Onlayn

Ortiqcha izohlarsiz tadbir juda chiroyli va boy taassurotlar bilan oʻtayotganligini videoda koʻrishingiz mumkin.

Kanalga a’zo boʻlish 👈

✍️ Yangiyoʻl tuman hokimligi Axborot xizmati

Telegram | Instagram |  Facebook | Youtube|Web-site

OAV nigohida biz

Yangiyoʻl tumani mahalla yoshlari oʻrtasida kuni kecha oʻtkazilgan DXX kubogi musobaqalari toʻgʻridan-toʻgʻri futbol maydonidan "Oʻzbekiston 24" telekanalida jonli efirda aks etdi.

Kanalga a’zo boʻlish 👈

✍️ Yangiyoʻl tuman hokimligi Axborot xizmati

Telegram | Instagram |  Facebook | Youtube|Web-site

Ўзбекистон Республикаси Президенти Шавкат Мирзиёев Италия Республикаси Президенти Сержо Маттарелланинг таклифига биноан 7-9 июнь кунлари расмий ташриф билан ушбу мамлакатда бўлади.
—
По приглашению Президента Итальянской Республики Серджо Маттареллы 7-9 июня Президент Республики Узбекистан Шавкат Мирзиёев посетит эту страну с официальным визитом.

#Mirziyoyev #tashrif #Italiya #hamkorlik

Prezident.uz|Facebook|Instagram|YouTube|Twitter

#Диққат_сўровнома

1-ЧОРАКДА ЭНГ ФАОЛ БЎЛГАН ЯНГИЙЎЛЛИК ЕТАКЧИЛАРГА ОВОЗ БЕРИНГ!

⚡️ Юқоридаги суратда Янгийўл туманидаги энг машҳур ёшлар етакчилари ўрин олган.

😨 Сизнингча, қайси етакчи 1-чоракда фаолроқ бўлди? Овоз беринг.

⏰ Сўровнома 8 июнь соат 16:00 гача давом этади.

⚠️ Эслатма: турли ботлар орқали сунъий овоз жамғаришга интилганлар сўровномадан четлаштирилади.

🎁 Ғолиб Ёшлар ишлари агентлиги Тошкент вилояти бошқармасининг махсус совғаси билан тақдирланади.

Овоз беришда иштирок этиш учун каналга уланинг:
https://t.iss.one/+tcc8Accr_k80OGNi

https://youtu.be/-Cgw2q6ILpQ

Futbol, kubog va yoshlar!
30-iyun yoshlar kuni

📖 Yangiyoʻl tumanida shu kunga qadar yoshlar oyligi doirasida oʻtkazilgan DXX raisi kubogida 2000 dan ziyod uyushmagan yoshlar mini futbol hamda ayollar oʻrtasidagi mini futbol musobaqalariga jalb qilindi.

📊Mini futbol boʻyicha olib borilgan bahslarda quyidagi natijalar qoʻlga kiritildi.

1 oʻrin Xoʻjaobod MFY
2 oʻrin Yoshlik MFY
3 oʻrin Vatan MFY

Futbol boʻyicha boʻlsa,

1 oʻrin Dehqonobod MFY
2 oʻrin Nihol MFY
3 oʻrin Islohot MFY yoshlari qoʻlga kiritdi.

🙋🏻‍♀️Xotin-qizlar oʻrtasida sektorlar kesimida olib borilgan mini futbol musobaqalarida quyidagi natijalarga erishildi.

1 oʻrin 2-sektor jamoasi
2 oʻrin 4-sektor jamoasi
3 oʻrin 1-sektor jamoasi qoʻlga kiritishdi.

📌Ayollar futbolida 500 ga yaqin xotin-qizlar qamrab olindi.

Kuni kecha oʻtkazilgan final bosqichida futbol bahslarida 3 oʻrin uchun kurashda Markaz hamda Islohot jamoalari oʻzaro kuch sinashishdi.

🥅 2 ta taymda ham kuchlar teng kelishdi. Penaltilar seriyasida 4-2 hisobida Islohot jamoasi gʻoliblikni qoʻlga kiritdi.

⚽️ Oʻyin yakunida finalga yetib kelgan Nihol va Dehqonobod jamoalari oʻrtasidagi murosasiz kechgan oʻyinda 1-taym 0-0 boʻlib yakunlandi.

✅ 2-taymda Dehqonobod hujumchisi jarima maydonida 11 metrlik jarima ishlab oldi. Dehqonobod oʻyinchisi tepgan toʻp Nihol darvozasi burchagiga kirib hisob ochildi hamda Dehqonobod jamoasi 1-0 hisobda gʻoliblikni qoʻlga kiritib viloyat bosqichiga yoʻllanmani oldi.

🛍 Oʻyin yakunida gʻolib jamoaga DXX raisi kubogi hamda ularning har biriga alohida qimmatbaho esdalik sovgʻalari sektor rahbarlari tomonidan tantanali ravishda topshirildi.

🎼 Shundan soʻng elimiz ardogʻidagi taniqli san’atkorlar ishtirokida koʻnglochar bayramona konsert dasturlari oʻtkazildi.

🎊Tadbir bayramona mushakbozlik bilan yakunlandi.

Kanalga a’zo boʻlish 👈

✍️ Yangiyoʻl tuman hokimligi Axborot xizmati

Brifing

Yangiyoʻl tumani Favqulodda vaziyatlar boʻlimi doimgidek, Siz aziz fuqarolardan choʻmilish mavsumini betalofat oʻtkazib olishingizni, ayniqsa, ruxsat etilmagan joylarda choʻmilish natijasida yuzaga kelishi mumkin boʻlgan baxtsiz hodisalardan oʻzingiz va yaqinlaringizni muhofaza qilishingizni soʻrab qoladi.

Ming afsuski, ayni kunlarda qarovsiz va qoʻriqlanmaydigan suv havzalarida insonlarning choʻkishi bilan bogʻliq baxtsiz hodisalar sodir boʻlib turibdi.

Shu sababli ham joriy yilning choʻmilish mavsumi oldidan va hozirda ham Favqulodda vaziyatlar boʻlimi tomonidan qator tashkiliy hamda amaliy profilaktik tadbirlar olib borilmoqda.

Kanalga a’zo boʻlish 👈

✍️ Yangiyoʻl tuman hokimligi Axborot xizmati

Telegram | Instagram |  Facebook | Youtube|Web-site

Bilasizmi?

📊 Oʻzbekiston 12 ta davlatga gilam sotgan

🏢 Statistika agentligining dastlabki ma’lumotlariga koʻra, Oʻzbekiston 2023-yilning yanvar-aprel oylarida 12 ta xorijiy davlatga qiymati 14,9 mln АQSH dollariga teng boʻlgan gilam eksport qilgan.

✅ Gilam eksporti hajmi 2022-yilning mos davri bilan solishtirilganda 5,2 mln АQSH dollariga oshgan.

✅ Oʻzbekiston eng koʻp gilam eksport qilgan asosiy davlatlar (АQSH dollarida):

— Qirgʻiz R. – 7,5 mln

— Tojikiston – 2,3 mln

— Ozarbayjon – 1,8 mln

— Rossiya – 1,5 mln

— Afgʻoniston – 1,1 mln

— Qozogʻiston – 436 ming

Kanalga a’zo boʻlish 👈

✍️ Yangiyoʻl tuman hokimligi Axborot xizmati

Telegram | Instagram |  Facebook | Youtube|Web-site

#Тавсия_қиламан #Челленж

Куни кеча "Ёшлар кундалиги"да эълон қилинган материал жиддий мушоҳадага ундади. Ўтириб ўйладим. Чиндан ҳам, ёшларни савиясиз ахборотлардан қутқариш долзарб. Бугун ҳар бир инсондан медиа саводхонлик талаб қилинади. Вақт ўғриси бўлган телеграм каналлар, фойдасиз контентлар кўпайиб кетди. Ўғирлик, плагиат медиа майдонда оддий ҳолатга айланди.

Савол туғилиши мумкин. Хўш, ўзинг-чи, ўзинг нималарни ўқиб борасан? Қандай каналларни тавсия қилишим мумкин? Шундай қилиб телеграм мессенжерида ўзим мунтазам ўқиб борадиган каналлар рўйхатини тавсия маънода келтириб ўтаман. Бошқа дўстларимиз ва фаолларни ҳам бу челленжда иштирок этишга таклиф қиламан.

1️⃣ Шарқшунос таҳлилчилар - Тошкент давлат Шарқшунослик университети жамоаси томонидан юритилади. Содда ва равон услубда хорижда рўй бераётган воқеалар сифатли таҳлил қилинади.

2️⃣ Усмон Азим - ўзбек адабиётининг новатори.

3️⃣ ЎзА - Ўзбекистон миллий расмий ахборот агентлиги.

4️⃣ Муфаса - Ўзбекистон миллий норасмий ахборот агентлиги.☺️

5️⃣ Қаҳрамон Асланов - Футбол журналисти, воқеаларни кутилмаган мантиқ билан шарҳлайди, у ёзган таҳлилни бажонидил ўқийман, футбол шунчаки ўйин эмас, кайфият барометри эканини ҳис қиламан. Асланов футбол ҳақида шунчаки статистик мақола эмас, таъсирли новелла ёзади.

6️⃣ ЎзА | илм-фан - Мамлакат кафедраларида ҳимоя қилинаётган диссертациялар мавзуси ва ҳимоя куни эълон қилиб бориладиган канал. Мен бу канални жиддий кузатаман. Кимлар ва қайси соҳаларда, қандай мавзуларда диссертация ёзиб, ҳимояга чиқаётганига қизиқаман. Ва яна: канал очилганидан буён умид ва илинж билан "Мантиқ" йўналишида ҳам кимдир диссертация ёзармикан, деб кутаман. Афсуски, бундай илмий ишга кўзим тушмади. Бизда мантиқ деган тушунча бор, мантиқ илми йўқ.

7️⃣ Ориф Толиб - Шоир, журналист ва муҳаррир Ориф Толибнинг муаллифлик блоги. Унда ўзбек тили имлоси ва стилистикаси ҳақидаги жиддий кузатувлар, таҳлиллар бор.

8️⃣ Газеталар шарҳи - Почта энди аввалгидек бўлмаслиги тобора аниқ бўляпти. Босма матбуот ҳар тонгда эшик қоқиб кириб келадиган пайтлар қайтмайди. Шундай экан, газеталарни PDF форматда, электрон ўқишга ўтдик. Бу каналга "Тафаккур" журналининг электрон варианти ҳам юклаб борилмоқда. Яқин орада ўқиганим энг зўр материал – филолог Элдор Асанов билан журналист-тадқиқотчи Фарруҳ Жабборовнинг "Миллат", "Миллатчилик" тушунчаларининг тарихи, табиати ҳақидаги суҳбати, Хайриддин Султоновнинг "Женя ўзбек" биографик асари бўлди (манба).

9️⃣ Бобил кутубхонаси - Чинозлик ёш ижодкор, шоир ва таржимон Мирзоҳид Музаффарнинг канали. Бу каналда у дангал ва дадил ёзади. Асосийси, тавсия қилиб, ақл ўргатмайди, ўзига ўзи гапиргандек фикрларини ёзади. Ниманидир дастаклаб, манипуляция қилишга интилмайди. У адабиёт одами экани билинади. Маиший, ўткинчи гаплар йўқ.

🔟 Тошкент вилояти қишлоқлари тарихи - Бу канални ўзим очтирганман. Ғоя муаллифи – Зойир Мирзаев. Ҳа, бир қарашда, канал қизиқарли эмас. Лекин, вақтлар ўтиб, вилоятдаги барча қишлоқлар тарихи ихчам форматда бир жойга йиғилса, ноёб қўлланмага айланишини сезаман, тушунаман. Ҳозир шу йўналишда ишлаяпмиз. Мақсадимиз "Википедия" жаҳон электрон энциклопедиясида Тошент вилояти ҳақидаги бу маълумотларни учта тилда жойлаштириш. Ҳозирги кунда бу ишлар бошланган. 40 та қишлоқ тарихи ёзиб бўлинди. Википедиянинг ўзбек таҳририяти билан вакилларимиз музокара ўтказмоқда.

P.S. Бу танлов бошқа блогерларга нисбатан ҳурматсизлик эмас. Булар менинг танловим ва қизиқишларим, орзуларимнинг иньикоси, холос. Матбуот хизматида ишлар эканман, вазифам тақозосига кўра информацион канал ва блогларни кузатиб бораман. Бироқ, бу энди бошқа масала.

Беҳзод Қобулов,
Тошкент вилояти ҳокимининг матбуот котиби – ахборот сиёсати масалалари бўйича маслаҳатчиси.

💬Telegram 🌐Website 📱Instagram 📱Facebook 🌐YouTube