Yoshlar yetakchilari – har bir mahallaning kaliti!

⚡️Yoshlar yetakchilari orqali mahallalardagi yoshlarning muammo va iste’dodlarini aniqlash, ularni qo‘llab-quvvatlash bizning asosiy maqsadimiz. Aynan shu yo‘nalishda Yoshlar ishlari agentligi va Yetakchi akademiyasi tomonidan yoshlar yetakchilar uchun onlayn va oflayn o‘quv-seminarlar tashkil etilmoqda.

Mashg‘ulotlar davomida “Ibrat”, “Mutolaa”, “Ustoz AI” va “Qizlar akademiyasi” kabi loyihalar keng targ‘ib qilindi. Shuningdek, mahallalardagi real muammolar tinglanib, ularni hal etishga qaratilgan amaliy yechimlar ishlab chiqildi.

Seminarlarda faol qatnashgan yoshlar yetakchilari Agentlikning yosh kadrlar zaxirasiga kiritiladi.

➡️Batafsil: yoshlarportali.uz

Bizning sahifalarimiz:
🕊Telegram 📱Instagram 📺YouTube 🔹 Linkedin 🌍Veb sayt

Yoshlar bilan tizimli ishlar va ochiq muloqotlar davom etmoqda

Respublika komissiyasi ishchi guruhi tomonidan hududlarda yoshlar masalalarini o‘rganish ishlari bosqichma-bosqich davom etmoqda. Navbatdagi manzil Navoiy viloyati bo‘ldi.

Bugunga qadar ishchi guruh Namangan, Andijon, Farg‘ona, Sirdaryo, Jizzax, Samarqand, Xorazm, Buxoro viloyatlari va Qoraqalpog‘iston Respublikasida yoshlar siyosatining amaldagi holatini o‘rganib, mavjud muammolarni aniqlash, joyida yechimlar ishlab chiqish, yangi yondashuvlarni taklif etish kabi muhim vazifalarni amalga oshirdi.

Hududiy yig‘ilishlarda mavjud imkoniyatlar, sust nuqtalar va takliflar muhokama qilindi. Shuningdek, komissiya a’zolari yosh tadbirkorlar va startap loyiha egalari bilan ochiq muloqotlar o‘tkazdi. Kredit olishdagi muammolar, yer va infratuzilmaga oid ehtiyojlar joyida tinglanib, tegishli mutasaddilarga aniq topshiriqlar berildi.

Bizning sahifalarimiz:
🕊Telegram 📱Instagram 📺YouTube 🔹 Linkedin 🌍Veb sayt

🚀 O‘zbekiston delegatsiyasi vakillari Xitoyning innovatsion markazlari faoliyatlari bilan tanishdilar

SHHT Yoshlar kengashining XVIII yig‘ilishi doirasida O‘zbekiston delegatsiyasi a’zolari Xitoy Xalq Respublikasidagi bir qator yirik innovatsion va iqtisodiy obyektlarga tashrif buyurdi.

📱Yoshlar ishlari agentligi direktorining birinchi o‘rinbosari D. Kattaxanova boshchiligidagi delegatsiyasi Pekin shahridagi “Xiaomi” zavodida ishlab chiqarish jarayonlari, sun’iy intellekt texnologiyalari va elektromobil yo‘nalishidagi innovatsiyalar bilan tanishdi. “Xiaomi” nafaqat smartfon, balki avtomobilsozlikdagi texnologik yondashuvlari bilan ishtirokchilar e’tiborini tortdi.

Hainan provinsiyasida joylashgan Erkin savdo porti ko‘rgazmasida esa Xitoyning iqtisodiy islohotlari, xalqaro savdo infratuzilmasi, kosmik sanoatdagi yutuqlari, xususan “Changzheng” raketalari namoyish etildi.

🇺🇿Albatta, bu tashriflar O‘zbekiston delegatsiyasi uchun yoshlar diplomatiyasini rivojlantirish, texnologik hamkorlikni kengaytirish va kelajakdagi qo‘shma loyihalarni shakllantirish yo‘lida muhim dastur amal bo‘lib xizmat qiladi.

Bizning sahifalarimiz:
🕊Telegram 📱Instagram 📺YouTube 🔹 Linkedin 🌍Veb sayt