Oramizdagi qahramonlar.

🖐Bugungi kunda yurtimizda volontyorlar safi tobora kengayib, ular jamiyatimizda muhim rol o‘ynamoqda. Toshkent shahrida faoliyat yurituvchi “Sen kuchlisan” volontyorlik loyihasi rahbari Marjona Nurmuhamedova va uning 30 nafar jamoasi bunga yorqin misoldir.

Bir yil ichida ular 10 dan ortiq yirik ko‘rgazmalar, 400 dan ziyod bolaga moddiy va ma’naviy yordam ko‘rsatish, 100 ga yaqin kasalxonalarga tashriflar, hamda Turkiyada o‘nlab bolalar uchun operatsiyalarni tashkil etishdi. Yangi protezlar bilan ta’minlangan bolalar esa ularning ishlari qanchalik qadrli ekanini ko‘rsatadi.

➡️Batafsil: gov.uz/oz/yoshlar/news/view/18493

Bizning sahifalarimiz:
🕊Telegram 📱Instagram 📱Facebook 📺YouTube

Xavfsiz migratsiya bo’yicha seminar tashkil etildi.

“Markaziy Osiyoda mehnat migratsiyasi dasturi” mavzusida mahalladagi faol yoshlar yetakchilari uchun Toshkent viloyatining Bo‘stonliq tumanida o‘quv-seminar bo‘lib o‘tdi.

Yoshlar ishlari agentligi, BMTning Migratsiya bo‘yicha tashkiloti (IOM) va O‘zbekiston yoshlari umumjahon assotsiatsiyasi hamkorligida tashkil etilgan ushbu seminarda, faol yoshlar yetakchilariga xavfsiz migratsiya, odam savdosiga qarshi kurash, va OIVni yuqtirishni oldini olish bo‘yicha malakali mutaxassislar tomonidan treninglar o‘tkazildi.

#seminar #trening

Bizning sahifalarimiz:
🕊Telegram 📱Instagram 📱Facebook 📺YouTube

Chempionlar 12-avgust kuni O‘zbekistonga yetib keladi va tantanali kutib olinadi

Parijda o‘tgan 2024-yilgi yozgi Olimpiadada tarixiy natija ko‘rsatib, O‘zbekiston sharafini munosib himoya qilgan, yurt bayrog‘ini ko‘klarga ko‘targan mamlakatning oltin avlodi 12-avgust kuni kunning ikkinchi yarmida O‘zbekistonga yetib keladi.

Prezident Shavkat Mirziyoyevning topshirig‘iga asosan, chempionlar Toshkent aeroportida (terminal-3) tantanali kutib olinadi.

Olimpiada davomida O‘zbekiston delegatsiyasidagi har bir sportchining chiqishlarini vatandoshlarimiz o‘zgacha hayajon va intiqlik bilan kuzatib borishdi. Ularning g‘alabalarini esa juda yuqori kayfiyatda nishonlashdi.

Shunday ekan, chempionlarni munosib kutib olish maqsadida mas’ullar zarur tayyorgarliklarni ko‘rishmoqda. Videoda chempionlarning korteji shahar bo‘ylab harakatlanadigan yo‘nalish ko‘rsatib berilgan.

Dastlabki ma’lumotlarga ko‘ra, taxminan soat 19:00 dan keyin O‘zbekiston delegatsiya o‘tirgan samolyot Toshkentga qo‘nishi rejalashtirilmoqda.

Bizning sahifalarimiz:
🕊Telegram 📱Instagram 📱Facebook 📺YouTube

Yoshlar bilan bevosita muloqot.

✅“Vazir va yoshlar” uchrashuvlari doirasida Favqulodda vaziyatlar vaziri general-mayor Abdulla Qo‘ldoshev boshchiligida yoshlar bilan ochiq muloqotlar bo‘lib o‘tmoqda. Dastlabki uchrashuvlar Nukus, Urganch va Jizzax shaharlarida bo‘lib, unga Favqulodda vaziyatlar vazirligi otaliqqa olgan yoshlar jalb qilindi.

Uchrashuv davomida ochiq muloqotlar tashkil etilib, yoshlarga o‘z muammolarini va tashabbuslarini erkin ifoda etish imkoniyati yaratildi. Savol-javoblar orqali yoshlar bilan bevosita muloqot qilindi, ularning muammolari tinglandi va tegishli chora-tadbirlar belgilandi. Shuningdek, yoshlar tomonidan ilgari surilgan tashabbuslarni qo‘llab-quvvatlash va ularni amalga oshirish bo‘yicha mutasaddilarga aniq ko‘rsatmalar berildi.

🎤Mazkur uchrashuvlar faqatgina ushbu shaharlar bilan cheklanmay, respublikamizning boshqa hududlarida ham davom ettirilishi rejalashtirilgan. Bu jarayon yoshlarimizning kelajakka bo‘lgan ishonchini mustahkamlashga va ularning jamiyat hayotiga faol hissa qo‘shishiga xizmat qiladi.

Bizning sahifalarimiz:
🕊Telegram 📱Instagram 📱Facebook 📺YouTube