Фуқаролар қабули ўтказилди

Янгибозор тумани ҳокими Руслан Жуманиязовнинг навбатдаги қабули ўтказилди.  Унга фуқароларнинг мурожаатларини ўрганиш ва ҳал этиш учун тегишли туман ташкилотлари  раҳбарлари жалб этилди.

Қабул давомида аҳоли томонидан билдирилган  уй-жой таъмири, тиббий хизмат, моддий ёрдам, бандлик, ер муносабатлари  билан боғлиқ  йигирмадан ортиқ мурожаатлар тингланди.

Айрим фуқароларнинг мурожаатлари масъулларга қўшимча ўрганиш учун йўналтирилди. Қонуний жиҳатдан ечим топиш имкони бўлмаган мурожаатлар бўйича ҳам фуқароларга тегишли тартибда тушунтиришлар берилди.

Ижроси учун муддат талаб қиладиган масалалар юзасидан масъулларга муддат белгиланган ҳолда топшириқлар берилиб, ижроси назоратга олинди.

Янгибозор тумани ҳокимлиги матбуот хизмати

@yangibozor_hokimligi

Асосий мақсадимиз – халқни рози қилиш

✅Сўнгги йилларда муҳтарам Президентимизнинг ташаббуси билан маҳаллалар фаолиятини ташкил этишнинг мутлақо янги тизими шаклланди. Ҳар бир маҳалланинг “ўсиш нуқталари” аниқланиб, камбағалликни қисқартириш ва аҳоли бандлигини таъминлаш, тадбиркорликни қўллаб-қувватлаш чора-тадбирлари кўрилмоқда. “Обод маҳалла” дастури асосида кенг кўламда қурилиш ва ободонлаштириш ишлари амалга оширилмоқда.

Вилоят прокурори М. Ахмедов Янгибозор туманидаги “Олтинкўл” маҳалласида ана шу йўналишларда олиб борилаётган ишлар билан танишди, маҳалла муаммолари юзасидан маҳалла раиси, ҳоким ёрдамчиси, хотин-қизлар фаоли ва ёшлар етакчиси билан мулоқотда бўлди.

Янгибозор тумани ҳокимлиги матбуот хизмати

@yangibozor_hokimligi