#O‘zbekiston va Xitoy - “Bir makon, bir yo‘l” 🔺Kuni kecha Toshkent shahrining Hilton mehmonxonasida xitoy elchixonasi tomonidan Xitoy Xalq Respublikasi tashkil etilganining 75 yilligi munosabati bilan qabul marosimi uyushtirildi. Tantanali tadbirga parlament a’zolari, vazirlik va idoralar vakillari, xorijiy mamlakatlarning diplomat va elchilari, xitoylik ekspertlar, jurnalistlar taklif etildi. Unda so‘zga chiqqan Xitoy Xalq Respublikasining O‘zbekistondagi favqulodda va muxtor elchisi Yu Jun o‘z nutqida: “O‘zbekiston bilan "Bir makon, bir yo‘l"ni birgalikda sifatli qurish va "Yangi O‘zbekiston", "Yangi Toshkent shahri"ni barpo etish borasidagi aloqalarni chuqurlashtirish, hamkorlikning muhim loyihalarini ilgari surish, yangi o‘sish nuqtalarini faol tadqiq etish, iqtisodiy, savdo va sarmoyaviy hamkorlikni modernizatsiya qilish va takomillashtirishni ilgari surish, hamkorlik samaralari ikki mamlakat xalqlariga yanada ko‘proq foyda keltirishi ustida ishlashga tayyor” ekanligini ta’kidladi. 🔗Shuningdek elchi janoblari ikki mamlakatning chuqur tarixiy va madaniy merosidan samarali foydalanish, ta’lim, madaniyat, turizm, yoshlar, sport va boshqa sohalardagi hamkorlikni kengaytirish, shuningdek, xalqlar o‘rtasidagi aloqalarni yanada rivojlantirishga ko‘maklashish uchun O‘zbekiston bilan aloqlarni yanada mustahkamlash asosiy vazifalardan ekanligini aytib o‘tdi.
🔺Shuni alohida ta’kidlash joizki Xitoy milliy taraqqiyot va milliy tiklanishning yangi yo‘lida O‘zbekiston bilan yonma-yon harakar qiladigan, O‘zbekiston-Xitoy munosabatlari uchun yorqin kelajakni yaratishda yetakchi hamkor sifatida e’tirof etiladigan mamlakatlardan biridir. Rasmiy sahifalarimizga a'zo bo'ling👇
Telegram | Facebook | Instagram | Youtube| Website