#ваҳимасиз_карантин
#топшириқлар_ижроси

📝 Тошкент вилояти Янгийўл тумани ҳокими У.Ялгашев ва сектор раҳбарлари- туман Маҳалла ва оилани қўллаб-қувватлаш бўлими ходимлари ҳамда маҳалла раислари ва уларнинг ўринбосарлари иштирокида топшириқлар ижросини таъминлаш мақсадида йиғилиш ўтказди.

📌 Кун тартибидаги биринчи масала, карантин талабларига риоя қилган холда иш олиб бориш ва фуқаролар ўртасида тушунтириш ишларини тарғиб қилиш белгиланди.

📖 Чет давлатдан қайтган мигрантларнинг бандлигини таъминлаш ва уларнинг холидан хабар олиб туриш ишлари Маҳалла ва оилани қўллаб-қувватлаш туман бўлими ўринбосарларига ҳамда маҳалла раисларига топшириқ қилиб берилди.

‼️Пандемия вақтида карантин талабларига зид равишда қилинаётган тўй маросимларини қатъий назорат қилишни туман ИИБ ходимларига юклатилди.

📑Фуқароларнинг кадастрларидаги мавжуд муаммоларини ижобий ҳал этиб, кадастр хужжатларини ўз эгаларига сектор раҳбарлари шахсан етказиб беришини маълум қилди. Бундан кўзланган асосий мақсад коррупция ҳолатига барҳам беришдан иборатдир.

📱Шунингдек, келгусида маҳалла раисларининг иш самарадорлигини ошириш, иш жараёнларида қулайлик яратиш, ва онлайн мулоқатларни қийинчиликларсиз амалга ошириш мақсадида туман ҳокимлиги томонидан ҳар битта маҳалла раисига планшет олиб берилишини туман ҳокими У.Ялгашев таъкидлаб ўтди.

✍️ Янгийўл туман ҳокимлиги Ахборот хизмати

https://t.iss.one/yangiyul_tuman