Yoshlar Forumi: “Mutolaa” loyihasi taqdimoti

⚡️Muhtasham Yoshlar ijod saroyida turli uchrashuv va loyihalar taqdimotlari qizg‘in davom etmoqda. “Yoshlar forumi – 2024” doirasidagi navbatdagi tadbir “Mutolaa” loyihasining taqdimoti bo‘lib o‘tdi. Taqdimotda loyiha ijodkorlari yil davomida erishilgan natijalar, amalga oshirilgan ishlarga sarhisob hamda kelgusi istiqbolli rejalarni taqdim etdilar.

Yoshlar bilan o‘zaro fikr almashish jarayoni taqdimotga alohida jonlilik bag‘ishladi. Eng yaxshi takliflar va kreativ fikrlar egalariga esdalik sovg‘alar va 10 ta “Mutolaa premium” taqdim etildi.

Quvonarlisi, bugungi kunga kelib “Mutolaa” ilovasi foydalanuvchilar soni 1 yarim millionga yaqinlashib qoldi. Bu ko‘rsatkich yoshlar orasida kitobga, ilm-fanga bo‘lgan qiziqish va muhabbatning ortib borayotganidan dalolat beradi!

#Yoshlarforumi2024

Bizning sahifalarimiz:
🕊Telegram 📱Instagram 📱Facebook 📺YouTube

Energetika vaziri yoshlar bilan uchrashdi

⚡️Bugun, Yoshlar ijod saroyida Energetika vaziri Jo‘rabek Mirzamahmudovning yoshlar bilan uchrashuvi bo‘lib o‘tdi. Tadbirda energetika va yashil iqtisodga qiziquvchi 300 ga yaqin yoshlar ishtirok etdi.

⚡️“Yoshlar forumi – 2024” doirasida tashkil etilgan uchrashuvda energiya tejamkor texnologiyalarni joriy etish, yashil energiya manbalarini rivojlantirish hamda yashil iqtisodiyotning ahamiyati keng muhokama qilindi. Yoshlar o‘z takliflarini bildirishdi va sohaga oid savollariga batafsil javob olishdi.

Muloqotda yashil iqtisod bugungi davrning ustuvor yo‘nalishi ekani, resurslardan oqilona foydalanish va energiya tejamkorligini ta’minlash har bir fuqaroning mas’uliyati ekani ta’kidlandi.

#Yoshlarforumi2024 #Yoshlaruchrashuvi

Bizning sahifalarimiz:
🕊Telegram 📱Instagram 📱Facebook 📺YouTube

Birozdan so‘ng Mahalladagi yoshlar yetakchilari I Forumining tantanali ochilish marosimi bo‘lib o‘tadi

⚡️“Yoshlar forumi” mahalladagi yoshlar yetakchilari faoliyatining 3 yillik sarhisobi, amalga oshirilgan ishlar tahlili va istiqboldagi rejalar bo‘yicha hamkor tashkilotlar bilan o‘zaro tajriba almashish maydoniga aylanadi.

Yoshlar ijod saroyida 2 kun davom etadigan forumda “Yilning eng namunali mahalla yoshlar yetakchisi” tanlovining hududiy bosqichi g‘oliblari, faol yoshlar yetakchilari va hamkor tashkilotlar ekspertlari ishtirok etadi.

#Yoshlarforumi2024 #Yoshlaryetakchilari

Bizning sahifalarimiz:
🕊Telegram 📱Instagram 📱Facebook 📺YouTube

Xabar berganimizdek, ayni vaqtda “Mahalladagi yoshlar yetakchilari I Forumi”ning tantanali ochilish marosimi bo‘lib o‘tmoqda.

✅Ochilish marosimida yuqori darajadagi davlat va jamoat tashkilotlari vakillari, jumladan, Bosh vazir o‘rinbosari - Oila va xotin-qizlar qo‘mitasi raisi, Ichki ishlar, Mudofaa, Kambag‘allikni qisqartirish va bandlik vazirligi rahbariyati, Yoshlar ishlari agentligi direktori, Respublika Maʼnaviyat va maʼrifat markazi rahbari hamda O‘zbekiston Yoshlar ittifoqi Markaziy Kengashi raisi ishtirok etdi.

#Yoshlarforumi2024 #Yoshlaryetakchilari

Bizning sahifalarimiz:
🕊Telegram 📱Instagram 📱Facebook 📺YouTube