Xotin-qizlar murojaati hamisha e’tiborda

💠 Bugun Yakkasaroy tuman hokimligida o‘tkazilgan navbatdagi fuqarolar qabuli yakunida ijtimoiy himoyaga muhtoj ayollarning turmush sharoitini yaxshilash va ularni iqtisodiy faollikka jalb etish maqsadida muhim qadam tashlandi.

➡️ Ushbu tadbir doirasida Yakkasaroy tuman hokimi Nilufar Allabergenova “Ayollar daftari”ga kiritilgan 12 nafar xotin-qizlarga o‘z biznesini yo‘lga qo‘yish hamda o‘zini o‘zi band qilish imkoniyatini yaratish maqsadida turli zamonaviy jihozlar topshirildi.

💠 Xususan:

➡️ Tikuvchilik faoliyati bilan shug‘ullanish uchun 7 nafar ayolga to‘g‘ri chok mashinasi, overlog va dazmol;

➡️ Uy-ro‘zg‘or faoliyatini yo‘lga qo‘yish uchun 1 nafar ayolga gaz plitasi va muzlatgich;

➡️ Ta’lim va ijodiy ishlarda foydalanish uchun 3 nafar ayolga noutbuk va rangli printer;

➡️ Pazandachilik faoliyatini rivojlantirish uchun 1 nafar ayolga xamir qorish texnikasi berildi.

🔼 Bu tashabbus nafaqat ayollarning iqtisodiy mustaqilligini ta’minlash, balki ularning oilaviy farovonligi va jamiyatdagi faolligini oshirish yo‘lida muhim ahamiyat kasb etadi. Tuman hokimi ushbu amaliy yordam orqali ayollarning hayotida yangi sahifa ochilishiga ishonch bildirdi.

✍️ Yakkasaroy tuman hokimligi Matbuot xizmati

Yakkasaroyda sektor rahbarlari daraxt ekdilar

💢 Yurtimizda amalga oshirilayotgan “Yashil makon” umummilliy loyihasi doirasida atrof-muhitni obod qilish, ekologik muvozanatni saqlash va aholining yashash sharoitlarini yanada yaxshilash maqsadida keng qamrovli tadbirlar o‘tkazilmoqda.

➡️ Yakkasaroy tumani ham ushbu ezgu tashabbusning faol ishtirokchisiga aylangan. Bugun sektor rahbarlari 358-sonli davlat maktabgacha ta’lim tashkiloti hududida manzarali daraxtlar ekish bo‘yicha navbatdagi xayrli ishlarni amalga oshirdilar. Ushbu tadbirga tuman hokimi shaxsan boshchilik qilib, daraxt ekish ishlarida qatnashdi.

🔼 Xalqimizda “Ko‘chat ek, bog‘ yarat” degan hikmatli so‘zlar bor. Ushbu naql o‘zida chuqur ma’no va hikmatni mujassam etgan: har bir ekilgan daraxt kelajakka bo‘lgan e’tibor, tabiatga ko‘rsatilgan g‘amxo‘rlikning ramzidir.

🌱 Daraxtlar faqat ko‘zni quvontiradigan go‘zal manzara yaratish bilan cheklanib qolmay, balki havoni tozalab, insonlar salomatligi uchun qulay sharoit yaratadi.

🌳 “Yashil makon” loyihasi nafaqat ekologik muhitni yaxshilash, balki odamlar qalbida atrof-muhitga mehr uyg‘otish, o‘z hududiga egalik tuyg‘usini kuchaytirishdek yuksak maqsadlarni ham o‘z ichiga oladi. Bugungi kunda Yakkasaroyda ekilgan manzarali daraxtlar kelajakda shaharni yanada ko‘rkam va toza qilishga xizmat qiladi.

🌱 Ushbu ezgu tadbirlar tuman hokimligi va faollarining o‘zaro birlashgan sa’y-harakatlari samarasi sifatida o‘zgacha ma’no va ahamiyat kasb etadi. Kelajak uchun tashlangan har bir ijobiy qadam barhayot bo‘lib qoladi.

✍️ Yakkasaroy tuman hokimligi Matbuot xizmati