#befarqemasman

Рустам Абдураҳмонов, ҳунарманд:

— Мен уч авлод уста кулоллар сулоласи вакилиман. Биз кўплаб давлатларда ҳунаримизни намойиш этиб, кўргазмаларда қатнашиб келяпмиз. Бўлажак референдумда шогирдларим билан иштирок этамиз. Биз келажагимизга бефарқ эмасмиз.

@menbefarqemasman

#befarqemasman

Аброржон Алижонов, Республика шошилинч тиббий ёрдам илмий маркази Наманган филиали директори:

— Амалдаги Конституциянинг 48-моддасида ҳар бир фуқаро малакали тиббий хизмат олиш хуқуқига эга деб белгиланган бўлса, янги таҳрирдагисида ҳар ким тиббий ёрдамнинг маълум бир даражадаги кафолатланган ҳажмини бепул, давлат ҳисобидан олиши мумкинлиги белгилаб қўйилмоқда. Мен бир ота, тиббиёт ходими вакили сифатида барчани референдумда фаол қатнашишга чорлайман.

@menbefarqemasman

#befarqemasman

Назокат Чориева, ўқитувчи (Тошкент вилояти):

— Янги Конституциямизнинг 52 - моддаси билан ўқитувчиларнинг қадр-қиммати, шаъни ҳимоя қилинаяпти, уларни ижтимоий-маънавий қўллаб-қувватлайдиган, ҳуқуқларини кафолатлайдиган янги нормалар киритилаяпти. Биз ўқитувчилар таълимга оид ислоҳотларга бефарқ эмасмиз! 30 апрелда бўлиб ўтадиган референдумда иштирок этамиз!

@menbefarqemasman

#befarqemasman

Феруза Саидмуродова, Навоий давлат педагогика институти талабаси:

— Янги Конституциямизнинг 78-моддасида шундай дейилади: "Болаларнинг ҳуқуқлари, эркинликлари ва қонуний манфаатларини муҳофаза қилиш, уларнинг жисмоний, ақлий ва маданий ривожланиши учун шароитларни яратиш давлатнинг мажбуриятидир. Оталик, оналик ва болалик давлат томонидан муҳофаза этилади". 30 апрель куни бўлиб ўтадиган референдумда ўз келажагим учун, Янги Ўзбекистоним учун ва албатта, Янги Конституциям учун овоз бераман!

@menbefarqemasman

#befarqemasman

Санжарбек Давлетов, Урганч давлат университети профессори:

— Янги таҳрирдаги Конституцияда, айниқса, ёшлар ҳуқуқларини янада мустаҳкамлашга қаратилган нормаларнинг киритилиши, таълим олиш ҳуқуқини таъминлашга муносиб шароитлар яратилиши муҳимдир. Конституция баркамол авлодни вояга етказишга хизмат қилади. Мен бунга бефарқ эмасман.

@menbefarqemasman

#befarqemasman

Саодат Турсунбоева, "Sharq Ayoli" халқаро хотин-қизлар жамоат фонди раҳбари:

— Бугунги кунда мамлакатимизда рақамли иқтисодиёт ва технологиялар трансфери тезкорлик билан ривожланмоқда. Бизнинг фондимиз бу йўналишда кўплаб ишларни амалга оширмоқда. Масалан, "Аёл ва рақамли иқтисодиёт" лойиҳамизда хотин-қизлар электрон тижорат асосларига, онлайн дўконлар очиш ва рақамли касбларга ўргатилмоқда. Бу аёлларнинг уйдан чиқмасдан ишлашига имкон беради.

Янгиланиётган Конституцияда давлат қулай инвестиция ва ишбилармонлик муҳитини таъминламоқда, тадбиркорлар ҳар қандай фаолиятни амалга ошириш, унинг йўналишларини мустақил танлаш ҳуқуқига эга бўлмоқда. Бу оилалар фаровонлигини ошириш, технологик ривожланиш учун мустаҳкам пойдевор бўлади. Мен бунга #befarqemasman!

@menbefarqemasman

#befarqemasman

Достон Ёқубов, оғир атлетика бўйича жаҳон чемпиони:

— Фаолиятим давомида кўплаб мусобақаларда иштирок этганман. Авваллари "қанийди, бизнинг мамлакатимизда ҳам жаҳон чемпионатлари ўтказилсайди" деб орзу қилардик. 2021 йил ушбу орзуимиз ушалди. Ота-онамиз, ҳамюртларимиз кўз ўнгида дунёнинг энг кучли полвонлари билан беллашдик. Пойтахтимизда ўтган ушбу мусобақада жаҳон чемпиони деган шарафли номга эришдим. Ишонаманки, давлатимизнинг бундай эътибори билан янги ғалабаларга ҳам эришамиз. Янги Конституциямиз эса келажакдаги ғалабаларимизга асос бўлишига ишонамиз. Шунинг учун Қомусимизга киритилаётган ўзгаришларга бефарқ эмасмиз.

@menbefarqemasman

#befarqemasman

Наримон Ражабов, Тошкент давлат юридик университети профессори:

— Энг муҳим масалалардан бири инсон соғлиғи-саломатлигидир. Шундай экан, янгиланаётган Ўзбекистон Республикаси Конституциясининг 49-моддасида янги киритилди, яъни ҳар ким қулай атроф-муҳитга эга бўлиш, ҳар ким атроф-муҳит тўғрисида ишончли ахборотларни олиш ҳуқуқига эга. Ушбу норма амалдаги Конституцияда йўқ. Агар сиз қулай атроф-муҳитда яшаш ҳуқуқингиз таъминлашини истасангиз, унда албатта, 30 апрелда бўлиб ўтадиган конституциявий ўзгаришлар бўйича референдумда иштирок этинг.

@menbefarqemasman

#befarqemasman

Анвар Холиқулов, Самарқанд иқтисодиёт ва сервис институти кафедра мудири:

— 19 йилдан буён институтда фаолият олиб бормоқдаман. Конституцияни ўзгартириш бўйича референдум ўтказиляпти. Бунда мени илҳомлантирган жиҳатлар кўп. Айниқса, 50-модда билан таълим соҳасига алоҳида эътибор бериляпти. Олдин фақат давлат таълими кафолатланган бўлса, янги таҳрирда нодавлат таълим ҳам ҳуқуқий асос билан таъминланмоқда. Яна бир жиҳат – инклюзив таълим ҳам кафолатланмоқда. Мен таълим соҳаси билан боғлиқ ўзгаришларга бефарқ эмасман ва референдумга фаол қатнашаман.

@menbefarqemasman

#befarqemasman

Шоҳида Ибрагимова, тадбиркор, бизнес-тренер:

— Мен бир нечта бизнеслар асосчисиман ва бу соҳада 13 йиллик тажрибага эгаман. Ижтимоий тармоқлардаги саҳифаларимда аудиториянинг асосий қисмини аёллар ташкил этади. Молиявий саводхонлик бўйича олиб бораётган дарсларимдан билдимки, аёлларнинг таълим олишида тўсқинликлар бор: турмуш ўртоғи, қайнона, қайнотаси, ота-онаси ўқишига рухсат бермайди. "Қиз болага ўқишнинг кераги йўқ, мактабни тамомласанг бўлди, турмушга берамиз", дейишади. Ваҳоланки, бу унинг ҳуқуқи. Янги Конституцияда ҳам бу ҳуқуқ мустаҳкамлаб қўйилмоқда. Мен аёлларнинг таълим олишига бефарқ эмасман!

@menbefarqemasman

#befarqemasman

Фазлиддин Собиржонов, Тошкент давлат юридик университети катта ўқитувчиси:

— Бугунги кунда янги таҳрирдаги Ўзбекистон Конституциясида, биринчи навбатда, самарали иқтисодиёт, эркин бошқарув тизими, кучли ижро ҳокимияти шаклланиши, Сенат ва қонунчилик палаталари ўртасида ваколатлар тақсимланиши ҳамда энг асосий масала — инсон ҳуқуқ ва эркинликларининг самарали ҳимоя қилиниши, конституцион норма асосида кафолатланишини ўзгартиришларнинг асосий мезони сифатида кўришимиз мумкин.
Конституцион ислоҳотлар аввало инсон қадри, ҳуқуқ ва эркинликларини ҳозирги жамият ва келажак авлод учун конституциявий кафолатлашни назарда тутади. Бу ислоҳотлар бутун бошқарув тизимида самарали тизимни яратишга асос бўлади.

@menbefarqemasman

#befarqemasman

Феруз Азимов, Олий Мажлис Қонунчилик палатаси депутати ёрдамчиси:

— Янгиланаётган Конституцияда инсон қадрини юксалтириш ва эркин фуқаролик жамиятини ривожлантириш борасида кўплаб янги норма ва қоидалар ўз аксини топмоқда. Жумладан 98-моддада фуқаролар ҳам қонунчилик ташаббуси ҳуқуқига эга эканлиги белгиланмоқда. Бунда Қонун лойиҳаларини, қонунчилик таклифларини киритиш ва кўриб чиқиш тартиби алоҳида қонун билан белгиланмоқда. Конституция даражасида бундай қоиданинг киритилиши давлат ишларини бошқаришда фуқароларнинг иштирокини кенгайтиришга ва жамиятни янада демократлаштиришга хизмат қилади. Шундай экан, мен бу ўзгаришларга бефарқ эмасман!

@menbefarqemasman

#befarqemasman

Рухсора Асланова, дизайнер:

— Мен дизайнерман, юздан ортиқ шогирдларим бор. Бугунги кунда юртимизда дезайнерлик, тадбиркорлик соҳаларига алоҳида эътибор қаратилмоқда. Янгиланаётган Конституцияга ҳам бу борада тегишли моддалар киритилмоқда. Мисол учун, 67-моддада тадбиркорлар ҳар қандай фаолиятни амалга ошириш ва ўз фаолияти йўналишларини мустақил равишда танлаш ҳуқуқи, тадбиркорларниниг меҳнат қилиш эркинлиги кафолатлатланмоқда. Шундай экан, мен бугунги ўзгаришларга бефарқ эмасман!

@menbefarqemasman

#befarqemasman

Икром Маткаримов, Хоразм вилояти ҳокимлиги ҳузуридаги Фуқароларнинг ўзини ўзи бошқариш органлари ходимларининг малакасини ошириш бўйича ўқув курслари директори:

— Янгиланаётган Конститутциямизда фуқароларни ўз-ўзини бошқариш органлари масаласига алоҳида эътибор берилган. Жумладан, 17-моддада Ўзбекистон Республикаси қонунчилигида биринчи маротаба Асосий Қонунда Ўзбекистон Республикасида фуқароларни ўз-ўзини бошқариш органлари давлат ҳокимият органлари сирасига кирмаслиги аниқ белгиланмоқда. Бу Ўзбекистонда муҳим институт саналган маҳалланинг ўзига хос қонуний асосини яратади. Ва албатта, шарқона демократиянинг бошқарув услуби сифатида маҳалланинг обрў-эътиборини юксак даражага кўтаришига ишонамиз. Биз барчани 30 апрель куни ўтказилаётган референдумда фаол иштирок этишга чорлаймиз. Биз бефарқ эмасмиз.

@menbefarqemasman

#befarqemasman

Сабина Қаюмова, Зулфия номидаги Давлат мукофоти совриндори:

— Бадиий ижод эркинлигини кафолатласак, келажакда миллий адабиёт ва санъатимизни янги асар ва номлар билан бойишига, маданият ва маънавиятимизнинг янада юксалишига хизмат қилади. Мен 30 апрель куни бўлиб ўтадиган референдумга бефарқ эмасман. Ва барча ижодкорларни ушбу референдумда фаол иштирок этишга чорлаб қоламан.

#menbefarqemasman

#befarqemasman

✅ Mansur Omonov, Janubiy Koreyaning Hanyang universiteti doktoranti, Janubiy Koreya

— Konstitutsiyaviy islohot - bu inson sha’ni, uning qadr-qimmati, inson huquqlarini himoya qilish, davlat va jamiyat boshqaruvini tubdan isloh qilish, yoshlar siyosati, moliya, iqtisodiyot, ijtimoiy soha va barcha sohalarni qarab olganligi bilan ham ahamiyat kasb etadi. Bu jarayonlarda barchamizni faol ishtirok etishga chaqirib qolaman.
@menbefarqemasman

🌐Telegram sahifamizga obuna bo’ling -  @wayuuz

🌐Instagram |  🌐Facebook |  🌐YouTube | 🌐LinkedIn

www.wayu.uz

#befarqemasman

Ayollar kurashi so’nggi davrda o’zbek sportining eng sermahsul yo’nalishlaridan biriga aylanmoqda. Jasmina Immayeva unda yetishib chiqayotgan oltin avlod vakillaridan biri. Osiyo chempionati finaligacha yetib borgan yurtdoshimiz barchani Referendumda faol bo’lishga chorlaydi.

https://t.iss.one/AOKBToshvil

#befarqemasman

Исроил Мадримов, бокс бўйича Осиё чемпиони:

— Вақт одамларни ўзгартирадими? Ҳа! Вақт ҳаммасини ўзгартиради. Бироқ спортда фақат вақтга таяниш мумкин эмас. Акс ҳолда вақтни бой бериш мумкин!
30 апрель — биз бефарқ эмасмиз!

@menbefarqemasman

#befarqemasman

Жавоҳир Синдаров, халқаро гроссмейстер:

— Ҳаёт — бу шахмат партияси. Тахта устидаги вазият тўхтовсиз ўзгаради. Муваффаққиятга эришиш учун вазиятдан устун бўлиш керак. Тўғри қарор учун вақт талаб этилади. 30 апрель — биз бефарқ эмасмиз!

@menbefarqemasman

#befarqemasman

Нурхон Қурбонова, пара-енгил атлетикачи:

— Ўзгаришлар доим ғалабаларга олиб келади. Ва биз барчамиз ғалабага лойиқмиз! 30 апрель — биз бефарқ эмасмиз!

@menbefarqemasman