#Ijtimoiy_himoya
#Bolalar
#Toshkent_viloyati

🟢 Toshkent viloyatida yana 3 nafar bola endi o‘z oilalarida kamol topadi

👫 Har bir bola o‘z uyida ota-onalari bag‘rida o‘sib-ulg‘ayishga, ularning mehrini olishga haqli.

🥹 Shu sabab, Ijtimoiy himoya milliy agentligi tasarrufida bo‘lgan Bolalar uylarida tarbiyalanayotgan bolalarni o‘z oilalariga qaytarish borasida tizimli chora-tadbirlar amalga oshirilmoqda.

Xususan, ana shunday ishlar samarasi o‘laroq, Toshkent viloyati Yangiyo‘l shahar "Inson" ijtimoiy xizmatlar markazi sa'y-harakatlari bilan "Kichkintoy" bolalar uyidan 3 nafar bolajonlar o‘z ota-onalari bag‘riga qaytdi.

Bir onamiz, bundan bir yil oldin farzandlarini zo‘ravonlikdan qutqarib ushbu bolalar uyiga topshirgan bo‘lsa, yana bir oila esa og‘ir ijtimoiy ahvolga tushib qolgani sabab bolalarini olib kelganini ta'kidlab o‘tishdi.

☺️ “Inson” ijtimoiy xizmatlar markazi bolalarni ijtimoiy himoya qilish sho‘balari, ijtimoiy xodimlar hamda Bolalar uyi mutaxassislarining birgalikda olib borgan sa’y-harakatlari natijasida va “Keys-menejment” amaliyotini qo‘llagan holda har bir oila bilan individual yondashuv orqali ish olib borildi.

 ↗️ Endilikda, “Inson” ijtimoiy xizmatlar markazi hamda ijtimoiy xodimlar tomonidan ushbu oilalarga bolalarni rivojlantirish bo‘yicha ijtimoiy xizmat va yordamlar ko‘rsatilib, doimiy ravishda monitoring olib boriladi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz