​​Қутлов

ХОЛМУҲАММАД ТОҒАЙМУРОДОВ 50 ЁШДА

Бугун Ўзбекистон Ёзувчилар уюшмаси аъзоси Холмуҳаммад Тоғаймурод (Холмамат Тағаймуродов) туғилган кун.
Наср ва назмда тенг қалам тебратувчи Холмуҳаммад Тоғаймурод ижод намуналари билан жамиятда учрайдиган турли хил иллатларга қарши курашда фаол, ўз позициясига эга қаламкашлардан.
У 1995 йилдан шу кунга қадар Сурхондарё вилоят ҳокимлиги муассислигидаги “Сурхон тонги” газетасида фаолият юритиб келмоқда. Бу йиллар мобайнида у газета саҳифаларида “Бир хат изидан”, “Журналист суриштируви” каби рукнларда юзлаб мақолалар, фелъетонлар ёзиб, жамият ижтимоий ҳаётига ўзининг муносиб ҳиссасини қўшиш билан бирга, мавжуд иллатларга қарши курашди. Бу йўлда ўзини аямайди. Эълон қилган танқидий мақолалари жамоатчилик томонидан эътироф этилган.
“Ҳисобдан адашган ҳисобчи”, “Ўрмонда адашган ҳисоб-китоблар”, “Алдоқчи”, “Сохтакорликнинг ортида ким турибди?”, “Бир кишининг манфаати кўпникидан устунми?”, “Спорт зали нега ёпиқ?”, “Тадбиркорга тўсиқ бўлманг!”, “Ҳунармандлар қайдасиз?”, “Аҳоли нега МИБ дан норози?”, “Спортга ўгай қараш”, “Муаллимани нега калтаклашди?”, “Тиббиётда қачон ўзгариш бўлади?”, “Ёрдамга муҳтож тез ёрдам” каби танқидий-таҳлилий ҳамда “Тириклик – мағлубиятми?”, “Ҳасад ва интиҳо”, “Тусланаётган оломон”, “Адабиётга ошно кўнгиллар”, “Сўз қадри”, “Ўзингдан қолма, ўзбегим!”, “Ўзбекнинг ўткир сўзли адиби”, “Умрбоқий санъаткор” сингари адабий-бадиий мақола, эсселари вақтли матбуотда эълон қилинган.
“Шарқ юлдузи”, “Ёш куч” журналларида, “Моҳият”, “Ўзбекистон адабиёти ва санъати”, “Миллий тикланиш”, “Туркистон”, “Инсон ва қонун”, “Ишонч” газеталарида кўплаб мақолалари, ҳикоя ва шеърлари чоп қилинган.
2007 йилда “Уйғонаётган ишқнинг овози” номли шеърий тўплами чоп этилган. Турли йилларда “Сўз ташрифи”, “Ёшлар баёзи”, “Мен – “Сурхон тонги”данман” каби жамоавий тўпламларда шеър ва ҳикоялари берилган. “Руҳ қасри”, “Исён ранги” каби шеърий ҳамда “Ишқ жодуси” номли насрий асарлари нашрга тайёрланмоқда.
Ўзбекистон Ёзувчилар уюшмаси жамоаси Холмуҳаммад Тоғаймуродни 50 ёши билан муборакбод этади.

Ўзбекистон Ёзувчилар уюшмаси Ахборот хизмати

#bugunxotira

19-aprel 📌 O‘zbekiston xalq yozuvchisi Shuhrat (G’ulom Alimov) tavallud topgan kun. Respondent — O‘zbekistonda xizmat ko'rsatgan madaniyat xodimi To'lqin Hayit. Dasturda Shuhrat o‘zi o‘qigan she’rlardan tinglashingiz mumkin.

📻 "O'zbekiston 24" radiokanali Fm 87.9да soat 08:35, 20:35 da "Bugun" dasturi. 📆Muallif-Durdona Ma'diyeva.
@DurdonaDilshod

Бу китобни ўқинг!

ЙЎЛДАМАН, НУРЛИ ЙЎЛДА

Мазкур тўплам Ўзбекистон Ёзувчилар уюшмаси аъзоси, таниқли шоир Ғайрат Мажиднинг публицистика йўналишидаги иккинчи китобидир. Унинг “Бунда булбул китоб ўқийди...” номли дастлабки тўплами (2018) Республикамизда истеъдодли ёшлар мактаб-интернатлари – ижод мактаблари ташкил этилишига бағишланган эди.
“Йўлдаман, нурли йўлда” номли мазкур мажмуа эса ўз қамрови, мавзу ранг-баранглиги, ифода услуби билан аввалгисидан тубдан фарқ қилади. Бошқача айтганда, мазкур китоб шеъриятдаги изланишлари билан адабий жамоатчилик эътирофини қозониб келаётган ижодкорнинг яна бир қирраси – публицист сифатидаги иқтидорли, энг муҳими, ўз Ватани, халқи тақдирига бефарқ бўлмаган зиёли инсоннинг маънавий қиёфаси ҳақида тўла тасаввур бера олади, десак янглишмаймиз.

Рукн: “Шоир ва замон”
Лойиҳа раҳбари: Сирожиддин Саййид
Масъул муҳаррир: Орзиқул Эргаш
Нашриёт: “Саҳҳоф” нашриёти

Ўзбекистон Ёзувчилар уюшмаси Ахборот хизмати

Web-site | Telegram | Facebook | YouTube

Янгиликлар 24 | Адиблар хиёбонида «Хиёбон оқшомлари» мушоираси

Web-site | Telegram | Facebook | YouTube

Bu kitobni o’qing!

DIYORIM

She’r to‘qilmaydi, yozilmaydi, yaratiladi. Bulutlarning to‘qnashuvidan chaqmoq yaralgandek yaxshilik va yomonlik, ezgulik va yovuzlik, oq va qora to‘qnash kelgan joyda she’r yaratiladi. She’riyat – barcha ko‘radigan, ammo borish har kimga nasib etmaydigan ulkan qoyadir. Ajib baxt va dard erur aslida shoirlik.
O‘zbekiston Yozuvchilar uyushmasi a’zosi Jo’rabek Jahonning she’riyati tengdoshlari orasida cho‘ng qoyaga o‘xshaydi. She’rlari xuddi chaqmoq singari miyangiz, qalbingizni yoritadi. Shoirning she’rlarini ovoza qilish fikridan yiroqmiz. Ularni shunchaki mutolaa qiling, deymiz. Shunda she’rlardagi chaqmoqni his qilasiz.

Rukn: “Nazm bo‘stoni”
Loyiha rahbari: Sirojiddin Sayyid
Мas’ul muharrir: Shodi Otamurod
Nashriyot: “Adabiyot”

O‘zbekiston Yozuvchilar uyushmasi Axborot xizmati

Web-site | Telegram | Facebook | YouTube

#bugun 20-aprel 📌 Folklorshunos olima, O‘zbekistonda xizmat ko‘rsatgan madaniyat xodimi Muzayyana Alaviya tavallud topgan kun.

🎤Respondent-filologiya fanlari doktori, professor Jabbor Eshonqulov

📻 "O'zbekiston-24" radiokanali Fm 87.9да soat 08:35, 20:35 da "Bugun" dasturi. 📆Muallif-Durdona Ma'diyeva.
@DurdonaDilshod

Ахборот 24 | Ўзбекистон Республикаси Президентининг Қашқадарё вилоятига ташрифи
#21apr #uzbekiston24

mtrk.uz | Youtube | Facebook | Telegram | uztv.tv

«O‘ZBEKISTON ADABIYOTI VA SAN’ATI» газетасининг 2022 йил 22 апрель кунги 14-сонида ушбу мавзудаги материаллар эълон қилинган:

✅НАВҚИРОН ФАСЛ ИЛҲОМЛАРИ;
✅МУТОЛАА МЎЪЖИЗАСИ;
✅МАДАНИЯТИМИЗ ХАЗИНАБОНЛАРИ;
✅ЎЗБЕК ДИРИЖЁРЛИК МАКТАБИНИНГ ШУҲРАТИ;
✅ЎҚИТУВЧИНИНГ ҚАДРИ ОСМОН БЎЛАДИ;
✅МЕҲРИМ ТОЛАСИДАН ЭШИЛГАН БАЙТЛАР;
✅ОТА;
✅КЎНГИЛ НУРИ ТОМГАН САТРЛАР;
✅РАМАЗОН ШУКУҲИ;
✅ФАРЁДИ ТУРКИСТОН;
✅ҲАМ КУЛАСИЗ, ҲАМ КУЯСИЗ;
✅ЯШАЯПСАН, ЯХШИЛИК ҚИЛ...;
✅САДОҚАТДИР УМРНИНГ БАХТИ.

Машҳур мадор сомса энди Паркент ижод уйида тайёрланаяпти.

Мурожаат учун телефон рақами: 95-502-50-05