Rahbar va yoshlar uchrashuvi

Poytaxtimizdagi Yoshlar ijod saroyida Kambag‘allikni qisqartirish va bandlik vaziri o‘rinbosari Ra’no Turdiboyeva vazirlik tizimida faoliyat yuritayotgan o‘g‘il-qizlar bilan uchrashdi.

⚡️“Yoshlar forumi – 2024” doirasidagi uchrashuv bugungi kunda yosh kadrlarga bo‘lgan talab va ularga yaratilgan imkoniyatlar xususida so‘z bordi. Vazir o‘rinbosari yoshlarga ularning o‘z maqsadlariga erishishlari uchun kerakli tavsiyalar berdi. Ko‘zlangan natijani qo‘lga kiritishda astoydil harakat va bilim olish muhimligini qayd etdi.

✅Qayd etish joiz, bugungi kunda Bandlik vazirligi tizimida 1429 nafar yosh xodimlar faoliyat olib bormoqda, bu umumiy xodimlar sonining 40 foizini tashkil etadi.

#Yoshlarforumi2024 #Yoshlaruchrashuvi

Bizning sahifalarimiz:
🔹Telegram 🔹Instagram 🔹Facebook 🔹YouTube

“Qizlar akademiyasi” loyihasining taqdimoti o‘tkazildi

⚡️“Yoshlar forumi – 2024” doirasida “Qizlar akademiyasi” loyihasining taqdimoti bo‘lib o‘tdi. Tadbir davomida loyihaning asosiy maqsadi va bugungi kunga qadar erishilgan yutuqlar haqida ishtirokchilarga batafsil ma’lumot berildi.

👧Ushbu loyiha platformasi 2024-yil oktabr oyida sinov tariqasida ishga tushirilgan bo‘lib, qisqa vaqt ichida 210 000 dan ortiq ayol-qizlarni bilim olish va o‘z salohiyatini rivojlantirish maqsadida birlashtirishga muvaffaq bo‘ldi.

Tadbir doirasida, jadid ayollarimiz – Maryam Sultonmurodova va Xayriniso Majidxonova hayoti va faoliyati haqida kichik sahna ko‘rinishi namoyish etildi. Ushbu sahnalar tarixiy qadriyatlarni yosh avlod ongiga singdirishga xizmat qildi.

#Yoshlarforumi2024

Bizning sahifalarimiz:
🔹Telegram 🔹Instagram 🔹Facebook 🔹YouTube

Oliy ta‘lim muassasalaridagi “Yoshlar yetakchilari forumi” o‘tkazildi

⚡️“Yoshlar forumi — 2024” doirasida Yoshlar ijod saroyida O‘zbekiston yoshlar ittifoqining oliy ta‘lim muassasalaridagi boshlang‘ich tashkilot “Yoshlar yetakchilari forumi” bo‘lib o‘tdi. Forumda mamlakatimizdagi barcha oliy ta'lim muassasalarining yoshlar yetakchilari ishtirok etdi.

✅Forum davomida tajribali spikerlarimiz tomonida yetakchilarimizga liderlik qobiliyatlarini rivojlantirish, jamoani boshqarish va shu kabi boshqa qiziqarli hamda muhim mavzularda seminar-treninglar o‘tkazildi. Shu bilan birga mamlakatimizning yirik tadbirkorlari ishtirokida uchrashuv va muloqotlar tashkil etildi.

🇺🇿 Tadbir yakunida yil davomida namunali faoliyat olib borgan yoshlar yetakchilariga esdalik sovg‘alari topshirildi.

#Yoshlarforumi2024

Bizning sahifalarimiz:
🔹Telegram 🔹Instagram 🔹Facebook 🔹YouTube