересек және бір бала зардап шекті.

Болған оқиғаны Төтенше жағдайлар министрлігінің ресми өкілі Руслан Иманқұлов растады.

👉 Бізге жазыл | zakon.kz

⚡️Елена Рыбакина Майами WTA 1000 турнирінің финалында қарсыласына есе жіберді.

Қазақстандық теннисші финалда әлемнің 12-ракеткасы, чехиялық Петра Квитовамен шеберлік байқасты.

Бір сағат 42 минутқа созылған бәсеке барысында қазақстандық теннисші 12 эйс жасап, 2 брейк-пойнттың біреуін өз есебіне жазды. Қарсыласы 5 эйс, 3 брейкпен (8 брейк-пойнт) көзге түсті.

Осылайша, Елена Рыбакина Майами мастерс жарысының финалында жеңіліс тапты.

👉 Бізге жазыл | zakon.kz

⚡️Жетібайдағы жұмыссыз тұрғындар наразылықты тоқтатты.

Олар 27 наурызда аштық жариялаған болатын. Аштық акциясына 50-ге жуық адам қатысты.

Тұрғындар мұнай өнеркәсібіне жұмысқа орналастыруды талап етті.

«Жергілікті атқарушы органдар жүргізген түсіндіру жұмыстарынан кейін шараға қатысушылар өз әрекетін тоқтату туралы шешім қабылдады», - деп хабарлады әкімдік.

👉 Бізге жазыл | zakon.kz

⚡️Бибісара Асаубаева Үндістандағы турнирде көш бастады.

Қазақстандық шахматшы бұл жолы үндістандық Хампи Конерумен тең ойнады. Қарсыласы бұдан бұрын Азия чемпионы атанған тәжірибелі шахматшы еді. Тең ойыннан кейін Бибісара 4,5 ұпай жинап, көш тізгінін жеке-дара қолға алды.

Одан кейінгі орында 4 ұпаймен қытайлық Чжу Цзиньэр келе жатса, үшінші орындағы ресейлік Александра Горячкина 3,5 ұпай еншілеген.

👉 Бізге жазыл | zakon.kz

⚡️Кеше ғана Қазақстаннан «тәуелсіз» болғысы келетінін жариялап, Петропавлда сепаратистік «Халық кеңесі» ұйымын құрған белсенділер көп ұзамай кешірім сұрады.

Сөздерінше, түсінбестік болыпты-мыс. Олар мұны Әблязовтың адамдары алауыздық тудыру үшін ұйымдастырды деп есептейді. Сөздеріне қарасақ өздерін кінәлі деп сезінбейтін тәрізді.

Бірақ істің ақ-қарасы әлі анықталған жоқ. Тергеу барысы Бас прокуратураның бақылауына алынған.

👉 Бізге жазыл | zakon.kz

⚡️Түркістандағы сакура ағаштары гүлдеп жатыр.

Мұны мамандар күннің жылынуының ұзаққа созылуымен байланыстырып отыр.

👉 Бізге жазыл | zakon.kz

⚡️Елжана Таниева көркем гимнастикадан әлем кубогі кезеңінің күміс жүлдегері атанды.

Таниева 30.900 ұпай жинап, күміс медальға ие болды.

Бұл бәсекеде өзбекстандық Тахмина Икромова чемпион атанса, қоланы бразилиялық Барбара Домингос иеленді.

Сонымен қатар Таниева ұршықпен жаттығудан бесінші орынға табан тіреді. Ал доппен жаттығуда үздік алтылыққа енді.

Аталмыш әлем кубогі кезеңіне 28 елден 50-ге жуық гимнаст қатысып, бақ сынады.

👉 Бізге жазыл | zakon.kz

⚡️Серік Күдебаевқа халықаралық іздеу жарияланды.

Оның елден қашып кеткені белгілі болды.

Қаңтар оқиғасынан кейін істі болған Күдебаевқа қызметтік өкілеттігін асыра пайдаланды деген айып тағылған.

Прокурор оны 9 жылға бас бостандығынан айыруды сұрады.

👉 Бізге жазыл | zakon.kz