Prezident maktabi baholash tizimi 500 ta maktabda joriy qilinishi hisobiga bir yilni o‘zida bilimlarni o‘zlashtirish 53 foizdan 60 foizga oshdi.
Bu yil maktablarni 14 mingdan ziyod o‘quvchi oltin va kumush medallar bilan bitirdi.
“Katta beshlik” fan olimpiadalarida qo‘lga kiritilgan medallar oxirgi to‘rt yilda 2 karra ko‘paydi.
Prezident farzandlarimizni tarbiyalab, o‘qitib, mana shunday yutuqlarga erishishiga sababchi bo‘lgan ota-onalar, ustoz va murabbiylarga chuqur minnatdorlik bildirdi.
Bugungi kunda 110 ming o‘g‘il-qizlarimiz xorijda tahsil olmoqda.
“El-yurt umidi” jamg‘armasi orqali yetti yilda AQSHning “Pechak ligasi”ga kiruvchi Garvard, Yel, Kolumbiya, Stenford kabi top-8 ta, Buyuk Britaniyanining “Rassell guruhi”dagi Oksford, Kembridj, Birmingem kabi 24 ta oliygohni 50 nafar yoshlarimiz bitirdi.
Bu nufuzli oliygohlarda o‘qiyotgan yoshlarimiz soni esa 200 dan oshdi.
Davlatimiz rahbari ushbu sharoitlarni karra-karra ko‘paytirish bo‘yicha yangi tashabbuslarni ilgari surdi.
Mamlakatimiz jadal rivojlanishi uchun bizga “to‘rtinchi sanoat inqilobi” kasblari juda muhimligi qayd etildi.
Shu munosabat bilan yoshlarni fizika, kimyo, biologiya, texnologiya, muhandislik, matematika (STEM) bilan bog‘liq kasblarga qiziqishini oshirish uchun yangi tizim joriy qilinadi.
Nogironligi bo‘lgan yoshlarga chet tilidan imtihon topshirish yengillashadi.
Jumladan, chet tili bo‘yicha milliy sertifikat (CEFR) olishda qo‘lda yozish imkoniyati bo‘lmaganlarga kompyuterda imtihon topshirish sharoiti yaratiladi.
Yoshlarimiz xalqaro olimpiadalarni nazariy qismida har doim yuqori natijalarga erishadi. Lekin, laboratoriya mashqlarini bajarishda amaliy ko‘nikmalar kam bo‘lgani uchun pastroq ball olayapti.
Endi, Prezident maktablari agentligi qoshida “Olimpiadalarga tayyorlash markazi” ochilib, maxsus laboratoriyalar bilan jihozlanadi. Xalqaro olimpiadada qatnashuvchi terma jamoa reja asosida ushbu markazda tayyorgarlik ko‘radi.
Yoshlarni katta daromad keltiradigan kasblarga o‘rgatish, yuqori qo‘shilgan qiymat yaratadigan loyihalarni ko‘paytirish bo‘yicha ham katta o‘zgarishlar bo‘ladi.
Buning uchun har yili 100 million dollar ajratiladi. Investitsiya vazirligi huzuridagi Yoshlar tadbirkorligi jamg‘armasi Yoshlar agentligiga o‘tkaziladi.
Eng ko‘p ish o‘rni yaratgan, fidoyi yosh tadbirkorlar jamg‘arma kengashiga kiradi. Jamg‘arma rahbarini ham ushbu yoshlarni o‘zi saylaydi.
Jamg‘arma, yoshlarning eng yaxshi 500 ta loyihasini tanlab oladi va ularga “biznes paket” qilib beradi, loyihani tayyor biznesga aylanib, daromad keltirishgacha barcha jarayonida ko‘maklashadi, bozorini topadi.
Har bir viloyatdagi bittadan Barkamol avlod markazida “Kreativ sanoat parklari” tashkil qilinadi. Ularga IT park rezidentlari uchun nazarda tutilgan imtiyozlar beriladi.
“Kreativ sanoat parklari” oliygohlar va yirik ishlab chiqaruvchilarga biriktiriladi. Bu parklar yosh tadbirkorlar, ilm va biznes o‘rtasida muloqot maydonchasi bo‘ladi.
Jamg‘arma bu yerdagi yoshlarning startaplariga uch yilga 100 million so‘mgacha ssuda beradi.
Ushbu yosh tadbirkorlarga faoliyatini kengaytirish va aylanma uchun keyinchalik 100 million so‘m imtiyozli kredit beriladi.
🌎 Xorazm viloyatida “Butunjahon yoshlar festivali - 2024” qanday o‘tdi?
✅Xorazm viloyati Xiva shahrida Respublikamiz bo‘ylab katta masshtabda o‘tkazilayotgan “Butunjahon yoshlar festivali” doirasida "Markaziy Osiyo va Xitoy yosh iqtidorlari forumi" va “O‘zbekiston - Hindiston yoshlar forumi” tashkil etildi.
Mazkur festivaldan asosiy maqsad Markaziy Osiyo, Xitoy va Hindiston yosh iqtidorlarini bir davrada jamlash va ularning bir-birlari bilan bilim-tajribalarini almashishdan, shuningdek O‘zbekistonda yoshlarga yaratilayotgan imkoniyatlar haqida qo‘shni davlatlar, Xitoy va Hindiston yoshlariga ko‘rsatishdan iboratdir.
Shuningdek forum doirasida ishtirokchilar Xiva shahridagi “Ichan-qal'a” me'moriy obidalar bilan yaqindan tanishib zavq oldilar.
🤝Ushbu forum Markaziy Osiyo, Xitoy va Hindiston yoshlari o‘rtasida do‘stlik rishtalarini yanada yaxshilab, kelgusida ilmiy jabhalarda o‘zaro hamkorlik qilishlariga zamin yaratdi.
⚡️ Ayni damda 30-iyun Yoshlar kuni munosabati bilan “Yangi O’zbekiston yoshlari, birlashaylik!” shiori ostida Urganch shahri “Jaloladdin Manguberdi” memorial bogʻida boʻlib oʻtayotgan konsert dasturidan lavhalar
⚡️30-iyun – Yoshlar kuni munosabati bilan Urganch shahri “Jaloladdin Manguberdi” memorial bog‘ida “Yangi O‘zbekiston yoshlari, birlashaylik” shiori ostida bayram tadbiri bo‘lib o‘tdi.
Tadbir avvalida Xorazm viloyati hokimi Jo‘rabek Raximov muhtaram Prezidentimizning mamlakatimiz yoshlariga yo‘llagan bayram tabriginio‘qib eshittirdi.
