⚡️Мемлекет шын мұқтаж адамдарға ғана жәрдем береді.

Қасым-Жомарт Тоқаев VIII сайланған Қазақстан Республикасы Парламентінің бірінші сессиясында халықты баспанамен қамту саясаты қалай жалғасатынын айтты.

«Халықтың басым көпшілігі үшін тұрғын үй – ең өзекті мәселе. Маған азаматтардан күн сайын жүздеген өтініш келеді. Оның ішінде қолжетімді баспанамен қамтамасыз етуді сұраған хат өте көп. Бұл түйткіл мемлекет тарапынан мүмкіндігінше шешіліп жатыр. Тағы да қайталап айтамын, мемлекет шын мұқтаж адамдарға ғана жәрдем береді», - деді Президент.

👉 Бізге жазыл | zakon.kz

⚡️Алдағы уақытта су мәселесі ушығып кетуі мүмкін.

Бұл туралы Парламент палаталарының бірлескен отырысында Мемлекет Басшысы Қасым-Жомарт Тоқаев айтты.

«Тағы бір мәселе – су қауіпсіздігін қамтамасыз ету. Бұл – стратегиялық маңызы бар міндет. Алдағы уақытта су мәселесі ушығып кетуі мүмкін. Сол себепті, бізге оның алдын алу қажет. Қазір Үкімет Су кодексінің жаңа жобасын әзірлеп жатыр. Су ресурстарын тиімді басқаруға және оларды қорғауға баса назар аудару керек. Осы жұмыста ғылыми ұстанымды, инновацияны, халықаралық озық тәжірибені басшылыққа алған абзал. Біздің елде судың 65 пайызы ауыл шаруашылығы саласына жұмсалады. Соның 60 пайызға жуығы құмға сіңіп кетеді. Мұндай ысырапшылдыққа жол беруге болмайды.Жаңа тариф саясатына көшу қажет. Оны дереу қолға алмасақ, ахуал одан әрі күрделене түсетіні анық», - деді Президент.

👉 Бізге жазыл | zakon.kz

⚡️Қазақстанның халық әртісі атағы қалпына келтірілді.

Бұл туралы Мемлекет Басшысы Қасым-Жомарт Тоқаев VIII сайланған ҚР Парламентінің бірінші сессиясында айтты.

«Тағы бір маңызды мәселе бар. Мәдениет саласындағы саясатты жан-жақты ойластырып жүргізу керек. Қазір бұл саланы өркендету үшін жаңа тұжырымдама жасалып жатыр. Бұл құжат еліміздің мәдени мұрасын сақтау, насихаттау және ұлттық бірегейлікті нығайту ісінде шешуші рөл атқарады деп сенемін. Шығармашыл зиялы қауым көпшіліктің көңілінен шығатын, мемлекеттің мүддесіне сай келетін туындылар ұсынады деп үміттенемін», - деді Президент.

👉 Бізге жазыл | zakon.kz

⚡️Асыраушысынан айырылғандардың жалақысы 14,5 пайызға өседі.

Бұл ұсынысты Мемлекет басшысы Қасым-Жомарт Тоқаев VIII сайланған ҚР Парламентінің бірінші сессиясында айтты.

«Асыраушысынан айырылған азаматтар назардан тыс қалмауы керек. Осы орайда, Үкіметке аталған санаттағы адамдардың жәрдемақысын орта есеппен 14,5 пайызға көбейтуді тапсырамын. Мұны биылғы 1 қыркүйектен бастап қолға алу қажет. Қазақстан біздің аймақтағы осындай әлеуметтік жәрдем беретін жалғыз мемлекет деуге толық негіз бар», - деді Президент.

👉 Бізге жазыл | zakon.kz

⚡️Популизмге, жеке бастың мүддесін көздеуге жол бермеу керек.

Бұл туралы Мемлекет Басшысы Қасым-Жомарт Тоқаев Парламент палаталарының бірлескен отырысында айтты.

«Құрметті депутаттар, сіздер әрдайым барлық істің бел ортасында боласыздар. Бірақ, мына мәселені баса айтқым келеді: ел мүддесінен жоғары ештеңе жоқ. Сондықтан, популизмге, жеке бастың мүддесін көздеуге жол бермеу керек. Парламент пен мәслихаттар әрдайым бірлесе жұмыс істеуі қажет. Сонда мемлекет саясаты барынша үйлесімді болады», - деді Президент.

👉 Бізге жазыл | zakon.kz

⚡️Мемлекет Басшысы Қасым-Жомарт Тоқаев VIII сайланған Қазақстан Республикасы Парламентінің бірінші сессиясында Премьер-Министрдің кандидатурасын сайлауда жеңіске жеткен «Amanat» партиясы ұсынатынын айтты.

👉 Бізге жазыл | zakon.kz

⚡️Ақтөбеде анасы мен баласын өз үйінде өлтіріп кетті.

Полиция күдіктіні іздестіру жұмыстарына кірісті.

Жедел тергеу тобы пәтерден 35 жастағы әйелдің және 16 жастағы ұлының зорлық белгілері бар мәйіттерін тапты.

Сонымен қатар, қаза тапқан әйелдің 13 жастағы қызы пышақ жарақатымен балалар ауруханасының жаңсақтау бөліміне жатқызылды. Осы факті бойынша Қылмыстық кодекстің «Кісі өлтіру» бабы бойынша сотқа дейінгі тергеу басталды.

👉 Бізге жазыл | zakon.kz

⚡️Бүгін Парламент Мәжілісінің жалпы отырысында комитет төрағалары мен төрайымдары сайланды.

Ол бойынша:

Мәди Тәкиев Мәжілістегі Қаржы және бюджет комитетінің төрағасы лауазымына сайланды.

Серік Егізбаев Мәжілістегі Аграрлық мәселелер комитетінің төрағасы лауазымына сайланды.

Снежанна Имашева Мәжілістегі Заңнама және сот-құқықтық реформа комитетінің төрайымы лауазымына сайланды.

Асхат Аймағамбетов Мәжілістегі Әлеуметтік-мәдени даму комитетінің төрағасы лауазымына сайланды.

Айгүл Құспан Мәжілістегі Халықаралық істер, қорғаныс және қауіпсіздік комитетінің төрайымы лауазымына сайланды.

Еділ Жаңбыршин Мәжілістегі Экология мәселелері комитетінің төрағасы лауазымына сайланды.

Нұртай Сабильянов Мәжілістегі Экономикалық реформа комитетінің төрағасы лауазымына сайланды.

👉 Бізге жазыл | zakon.kz

⚡️«Екібастұзжылуэнерго» серіктестігіне 27,6 млн теңге айыппұл салынды.

Бұл туралы Табиғи монополияларды реттеу комитеті хабарлады.

👉 Бізге жазыл | zakon.kz

⚡️Ақтөбе облысында шетелдік ерлі-зайыптылар жол апатынан көз жұмды.

Көлік апаты «Ақтөбе-Астрахан» автожолының 252-шақырымында орын алған.

Қарауылкелді ауылының маңында КамАЗ жүк көлігінің жүргізушісі екінші жолдан басты жолға шығып, Datsun автомобилімен соқтығысқан.

Жол-көлік оқиғасы салдарынан Datsun көлігінің 48 жастағы жүргізушісі және оның 49 жастағы әйелі оқиға орнында қаза тапты.

👉 Бізге жазыл | zakon.kz

⚡️Наурыздың соңғы күндері ел аумағында 22 градусқа дейін аяз болады.

👉 Бізге жазыл | zakon.kz

⚡️Түркістанда тағы бір кәмелетке толмаған қыз іздестіріліп жатыр.

Түркістан облысының құтқарушылары 4 күннен бері табылмай жатқан 5-сынып оқушысы Інжу Ескерместі іздестіруде.

Түркістан облысы төтенше жағдайлар департаментінің хабарлауынша, 25 наурызда шамамен сағат 17:00-де кәмелет жасына толмаған қыз бала үйінен ойнауға шығып кетіп, оралмаған.

Бейнежазбалардан қыздың аулада ойнағаны, одан соң жол бойымен белгісіз бағытта кетіп бара жатқаны анықталды.

Інжумен бірге ойнаған көрші қыз екеуінің бірге су ағып жатқан каналға барғанын, Інжу сумен ойнағысы келіп, абайсызда каналға құлап кетіп, шыға алмай қалғанын айтқан.

👉 Бізге жазыл | zakon.kz

⚡️Алматыда екі ер адам TikTok желісінде құмар ойын ұйымдастырғаны үшін сотталды.

Тергеу барысында азаматтардың әлеуметтік желілерде 4 ай ішінде заңсыз ойын бизнесін ұйымдастырып, 13 миллион теңгеге жуық сомаға аса ірі көлемде кіріс алғаны дәлелденді.

Алматы қаласының екі тұрғыны кінәлі деп танылып, 1,5 жылға бас бостандығынан айырылды.

👉 Бізге жазыл | zakon.kz

⚡️Қасым-Жомарт Тоқаев Қазақстан Республикасы Парламенті Мәжілісіндегі саяси партиялар фракцияларының жетекшілерімен кеңес өткізді.

Кездесуде Мемлекет басшысы Конституцияның 44-бабына сәйкес Премьер-Министр лауазымына ұсынылатын кандидатура жөнінде фракция басшыларымен кеңесуге тиіс екенін айтты.

👉 Бізге жазыл | zakon.kz